Putin nih Atom ral thawh ding timhlamhnak nei u tiah a ralbawi a chimh hna lio

Putin nih Atom ral thawh ding timhlamhnak nei u tiah a ralbawi a chimh hna lio video zoh ah!
=========
Putin nih Atom ral thawh ding timhlamhnak nei u tiah a ralbawi a chimh hna lio video zoh ah ai biatak timi rel khawh si. Hrokual. Tlawmpal ka van tial.

USA nih a luancia kum 70 ah khan khua pakhat ciam ko in Atom-bomb a rak thlak. Mah hnu ah tu tiang hi hneksak dah ti lo, mi nawnnak ah an hmang rih lo. Putin hrimhrim nih Trump le Kim an i er hrawng ah khan an ram media a chimhmi hna cu, mihrut lawng nih Nuclear (Nuk) cu a hmeh hmasa te la a ti. Tutan i Atom ral caah timhtuah a fial hna ning zoh tikah a molmok pah cang hlah maw, a bianing ah….

Atom kong hi kan holh zong nih tlinh lo caah hrilhfiah a har. 2012 hrawng ah Atom bomb an ser thawk ning vuapvap ka rak tial bal. Nihin ah Nuclear hrawh dih le ser lo ding biatak tein an aupi. Asinain vawleicung ah ttihmi si nakding ah ser an i zuam cio.

Hmanthlak ka langhter ning ah Russia khi Atom bomb hmanhmi hriam/ (rocket) tambik a nei. Cucaah Putin hi Nuclear ral cu a thawk lai maw ti biahalnak a chuak. Le ralkap le hriamnam siseh vawleicung buainak a hlathlaitu hna nih cun Putin hi nitlak lei ram pawl le Ukraine nih biapi sapa ah ka chia hna seh tiah ai hrocernak a si, tiah an ruah piak. Ukraine (Nuk nei lo) ruang men ah a hman lai an zum lo.

A ruang tampi lakah Ukraine hi Atom in a tongh ahcun NATO ram a peh lai, NATO nih a lehrulh la. Russia nih tei la lo. Nuk an hman si ahcun ramkip an lau la, le ralpi thawh ding a lam tam tuk cang. A dang pakhat cu, Nuk an hman ahcun Russia ram hrimhrim khi Hiroshima bantuk a cannak khua tam tuk la caah an tei le tei lo kha biapi ti la lo. Russia cu leicung siifak bik le a rawkbik ram a can ding kha an theih ko.

Mah ti ai hrocernak a ruang i ruahbikmi cu Siipuazi le vawleicung pehtlaihnak an phihmi a lehrulhnak a si. Cun a duhmi a co pengmi Putin nih Ukraine hi EU le NATO ah a kal ding nakin a cihmih le vawlei map in hloh khi a duhdeuh. Mah tluk cun Ukraine hi a ui ti langhternak a si. Cucaah Ukraine president nih tu zan i EU chungtel a sokmi cu Russia thinlinh chinnak a si. Ram 7-8 nih ceih piak colh ding in an aupi colh. EU khua an ruah cikcek a hau.

Putin nih Ukraine hi NATO le EU ah a luh ding a duh lo caah atu dirhmun an phakmi khi a si. Cu lio ah EU le NATO ah an luh a si ahcun buainak cu thisen in donghter a si la, le biaruahnak cu um ti la lo tiah ka ruah.

Nuk in ai hrocernak a ruang pakhat rih cu EU le NATO ram pawl nih meithal, vanlawng le bomb in Ukraine an sirh. An kuat. A man i chamte ding zong um len. Mah cucu Putin nih Nuk hmeh a hau ko rua la, ti tiang khua a ruah phahnak cu si. Hriamnam in Ukraine nan sirhmi hi nan i theih la, Russia nih a zoh sawh la lo, a van ti. Norway cung zong ah a thinhung. Cyber attack a van tuah colh.

UN ah Russia kong an ceih le ram 87 nih a fakbik dantatnak an duh, nain Russia cu Veto a neih caah zei an tuah kho lo. Tuluk le India nih an mawhchiat duh lo. Myanmar nih tha pek. A ram innpa ah cun Belarus le Armenia nih an dirkamh.

Ukraine hi Tank zong pek an duh ko EU nih, nain a mawngh le hman kha duak tiah chimh awk a tha lo, cun Vanlawng hmanh cu an mawngh tawnmi vanlawng phun lawng an pek hna. International Law ning ah ralkap thazang in Ukraine hi bawmh khawh a si lo, nain meithal le raltuknak thilri cu bawmh le pek khawh a si.

Tuni Russia le Ukraine aiawh palai an i ton lio ah Putin minung pawl nih an timi cu atu kan lak khawhmi khua le ramtthen pawl (a bikin Crimea le nai independent a pekmi) khi i ruah ti hlah u law ral kan dai la, a ti. Ukraine nih zeitin an leh hna hnga tiah na ruah? Biaruah bantuk in ka theihmi kan hrawmhmi hna a si. Credit: Hlawnching Bawimanglian

An ram mipi zong nih an duh lo nak an langhter , Vawlei cung ram zong nih an doh rih. A ngam a sang tuk. Pu Tin nih Nuclear atom a hmang bak si cun Vawlei ram nih an zoh sawh sawh lai lo caah Rusian ram cu kum 30 an ram an ser than a hau te lai. I phomh law law hna seh law, vawlei cung ram anaasing minung pawl an caan a dih dih te lai.