Pu Tui thi hlah mu. Na nunnak liam tiah an in ti hih. Ka zum naisai lo!
Pu Tui thi hlah mu. Na nunnak liam tiah an in ti hih. Ka zum naisai lo!
==========
2012 kum ah Canada ka rak tlun in hmuhton in bia kan i ruah hmasa bik mi le na ka hal hmasa bik mi cu na fapa Cungpi kong si khah. Canada ah zeitluk in na fapa ca a thiam, a fit ti kong kan ceih kha… Naa uang tuk i a kong theih naa lawmh ning kha. Ka pu Amos Kung le Hnem Sung tiin na fapa he thla 3 fai kan um ti.
Pu Vic (Victor Biak Lian) nih fiangte in rian nan ttuan tinak kong a ka chimh. U Ling zong nih a ka chimh! Kan upat ning. Salai Ceu Bik Thawng hrim nih cun Khonumthung lio ah 2007 in a kan chim peng. Tui Dim cu tiah hmuh kan duh peng. 2012 hnu lawng ah pumpak in kan i hmu kho!
Hnu bik November 23, 2021 ah Aizawl ah bia kan i ruah mi kan tlamtling rih lo hih. Pu Htet inn ah bia kan i ruah khah! Miphun caah nun pek cio a si nain, thi hrimhrim rih hlah. Pu Tui nih a phaknak in ka phone no a ka hal te ko lai tiah kan hngah peng rih ko lai. Na phone CALL ka hmuh hlan lo “ralhrang kut in na liam lo” moh! “Nan/na thi” an in timi ka zum hrimhrim lo hih Pu Tui!
Kan Arfi Lian A Tla Than, Maw Ka Thin; Pu Dim nihin ah na liam thawng ka theih cu ka celh hrim loh, Nang cu CNF/A rak dirhka in nihin na liam ni tiang dinfel te le zumh awk tlak in rian na tuan, CNF/A ah atungtlang rian asi mi, CHRO ah Chairman na tuan, Khonumthung news ah editor na tuan rih. Culawng asi loh, Atungtlang rian tampi na tlai rih, Na liang cung ah khinhmi rian hna, izuamnak, teirialnak le dinfelnak he na tuan caah tlam na tlinhter zungzal, Cucaah nang cu kan miphun ARFI lian pakhat na si.
Mi tluangtlam, mi nunnem na si caah na sin um arak nuamtuk mi kha, nihin cu kan van theihthan ruangmang, Ralhrang doh dingah naithawh lio ahkhan Lawngtlai in ‘phone’ na rak ka chawnh, ziah tuan ah na kachimh lo,’uniform cawknak zong kan kuat lai si, kan ti i, kan kir tikah na kadangh teh lai na ka timi i dam tein kan i tong than lai, tiah saduh kan that mi kha zungzal thennak tu arak si mu. Pu Dim a sangbik mi upatnak kan pek, Mangtha kun law.
Pu Tui Dim ka zaanmang bantuk asi e. Miphun le ram caah na rak tuanmi, nunnak na rak thaapmi, na nunnak a dih tiang naa pekchanhnak cungah upatnak sang kan pek e! Nangmah bantuk mi nunnem, mitha le, miphun caah aa pumpemi nih nan kan liamtak a tuantuk ai hi, intuar a khun ko. Tuni cu na zuun in ka uai!
Dear Pu Tui Dim Cungpi pa aw zei thawng ko hen kan theih ee. kai zumh kho hrim lo ee. may your soul rest in peace, Salute; A poi tuk ṭung ee. “Pasal bia le ka tlahṭem” zohchun tlak hruaitu kan ram nih an theih camcin lai ee. Upatnak kan pek. A zawhmi lamthluan cu teinak a phanmi a si lai.
Pu Tui Dim, kan siang lo tuk. Bawipa nih na kaltak chungkhar, unau, hawitha le Khonumthung news siseh, CNF/CNA siseh, CDF siseh, ramchung/ramleng ummi Laimi/Chinmi vialte sinah tuarzia thiamnak a tharin thlasuah pek hram seh. Rest In Peace, brother Tui Dim.
Pu Dim, Lam tantim in na kan pial taak cang mu. Na hawi le vialte kan ngaih a chia tuk e. A poi ti pin ah lungfahnak lawngte teh a si ko hi. Rak kal chung ko ne law. Salute! Credit: Vannei Thang, Salai Mang Hre Lian.