Pu Khua Uk Lian Le Ralbawi Solomon Thang Ding Nih An Chimmi Cu A Ropui Ko!

”Chin National Day Vs Chin State Day” (Chin National Flag Vs Chin State Flag).
=============
4th Feb, 2022, the Vaurawng Zuunthil ah CNF PU.SOLOMON THANG DING nih biacah bantuk in Homework a kan pekmi;
”Ramchung ramleng Chin National Day nan tuah tikah thantaar (Flag) nan taar tawnmi ah acheu ram le khua pawl cu sullam a ngei lomi thantaar nan hman tawn. Chin STATE Flag le Chin NATIONAL Flag ah a zei deuh dah kan NATIONAL DAY ah taar ding a si? timi kan hngalh a hau. (Pu. Solomon Thang Ding).

NOTE: PHOTO 1 hi kan NATIONAL FLAG caah Kawlram ramkawmh acozah nih an kan pom piak cangmi a si U.THEIN SEIN chan 2010-2015 in ASSK chan 2015-2020). Cun UNO i UNPO (Unrepresented Nations le People Organization) zong nih pompi cangmi a si. Chin National Day cu 20th February, 1948 in aa sem cang).

PHOTO. 2 hi cu NEWIN MAH-SAH-LAH chan ah STATE an kan pek kum 1974,January 3 hnu ah STATE FLAG caah ser chommi a si. Khi flag tang ahkhin CDF-KKG aa tel kho lo.

Chin State Flag hman a duhmi hna nih cun 3rd January ah khi photo 2nk flag khi va hman ding a si ko. Amahbelte cu CHIN NATIONAL DAY hman a duhmi hna nih cun 20th February ah photo. 1nk flag khi hman hrimhrim ding a si. PHOTO, 1nk Flag khi CNF flag a si lo, CNF tu hi khi National Flag tang ah a um vemi hriamtlai phu tu a si.

”Amahte in a Zo aa langh ko hencu”(By PU. KHUA UK LIAN of CNF,CC). Nizan the Vaurawng Zuunthil ah CNF, Central Committee chungtel Pu. Khua Uk Lian, VZ nih biahalnak an ngei. Q: Feb 1,2022, AANATING kumkhatnak a tlin ni ahkhan M.A.H nih Myanmar ah Mino kum 18 a tlingmi paohpaoh Kawl Ralkap ṭuanter/luhter dih ding a timi kha zeitindah na hmuhning a si?(VZ).

A:”A zo aa langh ko hencu, a kuttang ralkap an tlawm tuk cang timi a fianter chinchin hi a si ko. Ziahtiah April 2021 in nihin ni tiang ah a ralkap a thimi, aa hliammi, an ralthuam he CDM a lutmi an tam tuk cang. Raltuk a huam ti lomi zong an tor cang ti a si. Mah hna pawl zaka ah ralkap thar a la kho ti lo, atu a karh cuahmahmi PDFs mah zong le mah zat, CDFs mah zong le mah zat, pinah tlangcung hriamtlai vialte hun dir-onh dingah a ralkap milu a tlawm tuk cang.

Kei cu atu PDFs le CDFs ah meithal a ting lomi, ramdaw kan mino tampi hna hi MAH ralkap thar ding ah cun lut dih hna sehlaw, training an dih in caanrem an hmuh hmasa bikah an meithal le a hriamnaam he ramtang kan sinah rak kir /tli ṭhan te hna sehlaw, ka ti lehlem cu ta”(By PU. KHUA UK LIAN).

NOTE: Suur cheh thiam lo mah lukhuh ti le Mizo nih ”A vawtu(a vuatu) Ekceh” timi zong maw MAH nih hin a ton te? Anmah thazaang lila hmang in anmah kha doh ṭhan huar. kan ti hnga maw?Anmah nih an hlorhmi (ṬHAWNGmi/Lift) volleyball lila in anmah kha ceilak in SMASH huar ding timi idea bak mu. Credit: Pu Tawk Cung