Pu Biak Ngei Sang hi fa 4 a ngeimi a si i, Wa-uh lo a tuahmi a si!

SAC Ralhrang nih “Pu Biak Ngei Sang” a Hngawng an Aah i an Thah
=========
November 16 zinglei ah SAC ralhrang nih Pu Biak Ngei Sang (kum 48) cu Kalay peng lo in a tlunnak lampi ah an thah, tiah CNO/CNDF nih thawngpang an chuah. Pu Biak Ngei Sang hi fa 4 a ngeimi a si i, Wa-uh lo a tuahmi a si.

Thah a ton lio November 16 ah hin Kalay peng ah CNDF le Kalay-PDF i bawm in kahdohnak chunnitlak dengmang a chuak.
“Kahdohnak ah ralhrang lei in a thimi an tam caah ralhrang pawl an kalnak lamthluan thluang ah meithal an puah i Wa-uh lo a tuahmi fa 4 ngei kum 48 pa zong meithal in a lu an kah hnu ah a hngawng zong naam in an aah,” tiah CNO/CNDF nih an langhter.

Chin Ralkap CNDF Nih Ralhrang Kuttang Rianttuan Tu Palek Ral Hlei Thang A Nungin An Tlaih. Chinram Falam peng chung ah Cozah rianttuan vialte nih CDM nan tel duhlo cun fak piin dantatnak kan in pek hna lai tiah CNO / CNDF nih september 7 ah a hnubik ralrinnak cathanh an rak chuah.

Cu an thanhmi cu Falam peng chungin zul duh loin in a ummi Palek Pa Ral Hlei Thang nihcun CDM tuahding pawl ngiatthlai le CNDF thazaang zeizat ti bantuk in a ngiatthlai hlei ah khuanu khuapa pawl aa hrocer lengmang hna caah November 18 ah CNDF nih an kan tlaih tiah an thanh.

CDM tuah loin ralhrang kuttang ah rianttuanmi Palek cu Vawleicung ralkap zulhphung ning tein a himnak hmun pakhat ah biaceihnak le biahalnak kan ngei tiah CNDF nih cathanh an chuahchih fawn.

Hakha Peng, Vanha Biakinn Mei in a Ciam Dih. Nihin zaanlei sml. 12:30 le 1:00 karlak hrawng ah Hakha peng, Vanha Baptist Church (VBC) biakinn cu Solar he an pehmi Battery mei ruang ah a ciam dih tiah thawng kan theih. VBC biakinn hi a tung pe 70 le a vaang pe 30 a kaumi a si i, biakinn an sak dihnak kum 3 lawng a si rih.