President Biden hi rian a tei lo tiah vote a pe tu lila nih
President Biden hi rian a tei lo tiah vote a pe tu lila nih
=========
President Biden hi rian a tei lo tiah vote a pe tu lila nih an uarnak/ an bochannak a zawr chin lengmang ti asi. Fak tuk in inflation a kai mi le a dih kho lo mi pandemic buainak hi Biden caah “top political problem” ah ai cang. Cu lak ah Russia-Ukraine crisis nih a van buaipi hoi i hiti ning cun term khat dih in a tla ve kho mi asi.
Norway cozah thar zong hi zei hlei si dawh an si loh. US lei bantuk kehlei (liberal party) nih cozah an van tleih i energy crisis nih a den colh ve hna. Inflation problem tu hi cu Norway cu fak piin a buai lo. Ram mipi cung ah energy crisis (mei man fak tuk in a kai mi) kong an phisin dan ah mipi an lung a tling lo ngai.
“Tutan cu zaraan mipi ca deuh asi cang lai” tiah an ti len mi cu pakpalawng asi an ti. Cupin ah fak ngai in min chiat an don nak cu; EU general secretary a ttuan lio mi Stoltenberg khi a tu cozah a tlai lio mi AP hruaitu a rak si. Stoltenberg cu EU general secretary rian in ai dinh caan a tling deng cang. Culio ah Norway Central Bank hruaitu kha pension a la i cu central bank hruaitu rian cu Stoltenberg an pek ai.
Thil kal ning ah Cental Bank hruaitu rian cu party pakhat khat ah ttan hmun ngei lo in neutral tein a um mi asi lai ti asi nain PM le Finance Minister he ai neih niam mi kawidua an si caah an pek mi asi an ti i “corrupt government” tiah fak piin sosel an tong. Hiti ning te a kal ahcun term 2 peh kho lo in an tla ve kho. Kawlram lei kong cu kan rel cio mi asi ko caah hnu deuh ah si te seh. Sangukceu Zinhlawng
Kan Vawlei hi a dam hrim ti lo. A ra laimi zarh chung a tuan bik nithum ni ah Rusia nih Ukrain a tuk khawh tiah US kherh hlai thiam pawl nih an phuan. Tu hi US president thawk in tu zaan thaizing ah biaktak tein Rusia chonh biak an i zuam hnik. Tha tein US nih a chonh biak khawh lo sual cun Ukrain cu Rusia nih a tuk tak khawh.
Ukrain a tuk ahcun Eu le US nih an zoh sawh lai lo. US nih Ukrain a bawmh ahcun Rusia le US ralpi a tho kho. A tlawm bik ah Rusia le Ukrain an i tuk i EU nih a bawmh hmanh ah Vawlei pi caah tih nung ngai lai. Ukrain cu Rusia le EU nih an i cuh mi a si ti khawh si. Rusia nih an ram ah telh a duh. Ukrain nih EU ah um a duh. hmaizarh chung cu Vawlei ralpi Pathumnak hmanh a tho kho mi dirhmun ah a um.
Rusia nih a ralkap le a hriamnam 70% tluk cu Ukrain tuk dingah ready in a chiah cang. Ukrain le EU zong nih timhtuahnak tha an ngei ve cang. Thin tur ngai ko. US chief Inspector lei chim phuannak an ngeihmi VOA nih a thanhmi ka hoi ruah damh ve mi Kan hrawmh hna. Vawlei Ral pi Pathumnak kan neih ngai cang ko rua. .Kawi hmun e puai hlan ah vawlei ralpi thawh khawh si. Biak H. Ling