Political party leaders, MP aa cuhmi tbk vialte Khawika ahdah nan i thup dih

Political party leaders, MP aa cuhmi tbk vialte Khawika ahdah nan i thup dih. NLD leaders, ASSK le Leaders dang a dang an tlaih lio hna ah NLD chung in MP or ministers a si ve ko mi, tlaih lomi dirhmun ah um zong hi ningzah awk thil ah ka ruah e! Political party cu, Democracy system ah a kheumi a si bantuk in, Democracy pi a thih ahcun, nan dirhmi political party vialte zong kha an thi dih ve timi nan theih cio ko ttung? Ziah, nan political party aa semmnak, Democracy restore/ ser tthannak ah nan cawl ve lai lo maw? Midang nih chanchuah ko sehlaw, a tthat hnu ah political party tu kan dirh tthan te lai tbk indah nan ruah? Pasal a simi nihcun midang lo-vah cia ah fa cang tuh ithawh ding a si lai lo.

Thantlang, Hakha, Falam, Mino tampi cu lampi ah an chuak. Hruaitu a ngeilomi bantuk in anmah vai in an vai. A thi cuahmahmi Democracy chanhchuah dingin an au. Politicians tiah MP aa cuhmi vialte hna, a thi cuahmahmi Democracy chanchuahnak ahhin nan itel cio hna lai lo maw? Mino thazaang peknak le thlacam piaknak tal in nan muihmai nan langhter ngam lo maw? Note: ka ruahmi bantuk in a ruat ve lomi tampi nan Um ko lai nain, hi vial hi ka zai nak siseh!

Relchap, Kawlram khuakip ah a thong thong in Mipi an chuak cang. Ralkap uknak hi โ€œoverthrowโ€ hloh dingin ready an si cang. MIPI cu an chuak cang i, biapimi cu Hruaitu an si. Tutan ahhin 2008 phunghrampi hi thah/destroy lawlaw in, Mipi nih uknak lak lawlaw a herh lio caan a si. Example ah, Mipi thazaang hmang in, NLD kha interim Cozah thar dirh ter in, cun, UN Ralkap/ peacekeeping pawl kha, National security caah request tuah colh kho hna sehlaw, cun Ralkap lutlai/ leaders vialte kha tlai viar hna sehlaw, cuticun Ralkap telh bak loin, Democracy ram thar a dirh khawh nakhnga ruahnak/ thluak chuah a herh lio caan te a si.

Cucaah, tlangpar/ethnic lei hruaitu vialte an si ah, Kawlrawn lei an si ah, Zeitindah Ralkap uknak hi kan hloh/ destroy lai i, Zeitindah Mipi duhmi Cozah thar kan dirhning a si lai tbk, cun, zeibantuk buu ahdah kan ifuntawm chung a herh tbk pawl hi ttha tein an iruah cia a herh bak lai ka ti. Democracy le Federalism a duhmi vialte, kan pale/ leaders pawl hi thate in an ifun/tawm khawh lo ahcun, tulio Mipi thazaang hi a lak a si kho. Kan hruaitu/ leaders pawl nih hin Mipi thazaang hi a hman zia thiam hram hna seh timi hi ka thlacamnak a si. Credit: Zasang Cinzah