Person of the Year tam cem ngei kho miphun.

Person of the Year tam cem ngei kho miphun.
===========
Thlitu cun kan cak bak. Min Aung Hlaing lubo pa nih Kawlram pi uknak a chuh hna i Laimi nih kan hei hrocer hmasa cem colh. A fim cem in ai buluk ngang pawl tiang nih online in a hei hrocer cemtu cu Laimi si dawh bik kan si.

Time magazine nawl kan icawn i “Person of the Year” cu kan tuah lulh ve hna. YCCF-International nih kan rak tuahmi kha a rak ropui bik. Vawlei pumpi khuasa Chin miphun chungtel hna nih “thimfung thlak” bak in rak thim a si. Ka duh loh, ti phun in ai umtermi zong nih “keimah an ka thim awk a si” ti in aa rak iruat ngangtu pi hna a rak um kha mu. Kan laksawng zong a rak mak khah, a chan lio ah cun.

YCCF nih kan ngol hnu khan CPY cu an karh. A kenkip loin an ipe cio. Tumtum zong nih a rak pek ve hna rua, ka ti.
Tukum hi CPY 2021 cu minung zeizat remruam nih dek an ngah hoi te lai. Lawmhpi awk ngai cu nan si ko. CPY bel iti loin, LPY tu iti deuh ding cu kan si hna nain.

Lai milu sing 2 hrawng lakah CPY a tlawm bik 10 paoh cu kum chiar in ithim dawh kan si ko cang hna. Falam lei nih CPY ti in zeizat remruam dek an van chuahpi ve te rih lai? Zomi nihcun an ithim rua lo. Matu, Cho le Kcho lei zong an ithim hna rua lo.

Lai ai timi TT, HKA le FLM chungin CPY cu kan tam tak nain, “kan khualu in Goliath nihcun a kan awnh hnawh peng ko,” tiah Saya William nihcun a FB ah a taar. Credit: Salai C Alexander

Chin Person of the Year thim a tuah hmasat bik tu hi Chinland Yahoo Group a si. 2002 kum in kum fatin te a tuah. ukum CPY 2021 cu Minung 18 hrawng nih tinco dawh in a lang i kumvui lei cun LPY, PPY, KPY le VPY tbk in! Huat dah kaw a tlai lei cu.

Hi hnu hmai lei ah cun ‘Like’ pe tu atam cem Person of the Year zong tuah asi te lai, mi thawng pang zamh cia mi pawl tharchuah in buluk tu pawl Person of the Year te pawl zong um te lai, Ram 3nk phanh paoh ah hin fim colh le au-khuan colh ti phun Person of the Year zong um te theo lai.