Peng Pakhat Le Tlaang Pakhat, Sang Pakhat CDF Um Caan A Si Ti Lo!
==========
2021 lio ah khan cun Pengtlang kip ah CDF dirh le um kha a rak herhtuk i an um mi zong kha a dik ve mi a si ko, Sihmanhselaw,a tu kum 2 renglo kan kal cang mi ka cuanh tthan tikah, a tu pengtlang cio i CDF kan ngeih mi hna hi CNA ah ttha tein luut dih hna selaw, CNA nih ttha tein traning zong pe tthan hna seh, cun ral an tuknak ding le duty an ciahnak ding siseh, hriamnam an hman ding mi le an ei le an din ding mi tiang in buaipi lawlaw hnaseh.
Cun a tu -CDF hruaitu hna i sinak an i peek ning te tu khin CNA nih cohlang hnaselaw tampi hmasawnnak kan ngei lai i, kan tlang cio mipi pawl zong kan ralkap ca i tangka kan thawh mi, Hriamnam cawknak,Kuan cawknak,Uniform cawknak, Ei-din cawknak tibantuk cu hmunkhat lawngah thawh a si cang hnga i tampi thilttha a chuak lai i zaang zong a dam deuh hrimhrim lai ti hi a si.
Tahchunnak ah,kan ral doh mi hi hei tei te usilaw, Federal ralkap cu an chiah hrimhrim te hna lai i, cu i an chiah te ding mi hna cu, Miphun aiawhtu phu lawnglawng kha chiah te ding khi a fiang mi a si ko i khitik zongah CNA i kan i fawnh ahcun Federal ralkap tiang khin kan tlangmi kan i tel kho ve lai.
Cucaah Vailamtlang-CDF i luh luaimainak in, CNA i luh lawlaw kha miphun aiawh kan si caah a let tampi in a sunglawi deuh tiah ka ruah i nanmah le nan khua cio zongah hi kong hi aupi cio ulaw a ttha lo maw?Zeitindek nan ruah ning a hei si cio?
Ralhraang Nih Tlangcung Mi A Kan Zum Kho Ti Lo. Ralhraang hna nih Tlangcung mi pawl cu a kan zum kho ti lo,kan ral an si dih ti hi a ruahnak a si cang ti a fiang,cucu,Chinram khualipi Hakha um Chin Police pawl ci kan caah dohtu kan ral,dalan nan si tiah an ruah hna caah Helicopter in an thiar hna i hmundang ah an tthial cang hna tiah theih a si.
Nihin 28 June lila ah hin Ralhraang vanlong nih Thantlang Sizung pawng ah bomp voithum tiang a va thlak ,asinain a thi mi an um hraw lo tiah kan theih. Zahan 27 June ah khan Hakha i Passport Offuce pawng ah puahkehnak a um i a thi mi le hliam a tong mi hi fiangin an chim kho rih lo.
Kalay Peng Thasi Khua pawng Kahdohnak Ah SAC Ralkap 30 Hrawng An Thi. Sagaing ramṭhen, Kalaymyo thlanglei Thasi khua pawng ah June 25 ah khan SAC ralkap le PDF hna cu fak ngai in chunnitlak tluk an i kap i kahdohnak ah cun SAC ralkap 30 hrawng an thi, tiah Ranger Kalay Defence Force in ṭuanvo ngeitu pakhat nih nihin June 28 ah a chim.
June 25, zinglei suumilam 7:00 hrawng ah minung thazaang 120 hrawng he SAC ralkap hna cu Kalaymyo thlanglei in hmun thum ah rallam an sial i, hmundang um SAC ralkap hna zong nih Thasi lei ah hriamngan in kah an bawm hna. Rallam sialtu SAC ralkap le tualchung hriamtlai phu hna cu zinglei suimulam 9:00 in zaanlei suimilam 5:00 hrawng tiang fak ngai in an i kap, tiah theih a si.
Thasi khua hi SAC ralkap checkgate pahnih kar ah a ummi khuangan pakhat a si i Kalay-Gangaw lamkam ah a ummi a si.
Kahdohnak ah a thi mi SAC ralkap 30 hrawng pinah hliamhma tuarmi zong an tam. Kalaymyo Sanpiah lampi cung ummi no. 228 um ralkap, Taunghpilla tlangcung um ralkap le GTC sianginn chung i umhmun a khuar mi SAC ralkap hna nih kahdohnak a chuahnak hmun lei ah hriamngan an kah, tiah theih a si. SAC ralkap hriamngan kahnak ruangah Thasi khua mi 2 hliamhma an pu i, tualchung hriamtlai phu lei hnu tolh an timh lio ah hriamngan tlaknak in CDF-KKG in ralkap 3 le mipi vengtu(pah kah phah) ralkap 1 hliam an tuar pinah CNDF-VAKOk in ralkap pakhat nunnak a liam.
Kahdohnak um loin Thasi khuachung ah nihin tiang SAC lei nih hriamngan an thlah i, a luancia ni tlawmpal zong ah SAC hriamngan kahnak ruangah khua mi kum hnih tluk ngakchia pakhat cu a nunnak a liam i midang 3 hliamhma an tuar pinah innzuat saṭil hna zong an thi, tiah Ranger Kalay Defend Force nih an thanh.