Pathian rianṭuantu hi kanmah nih midang sin chimh cawnpiak lawng ah!

Pastor ralrin pek kan tong (Yellow Card)
==========
Pumpululh chuih ah zulhphung a buar mi cu ralrinnak aihre cahnah (Yellow card) pek an si. Voi 2nk ah cun a sen (Red card) pek i dinhter an si. Pathian rianṭuantu zong ralrin pek kan tong pah cang. 1. Midang nih sungh le zawtlak puicimh ton ah Pathian nih dan a tat hna ti phun in ruah, mah zawn vial ah Pathian nih a sal ṭha si ding in a kan hniksak hei ti diam,

2. Midang Covid in an zawt cu sual le nawlngaih lo vah tam man hei ti i, A thi mi poh le fahnak a um ti lo nak Pathian ṭaangnem ah aa din cang hei ti, mah vun dam lo vial ah Pathian nih a kan dawt tuk i a sunparnak langhter duh ah kan dam ṭhan vun ti ziar,

3. Midang nunnak pek vial miphun caah upatnak sang bik kan in pek hei ti, mah vial thlahlawh tling hmuh ko i ṭukṭak te hmanh pek sian lo, ramkhel le dothlennak hmanh a thleidang kho lo mi nih Pastor cu an ṭuan ve ti zong kan tong,
4. Covid ruang ah khrihfabu rian vialte i dinh hleihlei ah mah te lawng thlacam le Baibal rel tiang in Covid ruang ah tiah i dinh. Kan inn te in thla kan campiak zungzal hna tiah naal ko in hei chim.

Pastor ngiat le soisel hi kan in cawnpiak hna lo nain nan thiam tuk eh. Ka hmanthlak cung ah ca an ṭial i, tar ding cakuat he an ka kuat mi si hi mu. Ka ṭuan hawi nih phundang in ka ruat lai u cih. Thinlung le thluak cawlcangh lau pah hi a ṭha cuh.

Pastor Ralrin Pek; Pathian rianṭuantu hi kanmah nih midang sin chimh cawnpiak lawng ah kan diriam hlah seh, mizapi awaan hi vun ngai ve usi. 1. Zu ding sin ah heh tiah crusade le cawnpiaknak tuah i mah vial ih lai ah chep ko wine le beer din hman.

2. Zukhmuam hman cu zawtnak le chantawinak khuachia fa hei ti, mah vial zunput chung i kuakzuk hman, nu nih ṭaang chung bisikut bawm ah KN dur tenh. 3. Mirum inn le khrihfabu ngan pipi cu a dongh zan cabawm ruahchan in caan pek, khuate le sifak sin cawnpiak sawm ah ka program a ciat tuk hei ti. Vawlei chaw ah ka buai lo ti pah rih. Laksawng tlawm deuh pek ah le cukha bangia e caan ka hei tenh hna i tiah chungkhar ah zai.

4. Pumsaduh sualnak i sum u hei ti, mah vial tluk ah voi 7 tluk voi 7 thawh bak ve hei ti i Satan tu sual puh, taksa minung pei kan si cu hei ti rih. Nun zia, Baibal le Khrih kong nal ko chim thiam, chim ding (sermon) lawng ruat ti hlah u, nan nun kan in ngiat ziar hna hi i hngalh cang u. Cawfa nih cawpi hnuk dinh caan a phan te lai ti mi phungthluk kan phan cuahmah cang. Pastor ca ah thlacam piak lawng si lo in nun hi kan chim pah ve ko u. Credit: F Za Thang