Pasaltha Peng Bawi Sawmhal, Mipi hriamnam Rungtlang ah ka va lak, philh awk tha lomi tuanbia thar!!

Rungtlang ah lak mi siko hih-PengBawi Sawmhal
=====================
Ralram muilak ah na kahuhphen na ka khamh lam na ka hruai hlawhtlin nak na ka pek ka lawm tuk ka pathian, philh awk tha lomi tuanbia thar. ပြည်သူ့သေနတ်ပြည်သူ့စီပြန်ရောက်. Rungtlang ah lak mi siko hih. 8.10.2022. Crd-PengBawi Sawmhal. Note-Ruangtlang ah MAL kuttang ah riantuan a duh ti lomi SAC ralhrang ralkap pakhat le hriamnam meithal a vak lak tiah theih a si, Nai zong ah minung pa 6 a vak lak hna tiah theih a si. A tu he cun voi 2nak a si cang. Upatnak pee cio hna usih pasaltha ciammam. Practical in hmuhter khawh mi kha pasal cu an si. kan ni lawmh pi tuk hna.

Pengpeng kan i u pat tuk na lak.mi ralhrang pa zawng cun.vun i lang ter chih chinchin.law cu mak chinchin.hnga
kan ral kap le pawl nan i kop kho lo hman ah raltuk ti kho in na kan dir piak cazawng ah nan kap 2 IN kan i u pat tuk hna tei nak cu Bawipa bom nak in ara cuah mah ko. Bawipa nih lam in hruai ko hnaseh peng peng.

PATHIAN nih nan rian tuan nk le nan um kal nk paoh ah in umpi zungzal ko hna seh upa. Pengbawi na ngan dam ko seh. Nai ah na hawi le i bawm i Ralkal 6 nan va lak hna hnu ah a tu 266 ah nangmah lawng bak in mi pakhat hriam 2 he na va lak than mi cu a porui tak tak. Zei paoh ah Pathian nih an um pi kan in upat.

Pathian nih in um pi ko hna seh ka kan i lawmtuk.Kan i lawm tuk e bawipa nih lam in hruai chin chin ko hna seh. Peng Peng Pathian nih nan rian tuan nak ah lam i hrawi chin ko seh 5 ting CDF Senthang pasal. Kan i lawm tuk e pathian nih in um peng ko hna seh.

Mi nung le mi nung thumh hi cu a pawi lo Pathian nih thumh ko hi tih nung Pathian nih nan tlawn len nak nan um thut nak ah mit hmai tha in pe ko hna seh mi phun a lianngan ter tu cu din nak a si. kapa pengpeng pathian nih a lam kip ‘n lam ‘n hruai seh mu.

Launglon Peng Ah Pyusawhṭi Pakhat Kah A Tong, Kutser Meithal Telh In Meithal 2 An Chuh, Launglon peng Maungmakan(မောင်းမကန်) khua in SAC ralkap hmanrua pyusawhti phu chungtel simi Zaw Win Shing cu kah a tong tiah Dawei Guerrilla Revolutionary Force – DGRF nih October 9 ah cathanh an chuah.

October 8, zaanlei suimilam 7:30 hrawng ah Maungmakan(မောင်းမကန်) khua mi pyusawhṭi phu chungtel pakhat simi rithaisi cawk/zuar in SAC ralkap thazaang petu le bawmtu Zaw Win Shing cu DGRF, LLPDF le T-PDF phufonh nih fimhlawm a si tiah an thanhmi ah cun an langhter. Kah a tongmi Zaw Win Shing sin in 22 meithal pakhat, Air gun pakhat, nam pakhat, phaisa sing 14mmk, le rithaisi thlainak cuai telh in zeidang thilri kan lak tiah an langhter chih.

Yeepyar Khua Pyusawhti 27 Mipi Ralkap Sinah An I Fonh, Magway ramṭhen Pauk peng Yeepyar khua in pyusawhti minung 27 cu SAC chuahtak in mipi ralkap sinah an i fonh tiah October ni 9 ah Myaing tualchung hriamtlaiphu nih cathanh an chuah. October ni 8 ah Yeepyar khua in pyudawhti minung pa 15, nu 12 cu SAC ralkap chuahtak in tualchung hriamtlaiphu sinah an i fonh tiah theih a si.

Mipi ralkap sin ai fonhmi pyusawhti pawl cu rahrial in a um mi hna nih eidin hrukeih an pek hna, an ngandamnak an zohkhenh hna pinah an simcard an lak i anmah sim in an chung le an chawnhter hna hnuah kal an duhnak hmunah an chiah hna tiah theih a si. October ni 2 Yeepyar khua pyusawhti sakhan an rak kahlio i an tlaihmi pyusawhti 53 zong biakamnak minsen thut dih hnuah an thlah ṭhan hna tiah theih a si.

Paletwa Le Sami Ah Khuapi Leiin A Lutmi Facang A Dongcat, Chin ramkulh Paletwa le Sami ah facang cawk ding a dih caah khuapi chungum mi hna nih khuate lei in a lutmi facang lawng an cawk i an ei cang tiah theih a si. Paletwa ah Rakhine in a lutmi facang cu singkhat reng lo in cawkding ah an kawl cio nain a zuartu zong an um ti lo tiah tualchung mi nih an chim.

Khachuansen, chiti le cite tu cu a thli in khuachung an luhter khawh rih caah a man fak nain cawkkhawh a si rih ko tiah an chim. Paletwa khuachung ah cun khuate lei in a lutmi facang tu cu dip khat ah 70,000ks in cawk khawh a si tiah theih a si.

Cun Sami khuachung ah facang an donghnak thlahnih hrawng a si cang caah khuate lei in a lutmi facang cu dip khat ah 60,000ks in an cawk tiah tualchung mi nih an chim.

Gangaw Peng Kahdohnak Ah SAC Palik Bawi Pakhat A Thi, PDF Pahnih An Nunnak A Liam Ve, Sagaing ramṭhen, Gangaw peng Gan khua le Kyunkhonta(ကျွန်းခုန်သာ) khua kar ah October 9, zaanlei suimilam 3:00 hrawng ah tualchung PDF 2 le Gan khua palik sakhan um palik phu kar naih tein kahdohnak a chuak i PDF lei in minung 2 nunnak a liam, palik lei in palik bawi pakhat a thi i minung pahnih hliamhma an tuar tiah tualchung mi nih an chim.

“Tualchung hriamtlai minung pahnih cu lampi ah SAC palik he an i tong i, palik nih pakhat deuh cu a Hna ah meithal hmuahchih buin a khup a bilter, cu lio ah a hawipa nih a meithal i ai chuah i a kah ve hna hnu ah kahdohnak a chuah hi a si” tiah tualchung mi pakhat nih a chim.

Cu kahdohnak ah cun palik bawi an hliamh hnu ah a nunnak a liam, kah a tongmi palik bawi cu uniform aa hruk lo, kuan nih a hliamh caah sakhan an phak hnu ah a thi” tiah tualchung mi pakhat nih cun a chim.

Nattalin Peng Ah Rallam Sialmi SAC Ralkap Bomb Puahhnawh An Ton Caah Ralkap Pali An Thi, Bago ramṭhen Nattalin peng ah rallam sialmi SAC ralkap pawl bomb kan puahhnawh hna i ralkap pali an thi i hliamtuar zong an tam tiah Nattalin PDF nih cathanh an chuah.

October 9 ni ah Nattalin peng Kayinswai (ကရင်ဆွဲရွာ) khua lei panh in rallam sial ah a kal mi SAC ralkap thazaang 23 cu Tharyawaddy pengkomh battalion 3801 , tatkhuai 4 le MRF Nattalin nih bomb an puahhnawh hna tiah theih a si. Cu bomb puahhnawhnak ah SAC ralkap 4 an thi, 8 leng nih hliam an tuar tiah an cathanh ah cun an langhter.

Pakokku Ah Faktuk In Ruah A Sur Caah Tiva Ti A Lian I Minung 4 Ti Nih A Fenh Hna, Magway ramṭhen, Pakokku ah October 8 zinglei suimilam 3:30 in faktuk ruah a sur caah tiva ti a lian i, minung 4 ti nih a fenh hna tiah Myanmar meithat zung nih cathanh an chuah tiah theih a si. No.15 sang Sinpoahhla lam 8 nak, Sinpoahhla(ဆင်ပေါက်လှ) tiva ti a lianh caah chungkhar pakhat in pa 2 le nu 2 hna cu tiva ti nih a fenh hna.

Khuachung mi bawmchantu pakhat nih cun ” Zaan ah ti a lianh caah a himnak hmun an hrial, cuti an hrialnak ah cun ti nih a fenhchih hna. Zinglei ah ngakchia 2 ruak lawng hmuh a si nain zaanlei ah a nu ruak an hmuh ṭhan. Ngakchia cu kum 14 nu le kum 7 pa ngakchia an si” tiah a chim. A luancia 2011 kum October thla, Pakokku pengchung ah ruahpi faktuk in a rak sur caah minung 100 hrawng an nunnak a rak liam i, inn 200 hrawng a rak rawk bal cang tiah theih a si.

A Langhlat In A Um Mi Hna Caah Khuaruahhar Thil An Serchuah Mi!!, Tuchan kan vawleicungpi fimthimnak le an thil serchuah ning hi zoh tikah nikhat hnu nikhat in fimthiamnak a sang chinchin bantukin khuaruahhar tuk khi a si cang. Seh thilri an serchuah mi pawl zong nifatin tiawk in a tam chinchin bantukin a karh chinhcin cang.

A tu ka rak langhter hnga ding mi cu cianphan in an serchuah mi phone he pehtlainak tuah khawh mi thilri pakhat kong a si lai. Hi thilri hih cu dl a ngei mi RS pawl nih an duh mi thilri pakhat a si ti khawh a si. A bikin a langhlat in aa duh mi LDRS (Long-Distance Relationship) pawl nih an duh khuan mi thilri pakhat a si.

Mah thilri hi a min ah Kissenger (Kiss Messenger) tiin auh a si i, na dl he nan i chawnh lio ah na phone ah an bunh i na hnamh a si ah cun, a leng a taktak ah na dl he aa hnamh taktak mi khi a lo lai. A um tu a muisam cu phone a bawm he aa lo i Silicone Pad pakhat a si.

Mah Pad cu nangmah lei nih na hnamh a si ah cun, a mah ah aa tel chih mi App nih nangmah nih nan hnamh ningcang (Tahchunhnak ah-na hmur na tuah ning, a um tu ning cang, zeitin dah ka hmur he ka ton ter lai, I hnmah tikah zeitindah kei mah lei in thazaang ka chuah lai..etc..tibantukin) kha mah Pad nih cun aa hmattha (Chingchiah) lai i, khat lei ah nan i chawnh mi na dl nu/pa sinah a va kuat lai.

Cu tin cun aa chingchiah lai i mah thilri a thil ti khawhnak nih cun an tuaitam lai i a taktak ah na dl he i hmanh taktak mi a lo lai i, hmundang kaadang ah a um mi na dl ca zong ah a taktak in i hmanh taktak mi a lo lai. Mah thilri hi RS ca lawngah siloin nu le pa, chungkhar, hngakchia aa hlatnak ah a um mi pawl caah an serchuah mi a si bantukin hman khawh a si ve i, a tu lio ah cun iPhone he lawng hman chih khawh a si.

Chawlehnak mit a au tuk mi minthang online Influencer pawl le Celebrity pawl hna nih cun mah thilri hmangin online in mi pakhat khat he i hmanh in i zuar dingah timhlamhnak an ngei cio hna ti a si.

KIA le PDF Phufonh Nih BanMauk Palik Sakhan An Kah Hna, SAC Ralkap 11 An Thi, Sagaing ramṭhen, BaMauk palik sakhan cu KIA le PDF phufonh nih an luhhnawh hna i an kah hna caah SAC ralkap 11 an thi tiah BanMauk Revolution-BR nih October 9 ah cathanh an chuah.

BaMauk palik sakhan cu kahnak hi a luancia October 4 ah luhhnawh in kah an rak ton mi a si, cu kahdohnak ah cun SAC ralkap 11 an rak thi. Asinain cu kahdohnak kong ah SAC ralkap nih thawngdik thanh duhlo in, a thli tein an umnak sakhan hmunhma chung ah a thimi ralkap ruak cu an rak vui tiah Banmauk Revolution – BR nih an langhter.

Watlet le Taze Ah Tualchung Hriamtlai Phu Chungtel 15 Nak Tlawmlo An Nunnak A Liam , Sagaing ramṭhen, Shwebo pengkomh Watlet peng le Taze peng ah SAC ralkap nih van leiin kahdohnak an tuah caah kaphnih kar kahdohnak a chuak. Cu kahdohnak ah cun SAC ralkap leiin 15 nak tlawmlo an nunnak a liam tiah theih a si. October 8 ah, SAC ralkap nih Watlet nichuahlei Hpayarlaykone (ဘုရားလေးကုန်း) khua pawnghrawng ah van le in an rak kah hna caah tualchung hriamtlai phu minung 8 nunnak a liam tiah tualchung mi nih an chim.

“Tualchung hriamtlai phu chungtel minung 8 ruak hmuh a si, ral tuknak vanlawng 2 he bomb an thlak, cun MI 35 hmangin an kahchap, cu hnu ah helicopter 2 nih ralkap a ṭhumh hna, a thimi midang zong umkhawh rih a si” tiah tualchung mi pakhat nih a chim.

Chunhnu suimilam 12:30 hrawngah Shwebo pengkomh, Taze peng ah SAC ralkap le tualchung hriamtlai phu kar kahdohnak a chuak i, tualchung hriamtlai phu leiin minung 7 an nunnak a liam tiah MDF-Hydra Force nih cathanh an chuah. SAC ralkap nih hriamngan phunphun hmang in khuachung ah pehtlai in an kah hna caah khuami cu a himnak hmun ah ṭhial an si tiah MDF- Hydra Force nih an thanh.

Bamar People’s Revolution Army-BPLA Nih A Voi 4 Nak Ralkap Training Tlamtling Tein An Tuahkhawh, Bamar People’s Revolution Army (BPLA) nih tuahmi a voi 4 nak ralkap training cu tlamtling tein an liim tiah theih a si.

BPLA nih ralkap training an rak tuah ah hin AA nih zohkhenh le hruainak in rak tuah a si i, tutan a voi 4 nak ralkap training tu ah cun BPLA nih anmah thithruainak in tuah a si tiah BPLA Commanding officer nih training dihnak tuahni cakuat ah a langhter.

Cun a tubantuk mah tein training tuah kho ding tiang dir khawhnak caah lungsau tein a kan dirkamhtu AA le training tuahnak ding ca ah a herhmi paoh a kan tawlrelpiaktu KNLA an cung ah lunglawmhnak tampi kan ngei tiah a langhter chih.

AA le KNLA cung ah lunglawmhnak tampi kan ngei, kan ram le kan i tinhmi dohthlennak caah leirawinak um lo in, fek tein kar kan hlanglai tiah an langhter.

Chinland Defence Force Mara Nih MATC/MDF Sin Ah Ralrin Peknak Cathanh An Chuah, Chinland Defence Force – Mara nih MATC(Mara Administrative Territorial Council)/ MDF(Maraland Defence Force) sin ah a ra laimi 9 October, 2022 ni, a hnubik chia in, Mara hmunram in chuah dingah theihternak cathanh an chuah.

Cu theihternak tuahmi nawl cu nan zulhlo a si ahcun kahdohnak he biatak tein hmalaknak kan tuah cang lai, tutan theihternak cathanh chuahmi hi a hnubik ralrinpeknak cathanh chuahmi a si tiah CDF-Mara nih 8 October, 2022 ah cathanh ah cun an langhter.

SAC Ralhrang Lutlai Min Aung Hlaing Chungkhar Nih Phaisa An Hmuh Nak Le Company Pawl!! Min Aung Hliang cu President of the Union of Myanmar (ပြည်ထောင်စု သမ္မတ မြန်မာနိုင်ငံတော်) i tamtadaw ralkap fa pakhat a si i, တပ်မတော်ကာကွယ်ရေးဦးစီးချုပ် in rian a tuan cuahmah mi a si. Kum 2021 Feb; 1 ah hramhram in uknak a lak hnu ah နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ in tuanvo a laa mi a si.

Kum 2021 August ni 1 ni ah dirh mi အိမ်စောင့်အစိုးရ zongah zah theih lo ngai in Vauncichoh in a mah pumpak in rian aa kai ter mi a si. Cu dirh mi cozah in a mah pumpak in upadi le nawl a suaisam i, a mah a suaisam mi upadi le nawl cu a mah pumpak in a zul than mi a si.

Min Aung Hlaing cu Kum Dawei ah, July 3, 1956 ah a chuak i, a tu hi kum 66 a si cang mi a si. An nu cu Kyu Kyu Hla a si i, An nu he Fa pahnih an ngei i an min ah a fanu Khin Thiri Thet Mon, a fapa Aung Pyae Sone an si.A tunu Yathana Htet a si. A nu le a pa min cu U Khin Hlaing le Daw Hla Mu an si. Min Aung Hliang a sianginn kai nak cu Rangoon Arts and Sciences University (LL.B) ralkap sianginn in a dih mi a si.

Min Aung Hlaing chungkhar le a phaisa hmuh nak he aa pehtali mi Company pawl, ” Min Ta Yar Gyi Company Limited, Myanmar Sit Thu Gyi Co Ltd, Challenger Company Limited, Sky One Construction Company Limited, Myanmar Empire Company Limited, True Golf Solutions Company Limited, Winning Star Company Limited, Shwe Minn Yan Company Limited, Apower Company Limited (A Power Energy), Minn Pyae Tagon Industrial Company Limited, Bhone Myat Pyae Sone Trading Company Limited.

Nyein Chan Pyae Sone Manufacturing & Trading Company Limited, Attractive Myanmar Company Limited, Photo City Company Limited, A & M Mahar Company Limited, Stellar Seven Company Limited, Pinnacle Asia Company Limited, Technology Training Services Limited, Myanmar Payment Solution Services Company Limited

Ed Tech Myanmar Company Limited, Good Family Company Limited, Golden Seahorse Maritime & Logistic Services Company Limited, Royal Luxury Group International Company Limited, Triumph Myanmar Industrial Company Limited..Etc. .” pawl an si hna i phung ning loin a lak mi mipi ngeihmi zong a tam len.

Min Aung Hlaing le a chungkhar nih an ngeih mi le an chawlehnak pawl,” MyTel (A lung lam le U wisara lam ton ah a ummi), Mytel Pay, Mytel Simcard, MEC Tel, Myanmar Mobile Money, KanThaYa Siizung (ကန်သာယာဆေးရုံ), A&M Mahar Foods & Medicals Products, 7th Sense Film Production , Stellar Seven Entertainment, Sky One Construction, The Yangon Gallery le The Yangon Restaurant , Pullman Hotel (Madalay ah a um mi), Azura Beach Hotel (ChaungTha), ZeoHtst Sui Dawr (ဇွဲထက်ရွှေဆိုင်) ( Dawr zapi fonh (100) hrawng).

Air Thanlwin (U Htay Oo he Sharing pawl aa tel), Shwe Phi Oo Timit (ရွှေဖီဦး တီးမစ်), Pyin Oo Lwin Branded coffee (ပြင်ဦးလွင် တံဆိပ်ကော်ဖီ), Nan Myiang Coffee (နန်းမြိုင် ကော်ဖီ), Nay Pyi Daw tithiang dinti (နေပြည်တော် သောက်ရေသန့်), တော်ဝင်ကရဝိတ် သကြား, ငွေပင်လယ် အဆင့်မြင့် ပင်လယ်ထွက်ပစ္စည်း, ပွဲကောက်, Ruby Mart.

Gandamar Whole Sale, မြန်မာဘီယာ (Myanmar Beer), မန္တလေးဘီယာ (Mandalay Beer), Myanmar Brewery ဘီယာ, Andaman Gold Special ဘီယာ, Andaman Gold Blue ဘီယာ, Dagon Beverage (Bagon beer le Dagon brand liquor (laksanwg hmu) Beer le zuu pawl), Black Shield Stout (Beer), Kirin Ichiban (Kirin Beer), Premium Gold (Kuak), Red Ruby (Kyak), Life Coconut Oil (Moisturizer), Dentomec( Ha thiannak le ha thiannak sii), Pro One.

Padamma chahphiat (ပဒုမ္မာ ဆပ်ပြာ), Aung Myint Moe Min aa mahkhan riantuannak (Ralkap pawl zapi nunnak thapin tha peetu commpany), Aung Thitsar Oo ( Nunnak thap (Aa mah khan ) in riantuannak, InWA Bank (အင်းဝဘဏ်), MyaWady Bank (မြဝတီဘဏ်), Berger Paint, Sin Min (ဆင်မင်း ဘိလပ်မြေ), Myin Paing (မြင်းပျံ ဘိလပ်မြေ) , Rhino (ဘိလပ်မြေ), Sigma Cable.

Tristar Steel, Bandoola Transportation (Thilkuat le laak phozarnak), Parami CNG Station, Parami Express (ပါရမီ Express), Parami Taxi (ပါရမီ Taxi), Pathein Thu Express (ပုသိမ်သူ Express), Shan Malay Express (ရှမ်းမလေး Express), Shwe Thu Mann Highway Bus Station (ရွှေမန်းသူ Highway Bus Station),

Shwe Min Htu Express (ရွှေမန်းသူ Express), Shwe Myaing Thu Express (ရွှေမြိုင်သူ Express), Than Myan thu (သန်မြန်သူ Express) , ငြိမ်းချမ်းပြည့်စုံ (Rakhine ramlulh lei a kal mi car gate), Kawl ram chungah a pa 2nak a ngan bik mi facnag rialnak seh ( ပြည်ကဆန်စက်), MoeKaung Tathana nu le pa hngakchia pawl special (V.I.P) in zohfelnnak siizung (A rauh hlan ah onnak tuah hnga ding)” hi pawl hi an si. Note-Khawmhsuam in lak mi a si.

Monywa-Yargyi Toll Gate Pawngah SAC Ralkap Bomb Puahhnawh An Ton Ruangah 10 Hrawng An Thi, Sagaing ramṭhen Yinmarbin peng Monywa-Yargyi(ယာကြီး) lam meng 5 toll gate pawngah SAC ralkap motor cu PDF nih, nizaan October 7 zinglei sml 5 in 8 kar ah bomb lung 3 in an puahhnawh hna caah SAC ralkap 10 hrawng an thi kho i 15 hrawng hliamhma an pu lai, tiah theih a si.

“Motor lam cu ṭha tein kan cawh hnuah thir zum tampi le bomb lung 5 ṭem chihmi kan phum hna. SAC ralkap motor cu bomb kan phumnak an phanh ah kan puahhnawh hna i, ralkap 10 in cunglei an thi lai. Bawmtu ralkap an auh hna i, an rak phanh hlan lo hriamngan in an kan kah,” tiah Chu Mai Mai thawngpang fiangternak phu nih an langhter.

SAC ralkap skat motor le i khamnak motor pakhat cu Aung Zeyar tlangpar in Banbuai khua lei an kal lioah PDF nih bomb in an puahhnawh hna hi a si. SAC nih nawlngeihnak an lak hnu in SAC ralkap pawl cu Banbuai khua ah umhmun an khuarnak kum khat tluk a si cang. Banbuai khuami ralhrial 1,000 leng cu eidin tirawl an har ngaingai, tiah theih a si.

Chungkhar Minung Pa 4 Ti Nih A Fenh Hna!!, Magway ramthen, Pakukku khuapi , October ni 8 zing lei suimilam 3:30 hrawngah ruah fak tukin a sur i tilianh a chuah caah chungkhar pa 4 ti nih a fenh hna tiah kan theih. ” Nu pakhat le Lephiat zawtnak a ngei mi pa pakhat telin hngakchhia pa 2 ti nih a fenh hna. Pakukku meithat phu cu hmun 3 ah an i then hna i an va kawl hna tikah hngakchia pa 2 cu an ruak in an hmuh hna.” tiah tualchung mi pakhat nih a chim.

Tualchung mi bomchantu phu pakhat zong nih,” Zaan ah ruah fak tuk in a sur. Ti a lian i an himnak lei ah an tlik zaam pah lio ah ti nih a fenh hna hi a si. Zing lei ah hngakchia pa 2 ruak cu hmuh an si. Cun an nu ruak cu zaan ah hmuh a si. Hngakchia cu kum 14 nu le kum 7 pa an si.” tiah a chim. Pakukku pengkulh ah ti nih a fenh mi hna hi chungkhar 40 an si cang tiah kan theih.

Buthitaung Le Myinpia Kahdohnak Ah SAC Ralkap 35 An Thi, AA Lei In A Nunnak A liammi An Um Ve, Rakhine ramkulh Buthitaung(ဘူးသီးတောင်) le Myinpia(မင်းပြား) kahdohnak ah SAC ralkap 35 an thi, tiah AA nih cathanh an chuah.

October 3 zaanlei sml 1:30 ah Buthitaung peng Kyauk Sa Taing(ကျောက်စာတိုင်) khua thlanglei ah SAC ralkap le AA cu sml 5 chung an i kap i SAC ralkap 17 an thi, 15 hliamhma an pu. Meithal, zen-kuan le an thilri cheukhat zong AA nih an lakpiak hna, tiah theih a si. October 5 le 6 Buthitaung peng kahdohnak ah SAC ralkap 10 an thi i, 10 hrawng hliamhma an pu, tiah kahdohnak ah aa telmi AA ralkap nih an chim.

Cun October 7 chun sml 12:22 ah Myinpia peng Kyat Sin(ကြပ်စင်) hlei pawng umhmun khuarmi SAC ralkap pawl cu AA nih an kah hna caah SAC ralkap 8 an thah hna. SAC ralkap nih hriamngan voi 25 an kah caah tualchung mi 6 hliamhma an pu.

October thla zarhkhatnak ah kahdohnak ngan(Major) voi 10 leng le kahdohnak hme(minor) voi 10 leng a chuak i, SAC ralkap 35 an thi, 25 nak tlawm lo hliamhma an pu. AA zong a thimi le hliamhma pumi an um, tiah theih a si.

Dawei Ah Rallam A Sialmi SAC Ralkap Kah An Ton Caah Pathum An Thi, Tannintharyi ramṭhen, Dawei peng Wakone(ဝကုန်း) khua pawng Dawei-Htikhi lam cungah rallam a sialmi SAC ralkap hna cu kan kah hna i ralkap 3 an thi, tiah Dawei PDF nih an langhter.

A luancia October 6 zaanlei sml 1:30 hrawngah Myatta(မေတ္တာ) lei kap in Dawei lei ah ke le motor in rallam a sialmi SAC ralkap pawl cu Kawthu Lay Army Companny 3 le PDF hna nih an kah hna i kaphnih kar kahdohnak hi mins 10 hrawng a rau tiah theih a si.

Rallam a sialmi SAC ralkap cu kah an ton caah hriamngan, hriamhme le seh meithal in PDF cu an kah kah ko nain PDF ṭangṭi phu lei in a thimi le aa hliammi um loin hnu kan kir kho, tiah PDF ṭuanvo ngeitu pakhat nih a chim.

Pauk Peng Ah Rallam A Sialmi SAC Ralkap Cu PDF Nih An Kah Hna Caah 7 An Thi, Magway ramṭhen, Pauk peng thlanglei ah rallam a sialmi SAC ralkap pawl cu nizaan October 7 zing sml 8:30 hrawngah kah an tong, tiah theih a si.

Thit Ngi Naung(သစ်ညီနောင်) khua pawngah SAC ralkap 300 hrawng cu lam hruang in kan bawh hna i, kan kah hna, tiah People’s Defence Force – Yenangyaung in ṭuanvo ngeitu nih a chim. PDF ralkap hna nih bomb in an puahhnawh hna lawng si loin hriamngan in an kah hna caah SAC ralkap 7 hrawng an thi lai, tiah bawino San Shia nih a chim.

Cu kahdohnak ah People’s Defence Force − Yenangyaung, Pakokku pengkomh 12 Battalion, le YRF Battalion hna i bawm in an kah hna. PDF lei a thimi le aa hliammi an um lo, tiah theih a si.

Kalaymyo, Chin Mibawmchan Tu Phu Caah Hlutmi Motor Cu Palik Nih An Tlaih I Thlakhat A Ruah Tiangah An Pe Hna Lo!!!
Kalaymyo, Chin mibawmchantu phu caah an hlutmi motor cu, Shwebo checkgate ah a luancia September 1 ah palik nih an tlaih i, a tutiang an pe rih hna lo tiah theih a si.

Shwebo check gate a hngaktu palik pa nih motor khaltu cu, Chin maw na si? Kawl dah na si? tiah a hal i, motor khaltu nih cun, Kawl ka si ko tiah a leh. Cu palik bawi pa nih cun Chinmi cu silaw cu, hi kaa hmun ah hin kan thah colh hnga? Chinmi cu an dihlak in a kan dohtu an si.

Zei ruang ah dah, a kan dohtu Chin misual hna motor cu na khalh? Chinmi he maw i pehtlaihnak nan ngeih? Nang cu Monywa khuami na si ko caah kan in thlah lai i na motor tu cu kaa hin kan fim lai an ka ti ii kei tu cu an ka kalter than tiah motor khaltu nih cun a chim. Toyota Alphard motor cu, Chin mibawmchan tu phu caah, Yangon ah an cawk i, Monywa check gate ah an tlaih hi a si.

Paletwa Pengah SAC Ralkap Nih Siangniamrun Saya Pakhat An Tlaih, Chin ramkulh, Paletwa peng siangniamrun saya Maung Win Than le tualchung mi 3 hna cu Miletwa(မီးလက်ဝ) B.E.H.S sianginn lei an kal lioah Laung Kadu(လောင်းကတူး) hlei ah SAC ralkap nih October 6 zinglei sml 9:00 ah an tlaih hna, tiah theih a si.

“Amah he tlaih a tongmi tualchung mi 3 cu an thlah ṭhan cang hna. Saya Maung Win Than cu SAC ralkap nih a hmai ah puan in an ṭem i sml pakhat chung hrawng ke in an kalter hnuah an hren,” tiah amah he ai niahniam mi pakhat nih a chim.

Tlaing a tongmi siangniamrun saya Maung Win Than(40) cu Rakhine ramkulh Sittwe(စစ်တွေ) khua ah a ummi a si i, Paletwa peng Miletwa B.E.H.S sianginn ah saya a ṭuanmi a si, tiah theih a si. Tlaih a tong vemi pakhat nih, “An kan thlah hlan lo chung paoh cu kudawng pakhat ah an kan hren. Saya Maung Win Than cu zeiruang ah dah an tlaih i an thlah ṭhan hnga lo ti cu ka hngal lo, cun khoika dah an chiah i an hren zong ka hngal lo,” tiah a chim.

Chin Ramkulh Falam Khua Ah, SAC Nih Eidin, Mehhang Man Fawi Tein An Zuar Than!! Chin ramkulh SAC cozah le Northwest Regional Military Headquarter hna hruainak in, Falam khua Town Hall hmaiah, nizaan October 7 zinglei sml 7 ah, SAC kuttang riantuan tu hna nih man fawi tein eidin, mehhang an zuarh than hna tiah theih a si.

Cu ah cun, Falam pengkomh Chairman U Saw Htun, Captain Aung Myo Htwe, Palik bawi Myo Win le a dang dang hna nih an telpi ve hna tiah kan theih. Mipi le cozah riantuantu hna khuasaknak caah a thahnem lai tiin facang, Chiti, cite, khachuan, kalape, cawsa, voksa, arsa, arti tibantuk hna cu, man fawi tein kan zuar tiah SAC nih cun, an langhter.
Facang pi – 2 ah 4600 ks,

Mepe chiti 816 gram(၅၀ ကျပ်သား) ah 6000, cite bawmthum ah 1000, khohsuai bawmli ah 1200, khanchuansen cuaikhat(၁ ပိသာာ) ah 3500, khachuan rang cuaikhat ah (၁ ပိသာာ) 6000ks, aalu cuaikhat (၁ ပိသာာ) ah 2500, arti pum 10 ah 2000ks, caw/na sa cuaikhat ah 9600, voksa cuaikhat ah 9600, arsa cuaikhat ah 9600, kalape cuaikhat ah 4000 tiin man fawi tein an zuarh hna tiah theih a si. A luancia September zong ahkhan Falam khua ah SAC nih eidin, mehhang cu man fawi tein an zuar bal cang.

Global Zephai Nih Chin National Army(CNA) Cu Motor Le Computer Cawknak Ah Dollar 40,000 An Pek Hna Vawlei cung ramkip um, Global Zephai nih Chin ralkap CNA ca ah motor, computer le thilri dangdang an herh baumi cawknak ca ah dollar 40,000 an pek(hlut) hna, tiah theih a si.

Global Zephai nih CNA ca ah motor, computer le thilri dangdang a herh baumi cawknak ca ah dollar 40,000 nan kan pekmi cung ah lunglawmhnak tampi kan ngei, tiah Chin National Front (CNF) Headquater, Camp Victoria in Fianance and Revenue Department Office nih lunglawmhnak cathanh an chuah.

SAC Ralkap Nih Hriamngan An Kah Caah Tualchung Mi 6 Hliamhma An Pu, 2 An Hliamhma Faak, October 7 zaanlei sml 1:00 hrawngah Myinpia peng Pha Laung Pin(ဖလောင်းပြင်) khua ah SAC ralkap nih pehtlaiin hriamngan an kah caah khuami 6 hliamhma an pu. Cu chungah 2 hi an hliamhma a fah caah Pauk Taw sii-inn ah an kalpi hna, tiah theih a si.

SAC ralkap nih khuachung ah timh ciammam in hriamngan an kah caah Khine Soe(8), Aye Ngein San(15), Maung Thein(29) le Maung Win Htey(20) cu hliamhma an pu i, Than Maung(60) le Aung Win(33) cu an hliamhma a fak ngaingai, tiah theih a si. AA nih Kyat Sin(ကြပ်စင်) hlei pawng ummi SAC ralkap cu an kah hna caah SAC ralkap nih timh ciammam tein khuachung ah hriamngan an kah tiah tualchung mi pakhat nih a chim.

A luancia October 2 ah Myinpia le May Pung pehtlaihnak ca ah hman bikmi Kyat Sin hlei ah umhmun an khuar mi SAC ralkap nih khualtlawng mi cu lam an kham hna. Rakhine ramkulh, peng cheukhat ah SAC ralkap nih hriamngan le hriamhme kahnak ruangah August le September thla chungah ngakchia telhin a thimi 8 an si i, 20 leng hliamhma an pu cang.

CDM Sii Sayamah Cu Thailand Palik Nih An Tlaih I A Zamnak Ah Tiva Ah A Zuang I A Nunnak A Liam, Karen ramkulh ah CDM sii sayamah(nurse) Thein Ki cu October 7 ah Thailand ramri tan dingin tanglam in a kal, cu lioah Thai palik nih an tlaih i a zam, a zaam pah ah tiva ah a zuang i a nunnak a liam, tiah theih a si.

“Anih hi CDM a tuahmi a si, a vapa he Thailand ah rianṭuan ding in an kal lioah palik nih an tlaih hna caah an zam i tiva ah a zuang. Anih hi kum 25 hrawng a si i fa pakhat a ngeimi a si,” tiah a nunnak a liammi CDM sayamah a hawinu nih a chim.

“Nawlngeihnak a duh tukmi hna hi ka huat tuk hna. Nanmah ruangah ka hawinu zong a nunnak a liam. Mifim mithiam hna zong ramdang ah an zam dih, rammi cu kan hmailei chunmang a um ti lo,” tiah CDM sayamah a hawinu nih amah pumpak social media ah a tar.

KNU Nih Thaton Peng PDF Hna Cu Bu Khat Ah A Fonh Hna, Karen National Union (KNU), Brigade 1 hmunhma chungah a cawlcangmi PDF hna cu KNU nih bu khat ah a fonh hna tiah theih a si. KNU Brigade 1 cu Mon ramkulh Thaton peng ah a um i cu an hmunhma chungah a cawlcangmi PDF bu 24 hna cu nawlpeknak pakhat tangah tlukruang tein an cawlcangh khawh nakhnga tiin KNU nih October 3 ah khan bu khat ah a fonh hna.

KNU cunglei (central) chimnak nawlngeitu Padoh Saw Taw Nee nih “Thaton peng ah bu 20/30 hrawng an um tikah anmah cio in an cawlcangh ahcun buainak kan tong kho. Cucaah pehtlaihnak ṭha ngeih i tlukruang tein an cawlcangh khawh nakhnga bu khat ah kan fonh hna. A bik in kanmah nawlpeknak (command) tangah an um dingmi kha a biapi” tiah a chim.

A luancia September 21 ah khan KNU Brigade 1 hmunhma chungah a ummi dohthlennak hriamtlaibu pakhat a simi Kyaikto (ကျိုက်ထို) Revolution Force (KRF) nih Denko Company ngeihmi detsi phawrtu leilawng (motor) cu an tlaih i a khaltu le a zultu cu an hren hna pinah detsi kalan (gallon) 4,000 cu an zuar fawn.

Cucu hramhram tlaihkhih (kidnapping) phunkhat a si caah KNU Brigade 1 zulhphung buar a si tiin KRF hruaitu hna cu dan an tat hna. KRF zong nih dantatnak cu an cohlan i KNU Brigade 1 ukhruainak cu kan zulh lai tiah cathanh an chuah. Cu ruangah atu bantukin nawlpeknak pakhat ah PDF bu 24 hna cu an fonh hna nak hi a si. KNU Thaton peng Brigade 1 nih ṭuanṭi hawi hna zulh dingmi zulhphung 25 an ser i cu zulhphung a zulmi lawng ṭuanṭi hawi ah cohlan ding ti a si.

KNU Thaton peng Brigade 1 i ṭuanṭi hawi hna tlangtlaknak kawmiṭi (မိတ်ဖက်ရေးရာ ကြီးကြပ်မှုကော်မတီ) chungṭuan pakhat nih “Zulhphung chung an luh khawh nakhnga kan tlangtlak hmasa hna, ṭuanṭi hawi ah kan cohlan colh hna khi a si. Cu hnuah kan sinah phunglut sinak (register) an tuah.

Minung thazang, hriamnam thazang ti bantuk ṭha tein an langhter. Kan sinah phunglut sinak a tuahmi bu 30 hrawng an si. Zulhphung ṭha tein kan zulh lai a timi lawng kan cohlan hna. Bu 24 cu phunglut sinak kan pek cang hna. A dang cu a ruang zeimawzat ruangah kan pe kho rih hna lo” tiah a chim.

NUG Nih 2023 Ah Ralhmai 6 On In Dohthlennak Donghter Dingah Timhtuahnak An Ngei, National Unity Government (NUG) nih hmaikum 2023 ah ralhmai 6 on in dohthlennak donghter dingah timhtuahnak an ngei cang tiah NUG chimnak nawlngeitu U Nay Bone Lat nih October 7 ah a chim.

U Nay Bone Lat nih cun “Fiang tein ka chim khawhmi pakhat a um. Cucu a fiang zau dingmi thil a si. Donghnak biakhiahnak tuahtu kahdohnak caah cu kum cu kan i thim cang. A herhmi hna kha kan zate lungrual in kan chuahpi cio a si ahcun kan dihlak in kan duhmi, rammi hna nih kan duhmi SAC khongton uknak hrawh ding kha a tlamtling ko lai. Lungrual tein kan ṭan ahcun cu kumkhat chungah biafiang a lang ko lai. Ahodah a sung lai i ahodah teitu a si lai ti a fiannak kum a si lai” tiah a chim.

NUG nih ramchung hmunhma zatuak 50% renglo an uk khawh cang i tlangcung hriamtlaibu 8 he hnatlaknak an tuah khawh cang. Cu an ukmi hmunhma chungah uknak, biaceihnak le phungzulhnak hna zong ṭha tein an kalpi khawh i phung a zul lomi le ṭhatlonak a tuahtu hna hrennak caah caankarlak thong (lock-up) 20 an sak i sualpalhnak 100 renglo bia kan ceih cuahmah tiah U Nay Bone Lat nih cun a chimchap. A bik in Sagaing le Magwe ramṭhen ah khua tampi cu NUG nih an uk caah SAC uknak a rawk ti khawh a si cang. Kahdohnak hmun cheukhat ah vanlawng kahnak hriamngan zong an bunh khawh cang. Crd-The Chin Post