Nizan ah UNSC nih Kawlram kong ah avoi 3nk meeting an tthu

Nihin April 1 thawk in, April 30 tiang hi UN security Council ah Vietnam nih President an ttuan lai. Cucaah, nihin UN ah Vietnam Ambassador pa nih anmah Vietnamese awcawi in, peilo, peilo in News Conference a tuah. Media nih questions 11 an hal i, 11 chung ahcun, Myanmar kong hi voi 6 bakte an hal. Hmasa question 3 hi a peh peh in Kawlram kong an hal i, hmaisen, hmai ngo in an chiah. Kaphnih sining/ “Both Sai” a ti lengmang i, media lei pakhat pa hna nihcun, Both Sai’ na ti lengmang e, khat lei cu lainawng, khat lei cu mipi, a fiang ko tung tiah challenge a tuah phah!

Nizan ah UNSC nih Kawlram kong ah avoi 3nk meeting an tthu. China nih fakpi in a block caah biapipa an chuahpi kho lo. “Press Elements” tiah thaizing kip ah statement an chuah lai. An statement ah a fiang dingmi cu, “ceasefire” tuah u! I kap hlah u! tbk deuh a si kho. Ralkap nih April 1 in 30 tiang ikap lo dingin “ceasefire” an phuan mi zong hi, UNSC meeting ruang ah a si kho men lai tiah ka ruah.

China nih ka dua, Min bator, ceasefire tal cu aa dawhnak ah phuan sawhsawh ko, hi tal hi na phuan lo ahcun, UNSC ah baichim ka harh ngai cang hi, a ti caah a si kho men. Credit: Zasang Cinzah