Nihin Bungzung khua thil cang cu, ahopaoh nih kan i ralrin ngaingai a hau cang!

Nihin Bungzung khua thil cang cu, ahopaoh nih kan i ralrin ngaingai a hau cang!
==========
“Phone lei Ralrin peknak le Thawngthanhnak”, Ram leeng um Unau Hawikom dawt vialte hna Lailei Um nan chungkhar Unau Hawikom hna sin ah Phone lei ralrin peknak rak tuah cio hram u, ruah lo piin an ton khawh cio mi asi caah!

Nizaan ah Bungzung khua ah Ruah lo piin ralkap an lut i an hmuh mi poh an Phone an ting piak dih, an chuh dih hna i an caah ṭihnung le thinphang ngai a si tu hi, Ramleng lei in Bungzung khua ah settuai tuah rih lo ding zaangfah kan nawl chih fawn hna!

Seikhunrawn tal cun kan ram hi kil awk a si lo maw? Bungzung cu tamtuk pei ka ram chungah a hong pil cu. Camp Victoria hrawng lawng liberated area si cu kan dawhcah tuk ko mu! ung zung an Phan ka thi ko Senthang peng cu thin Phan in tthut dir si hoi Lai mu CDF-Senthang hriamtlai phu ready tein an um a hau cang.

SAC ralkap hna he pehtlaihnak an ngei tiin tlaihkhih le hmalak an sinak kongah CDF-Mara nih cathanh an chuah
CDF Mara nih cathanh an chuahmi cu a tanglei bantukin a si: 1) CDF Mara nih tlaihkhihnak le hmalaknak tuah tikah mi zeibantuk cung hmanhah thleidannak ngeilo tein palhnak an tuahmi cungah biakhiahnak tuah an si.

2) Sualnak tuahtu tlaihkhih in hmalaknak tuahlio ah CDF-Mara Ralkap pakhat nih palhnak a tuahmi cungah CDF-Mara nih palhnak a tuahtu cungah dantatnak tuah a si cang pinah, kutthlak a tongmi cung zongah nawlnak tuah a si cang.

3) U Neitlau tlaihkhih in hmalak a sinak kong zongah a cunglei ah langhtermi no.1 nak le no.2 nak ning in tuah fel a si cang.

4)U Neitlau cu Lailenpi SAC ralkap kuttang um sianginn ah sianguk ṭuanvo a lak leng ah, SAC ralkap hna he i fonh in pehtlaihnak a ngeih caah, CDF-Mara ṭuanvo ngeitu upa hna nih SAC ralkap lei phone number an hal, asinain ka hnawh dih cang tiah a chimmi ruang ah le dohthlennak zeirel loin a chimrel caah CDF-Mara nih dalan tiah hmuh le cohlan a si.

5)Internet line cung i zamhmi hmanthlak ningah, a el pahnih karlak a um mi a hma hna cu CDF-Mara kut in hliamh mi silo in , phuahcop a si.

6)Sing 30MMK kan lakmi kongah U Neitlau he pehtlaihnak a ngeilo, Lailenpi SAC ralkap kuttang um sianginn rianṭuantu minung 25 caah SAC nih thlahlawh a pekmi sing 60MMK chung in lakmi a si.

7) CDF-Mara nih dohthlennak chung ah hin Military Code of Conduct zulhding ah ṭuanvo a ngeih bantukin, SAC ralkap hmanrua hna cu kan doh ko hna lai.

Dr Nih Nifatin A Nunnak Riantuannak Ah Le Mipi Thazaang peeknak Caah Tiin Bible Cacang (Motto) Aa Thim Mi! Dr. sasa hi a nu le a pa hna cu zei an si lo nain amah cu Pathian nih Joseph bangin a cawisan mi asi. khuaruah har in a cawi san Pathian nih, laiphung thluk ah ‘thinghmui san chel ramh san chel ti asi’ bang minung hi nulepa chan ah, santlai lo si hmanh usihlaw, kan mah chan ahcun mi lian ngan taktak si khawh tuk a si ko.

Atu ah mi si kho ngai si, pipu chan ah mi si kho ngai si le tuanbia tha ngeih zong ah si ning i thlen khawh a si, i phorhlawt ah cun Pathian nih tang ah fawite in a thlak ko hna lai. Credit: Bawi Kam

Bochantuk mi Dr Sa Sa nih nifatin a colcanghnak le mipi thzaang peeknak caah tiin aa thimmi Bible cacang cu a tha kho tuk e. Live in online biaruahnak an tuah lio zong ah nan hmuh ton ko lai a hnu lei a thutnak aa tial mi cu Romas cakuat relnak a ngan 15, a hme 13 nak kha si, ” May the God of hope fill you with all joy and peace as you trust in him, so that you may overflow with hope by the power of the Holy Spirit.” kha si.

Rom Cakuat relnak a ngan 15 le a hme 13, ” Thiang Thlarau thawnnak thawngin nan i ruahchanhnak cu a than lengmang nakhnga ruahchanhnak hram Pathian nih cun, amah nan zumhnak thawngin lunglomhnak le daihnak he in khahter ko hna seh.” timi hi Dr Sa Sa nih Bible cacang aa thim mi a si. A tha kho taktak. A tu kan dohthlennak kong he aa pehtlai mipi thazaang peeknak caah a tha kho taktak mi a si. Dr Sa Sa hi Pathian nih cawisang in damnak pee hram ko seh.

Ayeyarwady tiva ah SAC ralkap tilawng nihnih chung bomb puahhnawh an tong, ralkap 5 an thi, Sagaing ramṭhen, Myaung peng Ayaryarwady tiva ah petrol phurtu tilawng runvennak a tuahtu SAC ralkap tilawng cu drone hmang in kahdohnak an tuah hna i a thi mi zong an um tiah Wings Of The Irrawaddy nih an thanh tiah theih a si.

SAC ralkap thazaang 50 nih zulhmi tilawng cu nihin September 15, zinglei suimilam 11:00 ah drone in bomb thlakhnawh an ton caah SAC ralkap 3 an thi, hliamhma tuarmi an tam. Nizaan September 14, zinglei suimilam 10:30 hrawng zongah PT Power petrol a phurtu tilawng runvennak a tuahtu SAC ralkap tilawng cu bomb thlakhnawh an ton caah ralkap 2 an thi tiah theih a si.

Cu kahdohnak cu CDSOM, YF Dronr Team le Wings Of The Irrawaddy phufonh nih an kahdoh hna. Bomb a tak cu a man a fahtuk caah kan hmang kholo, Drone hman ding in serchommi bomb cu hrang a tlai na in, hma a kallo leng ah nihin tiang bawmhnak zeimanh kan ngahlo caah bawmhchanhnak tampi kan herhko tiah an chim. Maylatt Athan

Paletwa peng ah, kawm(fangvoi) a tlat liomi bomb aa lamh sual caah faak ngaiin hliam a pu!!! Chin ramkulh, Paletwa peng, Ngapuai(ငပွဲ) khua mi, U Thein Aung cu, September 9 zinglei sml 11 luan hrawng lochung kawm a tlat lio ah bomb aa lamh sual caah fak ngaiin ai hliam tiah theih a si.

U Thein Aung cu ai hliam le cangka in Paletwa Siinn ah an kalpi i, a kee khatlei cu a hliamhma a fah ngai caah, an tan piak tiah theih a si. “Amah hi fa pakhat a ngei i, lo tuahin paw aa cawmmi an si caah siinn umthutnak kongkau ah phaisa bomhnak a herh ko tiah khuami sinin theih a si.

Paletwa khuachung ah, AA le SAC ralkap kar kahdohnak ruangah, lo chung zongah vawlei chung phummi bomb a kenkip ah an tarh i lo kal zong ah kan nunnak caah tihnung a si tiah khuami hna nih an chim chap.

A luancia August 24 lio zong ah khan, Abaungthar khua mi a tlaumi pa pakhat an kawl lio ah, nu pakhat zong bomb aa lamh sual caah a nunnak a rak liam cang. Paletwa peng chung ah hin, 2022 kum chung ah, bomb lamh sualnakin ke bul mi le mitcaw mi dihlak hi minung 10 hrawng an um cang tiah theih a si.

Thailand Ram Kanchanaburi District Ah Myanmar Mi 48 Tlaih An Tong!, Thailand ram Kanchanaburi District ah phungning loin a lutmi Myanmar rammi minung 48 cu september 13 zaan suimilam 10 hrawngah Thailand ram Wang Karek khua check gate ah Thailand rammi minung pali nih khalhmi mawtaw cungah district tuanvo nih chekhlatnak ngeitu hna i myanmar mi minung 48 an tlaih hna tiah, theih a si.

Myanmar rammi hna cu agent sinah minung pakhat nih baht 20000 in 25000 kar pek in phungninglo riantuan ah a rak lutmi an si, kal an i timhnak hmun hna cu, Bangkok, Kanchanaburi, Phetchaburi, Nonthaburi, Samut Sakhon, Larkbury hna an si.

Mawtaw in a rak phurtu minung pali hna cu Thailand mi an si i, agent zong an si chih tiah an thanh. Tlaih a tongmi hna cu Thailand sii-zung ah an ngandamnak an chekhlat hna i phungning bantukin dan-tatnak pek ding in Palik sakhaan ah kuat an si.

Yeephyo peng, sualnak ngeilo thilzuar pa pahnih cu SAC ralkap nih an tlaih hna, Tanintharyi ramthen, Htawai pengkomh, Yeephyo peng, Hnan Kywae khua ah, nihin September 15 zinglei ah mah inn teah thil a zuar mi pa pahnih cu, SAC ralkap nih aruang um loin an tlaih hna i, motor in an kal pi hna tiah theih a si.

SAC ralkap hna nih Ko Lwin Ooo le Ko AJu hna cu zinglei suimilam 10 hrawngah Vigo mawttaw he an ra i an tlaih hna hnu ah anmah duhnak lei ah an kalpi hna hi a si. “Hi pahnih hna hi inn teah dawr a ong i thil a zuar cuahmah mi an si, cycle he khuachung ah i chawh in an zuar caan zong a um, tutan ah hin zeiruangah dah an tlaih timi tu cu kan thei lo” tiah khuami pakhat nih Mizzima ah a chim tiah theih a si.

Myaing Peng Palik Sinin MVRF Nih Meithal Le Kuan Tam Ngai An Lak, Magway ramṭhen, Myaing peng Taungsone(တောင် စုံ) khua pawngah ral a vengmi palik 8 cu nizan September 14 zaanlei sml 1:00 ah MVRF nih an kah hna hi a si, cu kahdohnak ahcun palik pakhat a thi i, hriamnam zong an lak, tiah theih a si. “Myaing peng ah ralvengtu SAC kuttang um palik 8 cu Myaing Villages Revolution Front(MVRF)nih kan kah hna i palik Shin Khant a thi, an meithal le kuan zong kan lak” tiah MVRF in chimphuannak nawlngeitu nih a chim.

“Palik 8 cu Taungsone khua pawng well-2 zinan chuannak lei kap an kal lioah kan kah hna i, palik 1 kan thah. Meithal G3 zun 1, kuan 115, kuan bawm 1, phone 1, tangka kyats sing 1 le zung rianṭuannak card kan laak,” tiah MVRF in chimphuannak nawlngeitu Thu Rein nih a chim. Cu kahdohnak ah SAC kuttang palik 7 cu an zam i, palik 1 hliamhma fak ngaiin a pu. MVRS lei in ralkap pakhat meithal kuan nih a khen i, tualchung mi pakhat zong hliamhma a pu, tiah theih a si. Credit: The Chin Post