Ni Hlawhtling! TESTIMONY; Zaangfahnak in ka relpiak ve u!

Ni Hlawhtling! TESTIMONY (Zaangfahnak in ka relpiak ve u)
=======
Zarhkhat chung cumpit le rai in kai ciah. Ka lungmit ka hrom faak i hlazong ka sa kho lo. #EmergencyMedicalTeam caah hlasak in FUND kawl ka hau. Thla ka cam, tisa zong ka din, aithing ka ei, holhtuk lo kai zuam nain, ka hrom cu adam hlei lo. Pathian sin ah ka vuivai. “Hibantuk special event lai caan ah ka hrom apit peng. Zeiruangah dah ka dam bal lo”? Ngaihchia ngai in zahan cu ka um.

Athaizing, ka sak zing tiang hmanh kadam lo. Mah khan inn cung ka kai i YouTube ah “Nunman Ngei” – BettyMHT BiakHleiPar nih an sak mi kha ka theih, i an bia vialte lak ah tthanghnak a ka pemi cu, “hi mitcaw pa hi amah sual ruangah asi lo ati, anu le pa sual ruang zong asi lo, Jesuh nih ati.

Pathian sunparnak ding a si Jesuh nih ati” – hi kaa bia te ka theih hin, “aw, kaa fiang, hi ka cumpit le orfah hi Pathian daantatnak le A ka dawt lo ruangah a asi lo, Amah sunparnak langh aduh caah pei asi ko lai hi! Harnak kan tonmi, thil ttha lo vialte zong hi Bawipa sunparnak alangh khawhnak caah pei an si ko hi. Zeikhom si ah Bawipa sin thla ka cam la. Keimah hmang in a sunparnak langh aduh i asi ko lai tiah ka ihnak khaan ah ka lut i thla ka cam.

“Bawipa, kan auh, kan auhnak aw na theih khawh ko. Zarhkhat chung ka hrom a faak i zeiti hmanh in adam kho lo. Bawipa, tuni caan ah nangmah kan herh. Awzai na ka pek mi hi nangmah tel lo cun saan a tlai lo. Keimah thil ti khawhnak zeihmanh a um lo. Bawipa nangmah kan herh. Damnak ka pe ko, ka zaangfah ko, zeizong vialte hi na sunparnak caah si ko seh, na sunparnak ding caah ka hmang ko, Jesuh min in thla ka cam ka Pathian, Amen.

Hallelujah Bawipa a tthatuk. Hla fungkhat sak hmanh ah ka or a hraat i ka cil kai haak mi kha tuni caan ah FUNG 20 ka sak khawh! Bawipa dawtnak le zaangfahnak lawngte hi asi ko. Azoh tu zong an tam, azoh tu zong an i nuam,
tangka thawhtu zong an tam! A nuamtuk.

A sunparnak langhnak ding caah kai tlaak lo ti theih bu tein, zumhnak he thla ka cam tik ah Bawipa nih a ka zoh sawhsawh loh! Events lai ah ka hrom a pin a tamtuk. Sihmanhseh thinlung dihlak tein thla ka cam ah Bawipa nih a ka kal taak bal lo. Tuni zongah a ka telpi rih! BAWIPA ka cungah a tuah mi thil hi, SUNPARNAK pek ka hau,
TIAH tuni ah ka testimony kan hrawmh ve hna.

A reltu vialte Bawipa nih nan tonmi harnak cungah a sunparnak langhter ko seh! Zumhnak le thinlung biatak tein thla kan cam cun, Bawipa nih a kan zoh sawhsawh bal lo. Atthatuk mi Bawipa ka thangthat. ThankYouJesus, GloryToYou!