“Nan Chanh Ttung Hna Lo Ahcun Zaam Thloh Hna Hlah“

“Nan Chanh Ttung Hna Lo Ahcun Zaam Thloh Hna Hlah”
=================
Ramchungmi a zammi pawl micheu nih zam hlah u tiah nan thloh hna. A zam cangmi cungah mawhchiatnak le thangchiatnak ca tampi kan ttial. Cucu ramthumnak a ummi tete nih nan ti deuhmi a si. Nangmah zong na zam le pei Malaysia in ramthumnak tiang na phak hi. Minung nunnak zeiah a rel lomi Ralhrang mithat pawlnih thah dingah maw an i benh peng lai. Chanhtu an ngeih lo hi na hngal lo maw?

Minung hi Thlarau he taksa he himnak a duh bakmi kan si hi. Hriamtlaitu nih chanh hna sehlaw zam cu thloh ding an si. Mizeihmanh nih chanh loin tuar khawh chungin tuar ko u a langpaar in kan i dirhkamh hna ti cu a fawite. Mipi nih hriamnam lo cun nan doh kho lai lo. Hriamnam hmanh in an doh lo ahcun zeitin dah kut lawng cun an doh lai.

Hriamtlai mizeimaw nih le i kap ti lo dingin Min an thut fawn cang caah mipi cung tu ah kut an thlak cang i ngakchia tiangnih thahnak an tuar. Sandahpiah nih le kan fial hna an piah ah le thah in an ral hna. An tlaih hna an thah hna. An zam ah le zam hlah u nan zam ahcun rak kir ti hlah u nan ti hna nan hro nan cer hna. Hi bantuk in keimah nih ka tuarpat lo tiin mi hnek rumro in mi a hnemi lungput hi Min Aung Hlaing he hmun khat ah Lo tti ulaw ti kan duh ngai hna. Credit: Penghnin Thang Mary Salen