Nam in a sawhtu Ram Hel hi Malaysia a um lio zong ah a rak i vel lengmangmi a si!

Dallas ah “Shalom Thang” Nam Sawhnak in a Nunnak a Liam
=========
November 25, US ram, Dallas khua ah Sopum khuami Shalom Thang (27) cu zuri Ram Hel (30) nih namte in a sawh caah a nunnak a liam, tiah chungkhar sin in thawngpang kan theih. Shalom Thang hi a upa don ding in a va kalnak ah nam in sawh a ton hi a si.

Shalom Thang chungkhar saya Van nih, “Indianapolis ah a ummi Shalom Thang i a upa hi Dallas ah a rak tlawng hna i a hawile inn ah a leng. A upa don ding in Shalom Thang cu a kal i a va phanh cun an ri pah cang. Bia an i el hna i, i el len lo ding in a thloh hna. Shalom Thang le a upa cu ttin ding in motor cung a kai bak ah an hawipa Ram Hel nih cun nam in a sawh,” tiah The Chin Journal ah a chim.

Ram Hel nih Shalom Thang cu a hnakruh tang ah fak ngaiin nam in a sawh caah sizung an phanhpi ko nain a hliamhma in a nunnak a liam. Shalom Thang nam in a sawh dih hnu ah Ram Hel zong amah tein nam in a aat ve.

“Nam in a sawh dih ah amah zong namte in ai aat ve. 911 an chawnh zokzok i sizung ah an kalpi hnu ah Shalom Thang cu a nunnak a liam. A sawhtu pa zong palek nih sizung ah an thlop lio a si. Shalom Thang a ruak cu an la kho rih lo,” tiah saya Van nih a chim chap.

Nam in a sawhtu Ram Hel hi Malaysia a um lio zong ah a rak i vel lengmangmi a si i, aa velhnak ruang ah a lung tlawm pah cangmi a si, tiah a theitu hna nih The Chin Journal ah an chim. The Chin Journal

Min Aung Hlaing khuachia hi maw ai hrolh hnga ka ti e. Hi tluk kan inn le lo le khua a ciamh lio i hi bantuk thawngpang chia van theih chap hi cu a poi ko mu. Mi thah hmang Ram Hel hi Sopum khua mi a si. US a phak nak hi kum khat fai lawng a si rih. A phak kaa hrawng zong ah A thah mi Salom Thang te inn zong ah rawl a ei i a thu dir lengmang mi a si ko.

Malaysia ka um lio ah Pa Lom hi TPF nih Pumpululh lei ah kan i bochan bakmi a si, mi nunttha mi daidam kan sungh cu a poi taktak, An pahnih Ka hngalhmi an si ii an tuanbia bel aa dang taktak a poiko.

Ram Hel Nih Shalom Thang Cu Bia An I Elnak Ah Namte In A Sawh I A Thi! Garland, TX ah kum (26) Ram Hel nih Shalom Thang cu bia an ielnak ah namte in a sawh i a thi. Palik nih Ram Hel cu an tleih i Garland palik thawnginn ah an chiah.

Ram Hel Nih Salom Thang Nam In A Sawh I A Thah. USA ram ah a ummi Ram Hel timi kum 26 mipa nih cawn nilini zing ah mipa pakhat nam in a sawh tiah Chin Cable Network Channel nih a tarlangh.

Ram Hel nih nam a sawhmi pa hi kum 27 minung Salom Thang a si i, a hliamhma he siizung lei tlikpi a si nain siizung ah a nunnak a liam tiah theih a si.

Rest in Peace ka nau Salom Thang. USA, Texas um ka cousin a simi, Salom Thang nih ruah lo piin mual a kan liamtak. Salom Thang hi kan unau le lakah mi daimi, thinlung ṭha ngaimi a si i, tutan ah ruah lo taktak in, namte in sawh a ton caah zahan lila ah a kan liamtak.

Mi nunnem le mi ṭha, sik-vuaknak um loin, mi vainam in thih cu lung a fak ngai ko nain, Zumtu hmasa hna le, lamkaltu hna nih an rak tuar ve balmi a si ruangah, thih fak khun le lungfak khun in kan um lai lo. Kan naupa, Van ram nuam, zungzal daihnak hmun ah rak i din chung law.

Palom ka nau na thawng kan theih cu kan i zumh kho hrim lo ee.Kan zan mang siseh law ka duh tuk e. Mitha ka nau a lung thiang tuk mi nau saduhthah mi le ruah mi tampi na ngei ko lai mu. Na saduh thah a tling manh ne lo e Nau dawt aw. Na liam sia a herh tuk ko lai mu Ka Nau. Laitlang lei in na U le kan rak tuar tuk e. Rak kal chung ne mu Nau dawt sianlo. Na rau thla tal in rak kan leng tawn mu. Ka Nau dawt Sian lo.

Palom na thawng ka theih cu kai zumh kho loh ee na ka thlawn tik cu ka sin ah na um la I na herh nak ah kan Zulh la na ti kha na kan kal tak a tuan tuk ee. Thawngpang ka rak theih cu ka lau tuk ka ngeih chia tuk ve ee a pam tuk Bawipa nih in hnem ko hna seh.

Ka Nau Palom Kai bo chan tuk mi, a lung thiang tuk mi a ho Domh tlai manh lo in Na hma fak tuk Maw. Kan ngai tuk manh cu Kai Zumh kho loh ee. Na Liam sia herh tuk ve la mu ka Nau. rak lawi cang law Kan hngah ko e.

Kawi Lom chan tim hlan ah na kiak ruangmang mu. Siang inn kan rak kai ti lio hmunkhat kan rak thut hna le kan rak i nuam vial te kha ee… malaysia MB bawlung chuih ti lio hna mitthlam ah an cuang ee. Mitha, mi nuam, na hawikom nih kan celh hrim lo ee. Kan i lung sak kho lai loh.

Kawi Salom Thang ka mang si hram seh. Ka khualtlawn paoh na ka don nain tutan bel cu kan i hmuh ning a dang cang lai. Kai zumh duh rih lo kawi rak kir than ko.

Ka hawi ttha. Ka kawi Salom Thang tuzing na thawng ka theih cu ka ngeihchia tuk e. Pasal mitthli luang ka kham kho lo e… Ka rak in tlawng lai na ka ti kha. Ka kawi aw. Mi ttha tuk si mi, hawi le cung zong ah a thinhung bal lo mi, mi dai, mi nuam te pei na si kha. Kan siang rih lo e. Ka kawi, mangtha ko ne law.

Salom Thang, Kan i zumhkho hrim loh e,Malaysia ah Nehbung kan khirh Ti than te hna la kan ti Ttung Na Nuncaan a tawituk e, Palom Rak kal chung ko ne law, Zumtu hna nih kan i ruahchan mi Vanram tu ahkhin, Rak kan dong te mu!

U. Ka Dawt. Ka tuar kho ne lai maw? Kan dawt tuk na ka ti lo maw? Ziah hi tin na um. Na min auh hmanh kan siang lo na ka ti tung. Naute. Ka dawt. Dawt hniang. Tin na ka auh peng tung. Ka au than. Naute ka ti cang hme. A ka daw i a ka zoh khenh tu. Ka pa can ka ta can kadawt. Ka herh mi vial te a ka tuah piak tu.

Tho law ka chawn cang. Kan chun mang vial te kei mah lawng cun ka tuah kho lai lo hih. Zing ka ah tho cang ka dawt naute na ka ti tawn. Thaizing ho dah a ka thang lai. U kadawt tho cang na rian tuan za cang kan ti kho ti lai lo maw? Kan van call i na tlaih lo cun ka dawt zei tin hme a um hnga ka rak ti cu. Ka ruah lo tuk in ee. Na ka lau ter tuk. Na ka daw tak lo maw?

Christmas lai ah cun tin kha tin tiah ka ca na ruah mi vial te .kei ca lung fah nak lawng te ah maw an can dih ne lai. Ka caah cun van pi a cim ko ee. Ka suttung pi a pur ruang mang ee. Na naute hi zei tin hme um seh na ti. Naute nangmah ngeih chiat le lungfah ter sual lai ka phang.

Ngeih chia lungfak in um ter kan duh lo. Na ka kal tak ding zong asi kho lo. Kan siang lo. ka kal tak bak hlah mu. Na ka ti i. Nang mah tu nih na ka kal tak ko ne. U tho cang. Ka caah a lung sau tuk mi. Mi dawt thiam. Mi leihthei. Ka chim hlan in ka herh mi vial te a herh lai tiah a ka tuah piak dih tu. kapa can na si kan ti tawn.

Ka mitthli hnawt tu na si kha. U tho law ka chawn cang. Ka khuasaknak tiang in tawlrel tu U kadawt tho law ka chawn cang. But keden na ka cah mi zong kan kuat manh tung lo. Ka khual tlawn lai ah nau khual ah na har sa lai maw? Tangka tam na ngei ti maw? Zei zat atang. Birthday lak sawng zei na cawk. Na ttha lo tuk maw? Tiah a zei zong tein na ka hal i na ka zoh khenh.

Nau ph thar ka cawk le xmas lai ah nang ca kan cawk lai i na sii din ding he kan kuat lai na ti tung. Ka caah na tuah mi vial te le chawva vial te nak in tho cang law ka chawn law ka duh deuh.sianglo U KaDawt na thawng li bang hnin ai ee. Na ka kal tak a tuan tuk.naute na min thleng cang. Ka min telh cang na ti. U ka zumh kho hlei lo ee.