“Naihrawng cu kaa Nuam lo”
=======
“Zeiruang ko ah hen vawlei cunghin kan um ko” timi ka ruah caan atam ngai. Ahlei in ralzam dirhmun in, tetkhawt ngai in kan nun tik ah lungdongh timi hnak in, hmailei kong zong ah thathawhnak ngeih ti lo khi kan hmang.
Kan mah bantuk a si mi an tampi cio ko lai. Ralzam sizong ah, silo zong ah, khoika um poh ah kha bantuk kan feel caan a tlawm lai lo. Aruangbik ka kawl tik ah, kan ral a simi kan theih lo caah a si. Zeitin tiah cun, Vawleicung ah hin ral Pathum ( enemies) kan ngei a ti. 1. Vawlei, 2. Satan le 3. Kan mah lila hi kan si. No.1 le No.2 cu a fiang ngai ko le, No.3 nak i ruat tti hna u sih mu.
Nangmah le nangmah naa hrawh tluk in a hohmanh nih an in hrawk kho lai lo timi khi a dik bik mi bia pakhat ah aa tel ve. Zohmanh uh, thiltha a si timi kan theih nain kan tuah lo na, Thilthalo, a ngandam lo mi si timi kan theih ko nain kan tuah peng na…Theih lawng nih a za lo, tuahser chih a hau ti khi chimhau lo si hnga. (keimah hrim hi fit deuh, derdeuh ka hei duh ning le, exercise zg tuahhlah, ei le din zg I zum hlah bak khi ka si)
Physical le ngandam a biapit bantuk in, Mental lei ngandam zg a biapi tuk. A tam deuh nih cun a biapi deuh hmanh an ti. Kawl zg nih “စိတ်ထောင်းကိုယ်ကြေ” an ti. Ahlan ah lungthin, thinlung Ngandam hi biapit zia le a herhzia kan lung a rak fiang hna lo i si. “Life is about choices, you cant have it all” timi zong a chimchap. “Most of your unhappiness in your life is because you listen to you instead of God” ti si.
Naa nuamh lo nak a tam u hi cu, Pathian hnak in nangmah chunglei chimmi bia na ngaih ruangah a si. Minung a kan hrawk tu bik khi phun (7) a um. Mah cu a lenglei si lo in kan mah lila nih kan hman bak mi a si. 1. Ningzah le sual naa phawt peng ah cun naa lawm kho lai lo. “You can not be happy and feel shame/guilty at the same time.”
2. Ruahchukcho (a herh lo mi khuaruahtam) ah cun, naa lawm kho lai lo. 3. A thalo mi theih ko nabu in, ka tuah ta lo hrimhrim tiah van tuah hram mi nih thiltha a chuahpi bal lo. 4. Fear (ttih) hi a kan hrawhtu a ngan cem ah aa tel. Zeitin dah kan tei khoh lai ti hi cawn a hau. 5. Ruahchannak ngeih lo. Ruahchannak ngeih lo hi, a kan hrawktu a ngan tak mi si ve “Hopelessness is self destructive weapon that you use on you.”
6. Bitterness: Chiakha ruahnak Minih kan cung i an tuahsermi cung i, lungfahtuk, lungkuai tuk hi, midang ca hnak in, nangmah ca lila ah ttih a nung deuh. 7. Insecurity: Mah le mah izumh lo nak
Mah hi cu Laimi tamdeuh nih kan ngei tuk tawn. Ka Hmuh khoh len mi a si. Insecurity a ngei mi cu mihmai bia an chim tik ah, an bia thau, mi an namneh, cun hruhbia an chim kho tuk.
Mah vial hi sirih seh law…..mah phun (7) a hopoh nih kan ngeih tawn mi a si ko. Ngeih ding siko.
Lungthin damlo hi kan ngei cio tawn ko hna. Tha tein zohkhenh le, mah le mah itheih zg hi a biapi ruangah mah ca hi ka van ttial mi a si. Laica tial cawn pah, ruahnak ihrawmh pah ah ka van ttial mi si. chirhchanh Rick Warren howtobesetfreefromself destruction, A sau pah le van ka theithiam u law, Thank you Dadeo (2.8.2023).
Mah le si khawh nak in Nuam te khua sak hnu I ralzam si a fawi Lai lo. Germany i kum 3 chung rian Nei lo political asylum a ka pek hlan keimah lawng german khua te i thlakhat Euro 120 te he khua ka rak sak lio ah hin ka bei a rak dong ngai ve. Na in Life is struggling ti mi ka nun a ka rak thlen ngai ngai.