Na hliam hma le na fahnak ta hmanh kan in dawmhtlaih piak manh lo ee!

Na hliam hma le na fahnak ta hmanh kan in dawmhtlaih piak manh lo ee!
========
Kawi Cung; Nai kan i chawnh zg ah khan ka dam ko na kan ti ko kha teh, nan pawng te ah dawh kan um ve ko hih nan thin phang hlah uh na kan ti kha. Tu zing na thawngpang theih cu kan ar khim ko ee. Kan i zumh kho bak lo ee.

Na hliam hma le na fahnak tr hmanh kan in dawmhtlaih piak manh lo ee kawi cung. Thantlang khirh than khi hei um seh law zei tin dah Tt kan kir la le kan thut to te hnga. Job Bawi Nun Thawng zg na pom cawi manh rih tung lo. Kan i lungsak kho bel la lo ee. Na nai Johnte hi zei tin hme kan van hneh hnga ee.

A tuang tuk rih lo maw? Na rian pi hi lak lawh pi in maw na kal tak ko ne la. Kan i lungsak kho bak lo ee kawi cung. Na liam siaherh tuk ve ko la mu. Rak kal chung ko ne law. Sian na um bak lo ee. Na liam lungsia herh tuk ve ko lai mu ucung rak kal chung law rak kan dong te mu. Poi tuk e, Pathian tu nih in tuar khawh nak in pe ko hna seh mu.

CDF-Thantlang Ralkap 2 Le CNA Ralkap 1 An Nunnak A Liam. Chin ramkulh, Hakha le Thantlang kar kahdohnak ah Chin ralkap ṭangṭi phufonh in pasalṭha 3 nih ram le miphun caah an nunnak an pek, tiah theih a si.

July 18 zinglei suimilam 4:00 hrawng ah SAC ralhrang kut in an nunnak a liam hi a si. Ram le miphun caah nunnak a petu pasalṭha hna cu CDF-Thantlang in Salai Zo Ram Thang, Salai Cung Lian Uk (Pa Lua) le CNA ralkap in Salai Bawi Hu Thawng hna an si, tiah theih a si. Hi kahdohnak ah hliam tuar zeimaw zat zong an um i hliamfak a tuar mi zong an um hna. SAC ralhrang thimi le hliam a pumi an tam ngai ve, tiah kan theih.

Tuzing Timit Le Vankham Tlang Kahdohnak ah Chin Ralkap 3 Nunnak Liam 7 Liam An Tuar, SAC Ralkap 10 Renglo An Thi, Hliamtuar An Tam. Chin ramkulh, Hakha Timit le Vankham tlang karah Chin ralkap le SAC ralkap hna cu nihin July 18 zinglei ah an i kap, tiah theih a si.

“SAC ralkap hi Hakha lei in a ra mi an si i 150 leng cu an si lai. Nihin July 18 zinglei ah Timit le Vankham tlang karah kaphnih in kan i kap. SAC ralkap nih hriamngan in an kan kah tuk caah Chin ralkap lei in ralkap 7 hrawng hliamhma an pu i, 3 an nunnak a liam,” tiah Chin ralkap pakhat nih The Chin Post ah a chim.

Nunnak a liam mi hi CDF-Thantlang Battalion-1 in Salai Zo Ram Thang le Salai Cung Lian Uk an si i pakhat cu CNA in a si tiah kan theih. SAC ralkap a thi mi 10 renglo an si i hliamtuar an tam ngai tiah, Chin ralkap pakhat nih The Chin Post ah a chimchap. Timit lei in rallam a sial mi SAC ralkap hna cu Thantlang ah kal aa tim mi an si. Tutan kahdohnak hi SAC ralkap nih an fuh hmasa mi hna a si tiah kan theih.