Mizoram Chin Ralzam Bawmhnak Kong A Si Hih!

MIZORAM CHIN RALZAAM BAWMHNAK KONG ASI HIH
=========
Mizoram Chin ralzaam tampi nih ramthumnak or hmun dangdang in a rami bawmhnak hi lung atha ti lo. Mizoram Chin ralzaam hna hi tawlreltu phu an um hna. Mah tawlreltu phu/group cheukhat nih ralzaam umnak khua kip ah bawmhnak hi phakter dawh an si lo.

Cun, a phanhnak hmun/khua cio zongah avoitam/tlawm ithlau cio ngai dawh asi. Nihin tiangah atlangpi in bawmtu hna nih bawmhnak an kalter ning zong hi Farkawn le Sangau ti deuh an si. Farkawn ah bawmhnak heh tiah an pek hna ah hin Farkawn pawng Vaphai khua ralzaam hna cu bawmhnak pakhat hmanh an hmu ve lo (atu hi cu an hmu ve cang kho men).

Sangau khua ralzaam hna cu bawmhnak an phawt pah lengmang ko hna nain pawngkam khuate ralzaam hna sin ah bawmhnak a phan tuk theng rua lo. Chin (Hakha Thantlang peng chung) ralzaam hi Lai District le Mara District khuate tampi ah an um hna (an tlawmtam belte an i lo hna lo). Khuate cheukhat ummi ralzaam hna nih bawmhnak voihnih thum an tin lio ah khuate cheukhat ralzaam hna cu voikhat lawng hna bawmhnak a tingco mi um dawh asi.

Cun, tuan deuh ah Thantlang pastors caah bawmhnak timi zong kha Thantlang khua pastor asi ko nain nihin tiang ah a tingco lomi an um thiam thiam. Thantlang pastors hi 40 hrawnghrang an si lai dah. Thantlang pastors hna cu min itheih dih lo zongah khrihfabu zohchun in tha tein ipehtlaih khawh dih, itheih khawh dih ding ah ruah a si ko nain.

Note- Ralzaam bawmnak tawlreltu hna sualpuh duh ah a si lo. Bawmhnak atingco hnga dingmi cio cio ah pakhat tincoter i adang pakhat tincoter lo hi a tha lo. Atlingmi ahohmanh kan um lo nain zumhtlak sinak hi a biapi bik asi zungzal. HI KONG AH CHERHCHAN THA TEIN A UM.

Thantlang Kanghuh Tong Mi Chungin A Hmurka! Thantlang inn kang mi chungin inn 160 tluk a kangh lio ah khan ramdang a um mi chungin bawmhnak hal piak in bawmhnak cu peek an si hna i cu bawmhnak cu an kuat hna ti cu theih a si i cu an bawmhnak ding kuat mi chungin an don ning belte hi ningcang a tlailo ngaingai tiah kanghuhnak a tong mi nih a chim.

A chim peh tthan mi cu,kanghuhnak kan tawn i dawtnak le zawnruahnak he bawmhnak a pe tu hna cung ah hin kan ilawmtuk cio,asinain cu an mi bawmhnak cu ningcang lo ngaingai in a phawtu hna nih an phawt mi belte hi cu khatlei i ruah ahcun ngaihchia ngaingai khi a si caah hin hi kong hi chim lo in ka um kho lo.

Hi bawmhnak hi a dongtu sinah ningcang te in a phanh i, a tlawm ah a tlawm ning in, a tam ah a tam ning in phan kho hraam selaw bawmhnak a pe tu ca zongah a nuam hnga i kanghuhnak a tong mi kan niih pawl ca zong ah kan sungh zatlak mi kong zongah don a nuam deuh hnga. Sihmanhselaw a tubantuk in bawmhnak diklo in a kal ning hi cu kan miphun nih hmang ti hlah usilaw a tha tuk hnga e tiah, Kanghuhnak a tong mi patling pakhat nih cun a kan chim. Credit: Pu Tin Duh Thang