Mitthli A Luang, Fak Piin Thlacam Kan Bawm Cio U Mu!

Mitthli A Luang. Fak Piin Thlacam Kan Bawm Cio U Mu!
=========
Tu zarh chung cu November 14 in 19 karlak hi Mandalay i Chinmi Missionaries pawl kan mithli a luang zarh a si. Mission Fielf chung i kan ngeihchun kan inn le hmun pawl cu hramhram uknak chuttu hna nih an kan chuh, an kan hrawhpiak dih.

Cozah nih kum 2021 lioah Phygyi Tagon Township caah fehter in Sang Min an bunh dih cangmi a si. Pathian Lopil (Mission Field) caah tiin zumtu hna nih nan kan kuat ciomi pawl cu meh thaw hmanh i cawknak siang loin tlawmpal tete in khon i kan cawkmi hmun le inn pawl an kan hrawhpiak dih, an kan chuh dih tikah ah kan ngaih a chia tuk hringhran ko.

Nizan i an hrawh an chuhmi chingah kan riantuan hawi Rev. Ral Hmung (Saya U Ba Win) te an Tlakrawh Inn 2 hrimhrim cu kan ui hlei khun, hi an inn hmaiah cun kan nih hmun le inn te hna cu chim tlak lo te khi a si. Zeicahtiah an saknak a rau rih lo, tha tuk in an sakmi a si fawn. Fak piin thlacam bawmh kan herh tuk liote a si.

Kan biak Pathian nih a kan pek mi kan inn le kan lo cu hiti hin ralkap cozah nih thawng thannak um lo in an kan hrawh piak ko ee. Ar bang kan vai ruangmang ko ee.kan biak Pathian sinah a bia thiang bang kan i lomh zung zal ko lai. Minung lungthin ngei lo pawl thin hi ahan tuk tung e. Pathian tu nih hi nak ttha deuh in pe hram ko hna seh.

Kawl Ralhrang mi tuah to hi cu mu, BawiPa Pathian nih mah nak tha deuh in pe ko hna seh mu. Pathian lam hruainak hi lung fian a har ko e. zaang- en hmang, Vawlei muihnak tthawn’k hi teitu bantuk ah an lang tawn. Pathian tthawn’k nan sin ah langtuan hram ko seh mu.

Hrawh mi ah nan inn a tel ve ti? Pathian nih hmun ttha deuh le inn ttha deuh an pek tthan te ko lai. Kawlram uknak nih a kalpi mi a si ko. Cucaah doh a sinak a si. Doh peng a si caah tuah lo a tuah mi a si. Bawipa nih in umpi peng ko hna seh mu. Poi tuk tipin hi chimding zong theih si ti lo e. Bawipa tu nih in huhphenh hram ko hna seh law.

Setan Khuachia cu pei an si fawm cu tuah an duh mi kha tuah thluama ve ko hna seh Kan Pathian a colh tikah cun an cel ve te lai lo. Bawipa nih in veng him ko hna sehlaw. Bawipa nih zei a tinh ti kha hngak ko uh sih. A zungzal in, thlacam ko uh sih. A zungzal in, I lawm ko uh sih mu. Vawlei chaw.

Atu caan ahcun nan caah khua mui bantuk in um ko hmanh uhlaw, Bawipa fa le hna cu, ceunak chung ah amah lila nih an hruai tthan te ko hna lai. Thla kan in campiak ve hna. Mah nu le pa in bang kan In cio I kan I ruah mi in le lo an kan hrawh piak cu lungfak tuk e. Pathian tu nih thachin thlawchuah an pek hna nak ah cang ko seh law. Bawipa tu nih in um pi ko hna seh kha nak in tha deuh mi inn le lo in zang fah ko hna seh mu.

Saya Hmung, ngaih a chia tuk ai ee. Mit nih hmuh khawhmi khawchia pei an si cu. Khawchia rian cu fir duh le hrawh duhnak lawngte a si tiah Baibol nih a chimmi hi a rak si hrimhrim ko. An hrawk khawhmi an hrawk i hrawh khawh lomi ciam viar in an kan khanghpiak i cucu an rian a si ko. Nan nunnak Bawipa nih an ven hna i a himmi kha Bawipa ṭhatnak a si ti ko hna sih. Midang tampi nunnak an lak cuahmah hna ko khi. Bawipa nih inn le lo thar an pek nolh hna lai mu.

Rev. Ral Hmung le a member dihlak nan intuar nak ah nanmah he khat in kan hrawm pi hna. Bawipa nih a kutcak hmang in a sunparnak a langh nak tu ah si ter hram seh! Tuar a har ko e, Maw Pathian na mi fa hna ttah ai hramnak Aw hi theih piak hram ko hna mu.

Mipi Thuam I Hruk In Rallam Sialnak A Tuahtu SAC Ralkap Bomb Puahhnawh An Tong, 4 An Thi! Mandalay ramṭhen, Patheinkyi peng Pagantat khua le Alaung khua kar ah mipi thuam i hruk in rallam sialnak a tuahtu SAC ralkap le pyusawhti phu hna cu Natsoe UG nih bomb puahhnawh in an doh hna caah SAC ralkap 4 an thi i pyusawhti 2 hliamhma an tuar tiah theih a si.

November 17, zinglei suimilam 9:00 hrawng ah minung thazaang 30 leng he rallam sialtu SAC ralkap hna cu tualchung hriamtlai phu nih bomb puahhnawh in kan doh hna tiah Natsoe UG phu hruaitu Ko Al Naung nih a chim.

“Bomb kan hmanhmi hi lung 3 a si, bomb kan hmanhnak hmun an phak ah kan hmanhmi bomb an hmuh caah hrawh ding in an i timhtuah lio ah kan puahhnawh hna, lungkhat lawng kan puahhnawh khawh hna nain SAC ralkap 4 an thi, pyusawhti 2 nih hliamhma fak an tuar caah sizung ah an kalpi hna” tiah a chim chap.

SAC ralkap hna cu bomb puahhnawh an ton hnuah kaphnih kar kahdohnak a chuak nain tualchung hriamtlai phu lei in hliamhma tuarnak umlo tein hnu an tolh kho tiah theih a si.

Cycle Ai Phirhmi Nu 2 Nih Meithal In A Kah Caah Ralkap A Rak Tuan Balmi Pakhat A Thi! Magway ramṭhen, Pakokku No.11 sang ah ralkap a rak tuan balmi pa pakhat cu a umnak inn ah meithal kah in thah a tong tiah theih a si. Nihin, November 18, zinglei suimilam 8:00 luan hrawng ah ralkap a rak tuan balmi U Ye Tint (kum 55) cu a umnak inn pawng ah hriam ai tlaihmi nu pahnih nih cycle he an rak fuh i meithal in an kah caah a thih hi a si.

“Kan theihning ah cun a umnak inn pawng a umlio ah cycle ai citmi mino nu 2 nih na kah tiah kan theih, kah a tongmi pa hi ralkap a rak tuan balmi a si i a kee pakhat a bul mi caah kelem he a ummi a si, SAC ralkap he naihniam ngai in a ummi a si, a mah tu hi cu dai tein a ummi a si ko na in, a thli in zei thil a tuah ti belte kan theilo” tiah tiah tualchung mi pakhat nih a chim.

U Yee Tint cu meithal in voi 3 leng an kah hnu ah a thi, a ruak cu mi bawmchantu phu hna nih Pakokku sizung ah an kalpi. Chunhnu ah a ruak cu sizung in inn lei an tlunpi than i ruak humhnak an tuah tiah theih a si. A hlan ah ralkap a rak tuan balmi U Yee Tint cu mi zei phu nih an kah le zeiruang ah dah an thah timi tucu theih fian a si rihlo, a kaptu phu lei zong nih cathanh chuahmi a um rih lo tiah theih a si.

SAC Ralkap Nih Thongtla Luatnak A Pekmi Hna Chungah Ramkhel Lei Thongtla 53 Lawng An I Tel. SAC ralkap nih thongtla minung 6000 tluk hrawng luatnak a pekmi hna chung ah ramkhel lei thongtla minung 53 lawng nih luatnak an hmuh tiah ramkhel lei thongtla bawmtu phu AAPP nih cathanh an chuah.

Nizaan November 17, tiang cazin ning ah thongtla luatnak a hmutu hna chung in ramkhel lei thongtla minung 53 lawng cazin kan lak khawh tiah AAPP nih cun an langhter. SAC ralkap nih hramhram uknak a lak thawk in November 17 tiang thla 21 renglo chung ah SAC ralkap nih an tlaihmi hna hi minung 12976 an si tiah AAPP nih an langhter.

SAC ralkap nih luatnak a pekmi hna chung ah hin min langdeuh ramkhel lei thongtla cheukhat lawng luatnak a pek hna i, mah pumpak sualnak tuah ruang ah thong a tla mi hna tu kha tamdeuh luatnak an pek hna tiah theih a si.

Demosu Ah SAC Riahcaw Phurtu Mawtaw Bomb Puahhnawh An Tong, 3 An Thi. Karenni ramkulh Demosu pengah riahcaw phurmi SAC mawtaw bomb puahhnawh an ton caah SAC ralkap 3 an thi tiah Karenni hriamtlaiphu Karenni Revolution Union (KRU) nih cathanh an chuah tiah theih a si.

November 18, Karenni hriamtlaiphu KRU nih riahcaw le hriamthil phurmi SAC mawtaw cu Konetha khuachung an kal lio ah bomb an puah hna i SAC ralkap mawtaw pakhat a rawh pinah minung 3 an thih hi a si. Cu kahdohnak hmunah SAC ralkap hna nih thazaang tamtuk an chap ko nain KRU lei in a thimi le hliamtuarmi um lo tein hnu an tolh kho tiah theih a si.

Baa Ann Peng Ah BGF Nih Ngakchia Pakhat Telh In Minung Pali An Kah Hna I An Nunnak A Liam. Karen ramkulh, Baa Ann peng Mihkaren(မိကရင်) khua ah SAC kuttang BGF nih nizan November 17 zaanlei sml 5:00 hrawngah meithal in inn pakhat an kah caah kum 7 ngakchia pakhat telh in minung pali an nunnak a liam, tiah khuami pakhat nih a chim tiah theih a si.

“BGF 20 hrawng cu motor pahnih in an ra i, khua chak ah a ummi inn pakhat cu meithal in an kah caah an chungkhar ning in meithal kuan nih a khen hna. Thawng dik lo an theih caah minung i palhin meithal in an kah mi a si men lai,” tiah a chim chap.

BGF nih kahnak in Mihkaren khua ngakchia pakhat, kum 24 tluk pa pakhat, kum 50 tluk nu pakhat le khua chak ah rian a ṭuanmi Kawhpyian(ကော့ဖျံ) khuami kum 30 tluk pa pakhat an nunnak a liam. A nunnak a liammi chungah kum 7 ngakchia le kum 24 tluk pa pakhat hi unau an si i kum 50 tluk nu hi unau hna an pi a si, tiah theih a si. Credit: The Chin Post