Misifak le mirum mifim le mi lian nih an fuh khunmi inn te na ciam ti theih cu!

Vawlei cung chawva ruang ah ka mitthli kaa thlak te lai tihi ka ruat bak lo!
==========
Kan run inn te a ciam ai ee, Kan ngeihchun Kapa ro. Ruavan in, Tinam sianginn kaimi kip nih kan retheih can ah ka i dawrnak, maw ka inn te inn chiabik te na si nain minung tampi pawna cawm i mikip nih kan in dawrnak, misifak le mirum mifim le mi lian nih an fuh khunmi inn te na ciam ti theih cu ka ngeihchia tuk ee.

Vawlei cung chawva ruang ah ka mitthli kaa thlak te lai tihi ka ruat bak lo, kan inn hi tah hnawh len ding zongah a phulo nain mu, ka pa kutneh a ziam ti theihcu kaa sum kho lo ee.

Vawleicung um laimi Phun Tinam kan khua caah thazang kan chuah piak cio hram uh. Thla za kan campiak ve uh. Kan khua hi (Sanpiah) khua a si. Khual an i nomhnak khua si. A laifang ah a ummi khua a si pinah lam pali tonnak khua a si. Ral pawl an mitthi mi khua a si. Minung 500 leng umnak khua a si. Thla na kan campiaknak cungah kan i lawm.

Kan tuar kho cio lo ee kan i dawr cio nak in te liam cia can vial te a thar in kan hmuh dih than ee duh tlin lo nak vaw lei c bang ruah zia le tuar zia thiam nak pa thian nih in pe ko hna seh mu. Bawipa nih ahlei in thluachuah can pe in in hbem ko hna seh.

Lung a fak ko ee zei kan sual ti bang minung fa ve lo bang an kan tuah ning hi celh ding si lo ee. Pathian a tha deuh in in pe than te ko seh law. Mah kong theih cu ngaih a chia bak e, A poi tuk ti lo chimh awk le rel awk zong a um lo. Pathian tu nih nan ngaihchiat nak in hnem in a let tampi thluachuah in pe chin ko sehlaw tiah thlacamnak tuin kan in bawmh hna lai mu. Min Aung Hlaing le rual kan tei hlan chung kan ṭang rih lai e thachia lo tein mu.

Ngeih chia tuk si ee, apoi ti pin chim dg um lo ee. Bawipa tu nih a let in thluachuah in pe ko hna seh law. Zei ti tha hlah e hmailei tu ah mahi nak tha deuh sak khawh than nak can pe te ko hna seh law. A poi reraw ti leng ah chim awk a um ti Lo e.

Tinam Khua Inn 9 SAC Ralhrang nih an Khangh, Khuami 700 Hrawng an Zaam. Hakha he meng 36 a hlatnak hmun ah a ummi Tinam khua ah SAC ralhrang 100 hrawng zaan an riak i, inn 9 an khangh ta tiah ramlak ah a zaam vemi Tinam pastor nih The Chin Journal ah a chim. “Ralkap 100 hrawng an si lai dah. Kan khua Baptist biakinn le Believer biakinn ah an riak i, inn an bauhmi le an firmi zong a um len ko.

Lamtuk lei an lanh lai ah inn an khangh ta i inn 9 an ciam,” tiah a chim. Inn a kaangmi hi bomb nih a tlakmi theng si loin an khangh hramhrammi a si ko, tiah a chim a chap. “Bomb tlak ruang ah a kaangmi cu a si lai lo. Khuachung an um hnu, khua in an chuah lai ah a kaangmi a si i, an khangh hramhrammi si dawh a si ko,” tiah a chim.

Lamtuk khua pawng ah miphun ralkap le ralhrang karlak kahdohnak fak ngaiin a chuak i SAC ralhrang lei in a thimi le hliam a pumi an um len tiah kan theih nain mithi/hliampu a zat fiang in theih a si lo.

Tinam khua ah inn 105 a um i, an khua ning in milu 700 hrawng cu bu 6 hrawng ah an i tthen hna i ramlak ah an zaam dih hna. SAC ralhrang pawl Lamtuk khua lei ah an kal caah Lamtuk khuami pawl zong nih an khua an chuahtak, tiah thawngpang kan theih.

SAC Ralkap nih Tinam khua an khangh, Inn 9 a kang cang. Chin ramkulh, Zokhua peng, Hakha-Gangaw lam cungah a ummi Tinam khua cu SAC ralkap nih March 28 ah an khangh tiah Chin Human Rights Organization (CHRO) nih a thanh. Khuami pakhat nih khuachung a kanghnak khu cu ramtang kan zaamnak in hmuh khawh a si tiah CHRO ah a chim.

“Chun sml 12:00 hrawng ah Tinam khualuh lamton (Lannsung) in an khangh cuahmah lio a si lai dah. Biakinn tlang nih a phenh caah zeitluk tiang dah a kangh cu kan thei rih lo”. Ahohmanh nih an luh hnawh ngam hna lo caah a lang in cuanh a si ko. A kaang tiah chim khawh a sinak hi mino nih tlang in durbing (hman-bi-lu) in an bih caah a si tiah theih a si.

Tinam upa pakhat nih “Tinam khua cu inn kua khanghpiak kan si cang” tiah a pumpak Facebook cahmai ah a tar.
Tinam a kangh cuahmah lio ahhin, Lamtuk khua chung in Bom le meithal thawng pehzulh in a thang a thang. (Tinam zong ah) SAC ralkap pawl khuachung an rak luh lio ahhi biakinn tlang kha bom le methal in an kah hmasa tiah theih a si.
“Lamtuk khuahlun le khuathar karlak thlaan hmun zawn ah an i kap tiah” khuami nih The Chinland Post ah a chim.

Tinam le Lamtuk khua hnih fonh in, inn 200 leng cu SAC ralkap an rak luh bak in nithum chung ramtang ah an zaam cang tiah theih a si. Tinam khua hi minung 500 fai in, inn 103 hrawng khuasa an si i thawngpang chiat hnu ah an karh ngai i, a minung in zapi hi 700 fai hrawng an um lio a si tiah theih a si.

Nain, tutan kahdohnak nak thawng le ralkap tlunkal ruang ah khua naihniam, khuapi le ramtang ah an zaam dih tiah theih a si. Cun, Lamtuk khua zong hi inn 85 khuasa an si i minung 381 an um, nain tulio cu an zaam dih tiah theih a si.

Council ralhrang nih Tinam khua inn 9 an khangh hnu ah Lamtuk leiah an lan. CNA le CDF Hakha nih Council ralhrang an kah hna i Council ralhraang pawl nih 2022 March 28 ah Hakha peng, Tinam khua inn pawl an khangh hnu ah Lamtuk khua lei panh in an lan tiah kan theih.

Council ralhrang nih Tinam khua inn an khangh mi hi a dihlak ah inn 9 a si i inn a ngeitu hna min cazin a tang ah kan hun langhter. 1. Pu Khua Kian, 2. Pu Chan Thawng Awi, 3. Pu Thang Ci, 4. Pi Bual Cuai, 5. Pu Thuan Peng, 6. Pu Thla Or, 7. Pi Thla Chin. Khuami nih an sak mi khua inn, inn 2 a kaang. Tinam khua ah ralhraang nih an khangh mi inn dihlak inn kua a si tiah kan theih.