Mipi ralkap Minung 4 Nih Ram Le Miphun Caah An Nunnak An Pek!

Mipi ralkap Minung 4 Nih Ram Le Miphun Caah An Nunnak An Pek!
=========
Natchaung khua Zan i kahdoh nak ah Kalay PDF pa 4 nih ram le miphum caah an nunnak pek. Sagain Ramthen, Kalay peng, Natchuang khua ah January 16 zan kahdoh nak achuak i Kalay PDF lei minung 4 nih ram le miphun caah an nunnak an pek.

Mizapi vengtu Kalay PDF in nunnak petu hna hi 1.Nge lay Kum(40), 2.Aye tha kum(40), 3. Ngui Tua kum (44), le 4. Aye Poih kum(46) hna an si. Ram le miphun caah nunnak petu Kalay PDF pa 4 cu January ni 19 ah Khua mi nih an ruak thlah nak an tuah hna tiah Kalay PDF nih thawng an thanh. Nizan ah hramhram in uknak la tu ralhrang nih Natchuang khua iin (42) an khangh tiah thawng kan theih.

KNU Bridge 1 Hmunhma ah Ralhrang Van lawng cu KNLA le Pawngkam veng tu phu i fonh in Bomh an puah hnawh, ralboi pakhat telh in minung 11 an thi. KNU Bridge 1 hmunhma, Tatung peng ah ralhrang vanlawng cu January 14 zing ah KNLA le pawngkam vengtu phu i fonh in Bomh an puah hnawh i, ralboi pa1 le a kuttang 10 an thi an zapi in minung 1 an ti tiah thawng kan theih.

KNLA Batalion hmunhma, Theinseih-layKe motor lampi, Saw-Eh-Phu Khua luhnak lam neih ah ralhrang vanlawng cu KNLA Bridge 1, Batalion 2 le pawng kam vengtu TPG nih Voi 3 bomh in an puah hnawh tiah TPG nih thawng an thanh.

MNDAA Kahdoh nak ah ralhrang lei in 15 an thih pin ah hriamnam an lak piak hna. Sian ramkulh, Chaklei ah ralhrang le MNDAa karlak ah kahdoh nak achuak i ralhrang lei in 15 an thih pin ah hriamnam an lak piak chih hna tiah Ko Kanh thawngthanh nak in theih asi.

January ni 11 ah ralhrang 5 thi i , January 12 ah ralhrang 10 an thi nihnih chung kahdoh nak ah minung 15 an thi.
January ni 15 kahdoh nak zongah ralhrang lei in a thi chap rih tiah theih asi. January ni 18 ah cun ralhrang nih hnu an kir tak hna i cu kaa hmun ah cun point 56 kuanfang 790, kuan bawm 4, kutcheh bomb 5, pehtlaihnak thil 2, D2 (1) hna an lak chih.

Sanmyo Khua Inn (100)Tluk SAC Ralhrang Nih An Khangh Piak Hna. Magwe ramthen,Gangaw peng,Sanmyo khua cu zahan January (18) chun Sml(2:00) tluk ah ralhrang nih an luhhnawh hna i khua inn (100) tluk cu mei in an duah tiah cu ka hmunhma um mi sinin theih a si.

“Mei duah nak in inn(100) nak tlawm lo a kang cang. Ralhrang(50) tluk an si.Khua chung an rak luh ah meithal in an kan kah, hriamngan in an kan kah caah hmundang ah kan zaam nak a si” tiah khuami pakhat nih a chim. Zahan thil cang mi ruang ah Sanmyo khuami (1000)nak tlawm lo cu hmundang ah an zaam hna tiah cu ka hmunhma um mi sinin theih a si.
Sanmyo khua hi inn(200) tluk an si i December(21). zong ah ralhrang an lut i khua inn (30) an duah tiah khuami sinin theih a si.