Minung pakhat ah $1400 cio bawmhnak rak pekmi kha a si i nan chungkhar ah minung 5 nan si ahcun!

Hello IndyChin hawile hna,
=========
Tax file caan a si caah tax a file dingmi caah santlai a si men lai ti ka ruahmi ka van in hrawmh hna. Tax file nak ding ah rianṭuannak company nih pekmi ca (documents) pawl cu nan ngei dih ko lai nain, Federal/cozahpi sin in bawmhnak hmuhmi pawl theihter nak cakuat a ngei lomi nan um kho men.

Cucaah, IRS lei nih kuatmi ca/letter phun hnih; EIP3 le Letter 6914 hi ai chiah ti lomi or a ngei lo mi nih nan si ahcun; EIP3 hi minung pakhat ah $1400 cio bawmhnak rak pekmi kha a si i nan chungkhar ah minung 5 nan si ahcun $7000 nan hmuh ti nak si i hi bawmhnak hi nan hmuh/bank i a luh ko ahcun EIP3 zawn i hmuhmi zat halnak ah $7000 hi ṭial ter ding a si hnga.

A hmu lomi cu 0.00 in ṭialter i tax refund ah hmuh/pek chih a si lai. Cun, Letter 6914 cu ngakchia bawmhnak pekmi a si i Kum 5 tang ngakchia poh thla khat ah $300 le kum 5-17 kar ngakchia poh $250 pekmi a si. Tahchunhnak ah;, kum 5 tang fale 2 le kum 5-17 kar fale 2 ngeimi nan si ahcun thla khat ah $1100 nan hmuh ti nak si i a dihlak thla 6 ca i nan hmuhmi cu $6600 a si lai i tax file piak tu nih $3300 veve in ṭialter ding a si lai ti nak si.

A sullam cu hi bawmhnak kong hi IRS nih cakuat 2; pa min le nu min in pakhat ve ve kuat a si. Cucu, tax file tikah zat ceo veve i khumh/ṭial ding in an tuah mi a si. Nan fiang ko lai dah, fian lo ahcun, fian i zuam te ko ne uh.

TAX FILE KHAWH A SI CANG. Kan i ngaih cio mi TAX FILE (nga fuan ruh) caan kan phan ṭhan cang. Tuchun January 24 in tax file mi IRS nih an cohlan cang lai. Cucaah, Tax file ding a ngei i a herhmi ca pawl; W2, 1098, 1099, le IRS letter 6419 tbt. pawl a ngei cangmi cu tax file khawh colh a si ko cang.

Kum 2016 in tax file hi ka thawk ve i tu kum zong tuahpiak rih kai tim. Tax file piak a duhmi nan um ahcun phone, text message siloah messenger tbt. zong in pehtlaih (contact) khawh ka si lai. Nan i manh caan ah schedule tuah khawh kanni zuam lai. Credit: Vanceuuk Khenglawt

Khrihfabuu le Chin Community cawlcanghnak ah hruaitu quality a ngei lomi kan tamtuk. Quality a ngei lomi tamtuk nih hruai mi buu cu quality a ngei kho ve lo. New ideas le creativity a um lo. A hlunmi ruahnak peng in cawlcangh i new ideas um loin old and useless ideas pawl recycle peng a si. A caan ahcun experiences le cawnnak a ngeimi hman khawhmi an um ahcun hman ding an si.

USA hna kan um ve i lai lungput lawngte in kan i hruai ahcun thancho nak lam a pit. Leaders kan thim tikah, quality zoh lengmang a hau. Caan pek khawh lawng a za lo. Leaders quality a ngeimi cu: mi chawnhbiak zong a thiam lai. Communication is key. mi he bia i ruah tikah active listening, empathy, le open mindedness zong a ngei lai.

Mi nih chim lo ding biathli ruah tikah, confidentiality a practice khomi a si lai. Integrity: zumhawktlak/a dingmi- moral uprightness a practice khomi a si lai. Creativity: thil thar idea thar a chuah khomi zong a herh ngai. Responsibilities: tuan ding rian tha tein a tuan khomi.

Compassion: midang cung ah zaangfah le dawtnak a ngeimi a si lai. Transparency: thupmi ngei lo tein mi sinah riantuan ning zong a chim khomi a si lai. Empowerment: mi lungthin a la khomi a hlei in mino hruaitu caah a herh ngai. Emotional intelligence: feelings aa control khomi a si lai. Personal feelings tel loin decision making a tuah khomi zong a herh ngai. Humility: mi tang aa dor mi a si lai.

NOTE: a cung dihlak hi a tlinh dihmi cu kan um hrimhrim lailo. Nain, hi qualities pawl hi a tuah khawhnak dingah, ai zuammi tal cu a si bak a hau.

mino sinah kum tampi caan ka rak hmang. Because of the nature of my work and education goal, it takes a lot of my times and energy. Kumkhat voikhat te mino sin ka va kal i chawn tu zong kan ngeih lo (a hlei in mino Upa sin zong in bia kaakhat hmanh a um lo ahcun, ka ningzak. Ka chuak ngam ti lo.) mah bantuk ruang ahkhin a cheu hruaitu cu ka resent mi zong an um ngai. Hi bantuk a um lonak ding ahcun hruaitu pakhat a si ko nih cun, hruaimi kha buaktlak tein le thleidannak ngei lo tein aa khat in hmuh le chawnhbiak zong a biapi.

A caan ahcun, a chuak lomi mino khi chawnhbiak le encouragement a herh deuhmi kan si tawn. Kan nih Chin Community bel ahcun, a chuak lo deuh kha an personal life ah Zei bantuk harnak an ton hnga ti zong ruah piak loin, kan shame colh hna. A chuak peng mi tu kha hehchat kan auh hna le kan encourage hna. A chuak peng mi encourage hna hlah uh tinak a si lo. Tuu a tlaumi tu kha khalh a hau deuhmi cu an si. Hi bantuk zong ahhin leadership quality a ngeimi a herh khun. Credit: Katie Van Zi