Mindat kan Miphun hawi hna hi an tuar ngai ngai ve ko. An phun zai tuk rua lo!

Mindat kan Miphun hawi hna hi an tuar ngai ngai ve ko. An phun zai tuk rua lo!
===========
Mindat kan Miphun hawi hna hi an tuar ngai ngai ve ko. An phun zai tuk rua lo ka ti, an raltuk nak zong hi an tuah taktak hnu lawng ah thawng an thanh tawn.

Cu tin ral kan tu hnik cu tin ral kan do hnik tbk, hrim hi cu an chim hma sa bal lo. Ralkap Mawtaw zong an kah hnu lawng ah kan kah tiah thawng an thanh, cu cu riantuan nak dik taktak mi le zumh awk tlak taktak an si nak cu a si.
Tuah hlan rumro in cu ti kan tuah hnik cu tin kan tuan hnik tiah Vawlei pi theih in kan au ahcun Vawlei pi zong nih a kan bawm lai lo.

Kan tuah hmasa hnu le kan tuan hmasa hnu lawng ah Vawlei pi nih a kan zoh sawhsawh lai lo i a kan bawmh a kan dirpi te ko lai ti hi ka ruahnak a si.

Tuah taktak lo mi le tuah te ding hna hi thawng thang tuk in thanh hmang hna hlah uh sih, mi nih kan sining kan thawngpang kan thei hna seh tiah thawng thanh lo in, kan tuah taktak mi cu Midang nih an duh zong duh lo zong ah kan thawngpang a kan theih te ko lai.

Mindat kan u nau hna Halkha thonginn ah a um mi hna hi zohkhenh tu le chawn bia tu zong an nei lo. Rawl chanh tu zong an nei lo a si kho nih Khua caan ah an chanh pah tawn hna.

Mindat caah bawmhnak pek mi zong hi, a si khawh ahcun thonginn ah a um mi hna caah pek pah ding a si. Nunthap in rian a tuan mi an si caah thonginn a phan mi an si ve! Philh hna lo ah an tha lai. Credit: Salai Ceu

Mindat-Matupi karlak ah SAC Ralhrang 70 Hrawng an Thi tiah CDF-Mindat nih Chim. November 2 in November 10 tiang a cangmi Matupi-Mindat karlak CDF-Mindat le SAC ralhrang kahdohnak voi 12 a chuak i SAC ralhrang 70 hranwg an thi lai, tiah CDF-Mindat nih an langhter. November 2 kahdohnak ah ralhrang 2 an thi i, JCB pakhat an khanghpiak hna.

November 3 kahdohnak ah ralhrang 12 hrawng an thi i CDF-Mindat lei in kum 73 a simi upa pakhat nih a nunnak a pek ve. November 4 kahdohnak ah ralhrang 25 hrawng an thi. Hliamhma a pumi an tam ngaingai. November 6 kahdohnak ah ralhrang 8 hrawng an thi i meng 31 zawn ah ralhrang ruak a tlol cangmi pakhat zong an hmuh.

November 7 kahdohnak ah SAC ralhrang 18 hrawng an thi. SAC ralhrang nih inn an bauh, thilri an fir i mei zong an khangh. November 8 kahdohnak ah ralhrang 10 hrawng an thi. Mindat lei in ralhrang nih miakpi in kah an bawmh hna.

November 9 kahdohnak ah ralhrang 7 hrawng an thi i November 10 zong ah meng 10 zawn ah CDF-Mindat nih bomb an puah hnawh hna i, ralhrang tampi hliam an pu. A thimi an um lak tiah an zumh.

Nihin November 9 Mindat-CDF le Ralhrang i kahdoh nak a ni sarih nak an peh tthan. Mindat-CDF lei hliamhma pu mi an um lo. Ralhrang lei khawnden nak a tam tiin theih asi.

Nihin i kahdoh nak hmun in mengtung pakhat hualham hrawng motor lam Cung ah siichunh nak, hma men nak le thi an hmuh hna. Tu zaan cu Meng 14 hrawng ah riah dawh an si. Khuachung zawng ah luh khawh an si. Kan zoh fel chuahmah lio asi tiah kan theih.

Nihin November 9 zaanlei 6:15 PM hrawng, Matupi in Mindat lei ah Kawl ralkap pawl motor 70 hrawng in an kal.
Lampi ah CDF-Mindat nih an rak phomh hna i a thi mi zat le hliamh mi zat belte a finag rih lo.

Pa khat te zong zuah hna hlah seh mi fir pawl hi CDF LE CNA Bawipa nih a kut cak in veng ko hna seh. Uico pawl hi thihnak lam lawng an kawl ko. Matupi le Mindat kar ah an thi dih te lai. Bawipa tei nak kan pe ko mu. Kanral kap hna him ko hna sih kan um Pi ko mu.

CDF – Mindat Cu Khuami Bak Nih Lai Meithal Bak In An Bawmh Cang Hna! Ral Tei Lo Awk A Tha Lo! Mindat-Matupi lam ah ninga chung Kahdoh nak aa peh. November6, zinglei 11:30AM hrawng ah Meng 31 a rak phan mi Ralhrang Motor cu CDF-Mindat nih an kah hna.

Cu kah nak ah cun Mipi le CDF-Mindat i bawmh in motor lam pawng ruah ti luan nak le thingkung cung in an bawh hna. Tu-Me(တူမီး) meithal in Ralhrang cu neihniam tein an kah hna. Ralhrang 8 hrawng an thi i hliamhma pu mi an tam.

Ralhrang nih kan hnu zarh chung Matupi lei an rat lio ah Khuami hna ngeih mi Sia an thah, an ei piak hna. Inn le a chung thilri an hrawh piak hna caah Mipi hna zawng nih lungtho ralttha tein an kah ve hna.

November 7, Zinglei 9:00AM – 10:00AM tiang Meng 26 hrawng ah CDF-MINDAT le Ralhrang Motor hmai ah ke in a kal mi Ralkap an i kap. Ralhrang lei 10 an thi i a hnu um mi Ralhrang Motor in Hriamngan, Tank le raltuk nak meithal hna in an kah ve hna caah athi mi Ralhrang sin in an hriam pawl lak khawh asi lo. CDF-MINDAT lei in pakhat a phei ah hliam a pu. Lungretheih asi lo.

November 7, Zaanlei 2:30PM hrawng zawng ah Ralhrang an kal nak hnu thli tein a zul tu CDF-MINDAT nih Meng 25 hrawng ah an kah tthan hna.

I kah nak Nazi 2 tluk a rauh hnu ah CDF-Mindat nih Hriamngan in an kah ve hna i Ralhrang 8 tluk an thi i hliamhma a pu mi an tam. CDF-MINDAT lei hliamhma tuar lo tein hnu an kir kho tthan.

Meng 31 hrawng lampawng ah Ralhrang ruak an phum tak mi hmuh asi. Ralhrang Motor chung ah Ralkap lawng siloin Palek le Meithat zung ah a ttuan mi zg an i tel tiin ruah asi.

Ni 2 chung ah CDF-Mindat nih Kawl ralkap 18 kahthah. November 6 le 7 (ni 2 chung) Mindat le Matupi kar kahdohnak ah khuami nih CDF-Mindat an bawmh hna i Kawl ralkap 18 an thah hna, tiah kan theih.

November 6 zinglei 11:30 AM kahdohnak ah khuami nih an kan bawmh i Kawl ralkap 8 hrawng an thi i hliamh mi an tam, tiah CDF-Mindat nih an thanh. November 7 zing Meng 26 hrawng ah lamlai ah kan i tong i kataza lamcung ah Kawl ralkap 10 kan hrilh hna, tiah an thanh.

November 6 lio Thantlang inn an kanghchap mi inn 8 a rak si, inn 191 khangh cang. Kawl ralkap (Ralhrang) nih November 6 lio zinglei 5:30 AM hrawng in Thantlang khua inn an khanghchap mi hi a dihlak ah inn 8 a rak si i nihin tiang an khangh mi dihlak inn 191 a si cang, tiah kan theih.

Inn a kaang mi le inn ngeitu hna hi; “TABC PCH (Ngaktah inn) 3, Pi Khen Cia (Thangaw khuami) inn, Pu Al Hai inn, Pu Thawng Hnin inn, Saya Chan Kar Lian inn, le Sayama Sui Iang inn tiin a dihlak inn 8 a si, tiah Pu Ram Khar nih a chim.

Hi inn a kaang mi hi Kawl ralkap nih bomb an puah/kahnak ruang a si i hi ni ah CNA in Salai Soe Lin Naing mual a liam i 2 an rak i hliam. Kawl ralkap lei in a thi mi le aa hliam mi an um le um lo nihin tiang CNA/CDF lei nih cathanh an chuah rih lo.

September 18 zaan ah Sianginm sang inn 19, October 29 ah inn 164 le November 6 ah inn 8 an khangh i a dihlak ah inn 191 a si cang.