Thayetchaung, Yange Khua Ah Hmunhma Khuar Ding In A Ra Mi SAC Ralkap Pawl Bomrap An Puah Hnawh Hna I 25 An Thi!
==========
Taninthary ramṭhen, Thayetchaung peng, Yange khua ah hmunhma khuar ding in a kal mi SAC ralkap pawl cu PDF phufonh nih voi 2 tiang bomrap an puah hnawh hna caah SAC ralkap 25 an thi, 5 an i hliam tiah Kasedo Company 3 sin in thawng theih a si.
A luancia August 24 zaanlei 5:00pm hrawng ah Kamyaing khua le Yange khua karlak ah thazang 100 leng SAC ralkap pawl cu PDF phufonh nih bomrap lung 6 in an puah hnawh hna i meithal zong in an kah chih hna tiah theih a si. Cubantuk in bomrap an puah hnawh hna caah SAC ralkap 15 hrawng an thi i tampi an i hliam tiah Kasedo Company 03 nih an chim.
PDF phufonh pawl nih an kah hna ruang ah a sung tuk mi SAC ralkap pawl cu August 25 zinglei sml 9:00am hrawng ah Yange khua, Mwe tlang ah hmunhma khuar ding in an rak kai ṭhan lio ah PDF phufonh pawl nih bomrap lung 7 in an puah hnawh ṭhan hna i 10 hrawng an thi, aa hliam mi zong an um tiah theih a si.
A thi mi SAC ralkap pawl ruak le hliam a tuar mi pawl cu Infantry 404 Battalion chung ah an kalpi hna tiah Kasedo Company 03 nih cun an langhter. Kahdohnak chung ah Kasedo Company C03, Kya Yaing Guerrilla phu, Kalonemin Guerrilla phu hna an i bawm i PDF phufonh pawl nih Dawei-Palaw lam ah hmunhma zohfelnak an tuah i SAC kuttang palek pawl Uniform a thar pawl an lak khawh i an khangh tiah theih a si.
Kyaukgyi le Pyu Kahdohnak Ah SAC Ralkap 4 An Thi. Bago ramṭhen, Kyaukgyi peng chung ah kahdohnak a chuak i SAC ralkap 3 an thi tiah NUG Ministry of Defense nih an thanh. August 25 zaan sml 8:45pm hrawng in 9:15pm tiang Kyaukgyi peng, Ohphyat hlei ni chuahlei cu PDF Special Commando Battalion 2, KNLA le Pah-Kah-Phah phufonh hna nih an kah hna i SAC ralkap 3 an thi.
Cun Bago ramṭhen, Phyu peng ah SAC ralkap pawl an umnak inn cu Drone in bom an thlak hnawh hna i SAC lei ralbawi 1 a thi tiah NUG nih cun an langhter. August 25 chun sml 1:35pm hrawng ah Phyu peng, Ohphyat khuate ah a um mi SAC ralkap pawl an umnak inn cu PDF, Special Commando Battalion Yoma Column 02 le KNLA phufonh hna nih Drone in 60MM bom an thlak hnawh hna caah ralbawi 1 a thi, 3 fak ngai in an i hliam tiah theih a si.
Sagaing Peng Khuate Pawl Ah A Lut Mi SAC Ralkap An Kah Hna. Sagaing ramṭhen, Sagaing peng chung ah a um mi khuate pawl ah a lut mi SAC ralkap pawl cu PDF pawl nih an kah hna tiah TKF-AMA nih thawng an thanh. August 19 thawk in Sagaing peng khuate pawl ah a lut mi SAC ralkap pawl cu August 21 chun sml 2:00pm hrawng ah Paukma khua pawng ah PDF pawl nih an kah hna tiah theih a si. Kahdohnak chung ah SAC ralkap 3 an thi i tampi an i hliam tiah theih a si.
Cun August 22 zaanlei sml 6:00pm luan hrawng ah Thannupon khua chung mipi thilri pawl a fir mi SAC ralkap pawl cu 60MM, 80MM in an kah hna tiah theih a si. Kahdohnak chung ah TKF-AMA, The Pentagram phu hna an i bawm tiah theih a si.
Sagaing Peng Khuate Pawl Ah A Lut Mi SAC Ralkap An Kah Hna. Sagaing ramṭhen, Sagaing peng chung ah a um mi khuate pawl ah a lut mi SAC ralkap pawl cu PDF pawl nih an kah hna tiah TKF-AMA nih thawng an thanh.
August 19 thawk in Sagaing peng khuate pawl ah a lut mi SAC ralkap pawl cu August 21 chun sml 2:00pm hrawng ah Paukma khua pawng ah PDF pawl nih an kah hna tiah theih a si. Kahdohnak chung ah SAC ralkap 3 an thi i tampi an i hliam tiah theih a si.
Cun August 22 zaanlei sml 6:00pm luan hrawng ah Thannupon khua chung mipi thilri pawl a fir mi SAC ralkap pawl cu 60MM, 80MM in an kah hna tiah theih a si. Kahdohnak chung ah TKF-AMA, The Pentagram phu hna an i bawm tiah theih a si.
Kanbalu, Ngamyaung Khua Pyithutsit Dirh An Timhnak Ah Minung 5 Thah An Tong. Sagaing ramṭhen, Kanbalu peng, Zikung khuakomh um Ngamyaung khua ah SAC ralkap Pyithutsit bu dirh an timh ruang ah August 27, zing ah pa 2 le nu 3 cu meithal in kah an tong tiah BBC Burmese nih a chim. “Ngamaung khua hi hlan ah Pyithutsit bu a um bal lo. SAC lei nih bu thar ser ding in timhtuahnak an ngei. Atu a thi mi hna hi zei bu nih an kah hna theih a si lo” tiah khuachung mi nih BBC ah an chim.
Kalaymyo Duwinchaung Buddhist Thlaanhmun Thianhlimnak An Tuah. Kalaymyo khuachung, Buddhist pawl ruakvuinak thlaanhmun thianhlimnak cu August 26 ni ah an tuah. Kalaymyo thlaanhmun ah biaknak dangdang a si mi, Buddhist, Christian, Muslim biaknak le biaknak dang pawl ruakvuinak thlaanhmun a um. Atu hi Buddhist biaknak pawl thlaanhmun thianhnak an tuah hi a si. Buddhist biaknak thlaanhmun cu thla dih lei zarhte ni paoh ah thianh a si thiah theih a si.
Mah thlaanhmun thianhnak ah pumpe in riantuanṭu hna thawhhlam (breakfast) le eidin zong mipi lei tangka chawva le pumbak in a hlu mi an um. Zatlang bu pawl hruainak in thlaanhmun thianhnak an tuah hi a si. Credit: The Chinland Post