Min Aung Hlaing Nih USD Zuar le Thlen In Sipuazi A tuah Cang.
Min Aung Hlaing Nih USD Zuar le Thlen In Sipuazi Atuah.
=========
Myanmar Center Bank nih USD an zuar. Amiak tampi an hmuh. Phungning Exchange Rate (Phaisa Thlen Ret) le Phungning lo Phaisa thlen ret tiah phun hnih aum. Suiman he aa khatmi, phaisa thlenret hi adikmi asi. Lenglei phaisa thlenret in MAH nih a zuar i a miak cu an i lak dih. USD thlenret hi cawkman le Zuarman tiah phun hnih aum. Zuarman 1$ = 2040 MMK asi ah Cawkman 1$=2850 MMK asi. Hi hmanh ah tampi miak khawh asi. Pumpak hlawknak le rampi phaisa khawmsuatnak caah, MAH nih a hmang.
USD man cu suiman he aakhat. Aman i tuak ahcun: 1$ le 100$ hi aakhat. Vok Ar bamtukin zuar sisehlaw, 1$ le 1000$ man aa tluk. Kawlram phaisa tlap cu man a ngeihlo. Mipi sinin, USD hmuhnak le Mipi ngeihchia chawva chutnak caah Kawl Cozah nih, an hmangmi asi. Fektertu ah Banks phun phun an tuah cio mi hi asi. Tangka thlennak riantuan hi USD thlenin a miak a kawlmi Sipuazi tama ansi. Bank hmete ti khawh asi. Cucaah Cozah sinah phung ning tein Ngunkhuai pek hrim hrim aherh. Wave money riantuan tu zong.
Bank vialte, Wave Money riatuantu vialte, Phaisa thlenrian tuantu vialte nih Cozah sinah Ngunkhuai an pek dih. Nain MAH le Salai Lungthlitum cu Tax pekbak loin Dollar an thlen i Money transfer rian antuan. Baibol um Zakia kha ansiko. USA le Nitlakram ahcun Ngunkhuai a peklo mi cu misual le mithalo cazin ah an khumh hna. Mi firkhut anti hna.
Rampi titsa phaoh hmuh le Rampi zuarthlainak case in tazacuai, thongthlak, dantat hnu ah an ngeihchia vialte chut dih ansi. Kawlram ah Ngunkhuai pek loin arum mi hi MAH le Salai Lungthlitum hi ansi. Ram buaibai lio ah Money Transfer Agent sihi a miak tampi hmuh asi caah cu minung hna chrukhat nih Ralkap ah an tanh kha asi. MAH le Rallokap tanh kha an kan theih sual lai tiah, CDF, CNA thangchiat mualpho le mipi thazang der ternak in, an i lak hi asiko.
Ralhrang Dohin A Cihmih Awk Ah Nai Telve Maw? Winston Churchill: Ralhrang Hitler Doh awk ah Satan he hmanh kan tanh ti ko lai. Pu Laldenga: Ka Inn meikangh mi hmit awk ah Ti thur, Ti Nawi zong ka hmang chih ko lai. Ralhrang MAH le Rallokap Doh: Mikip kan kokek rian asi. Kawlvai, Kala, Zomi, Mizo, Mara tbk he dohti khawh lonak lam aum lo. CNA, CNDF, CDF – Senthang, CDF – KKG, PDF, YDF, tbk he dohti khawh lonak lam zeidah aum?
CNA, CDFs he a tanh tti khawh lo mi: ZRA le Mara Army hi zeilamdah an zulh hnga? Jesuh dang le Khrih dang caah maw ram an khel? Pumpak le Party pawl hi tah? Winston Churchill cu Hitler thlakin Cihmih kha a hmuitinh asi. PDF cu MAH le Rallokap thlakin cihmih kha a hmuitinh bik asi ve. Democracy an i za, Kawldan Federal tiang lawng.
CNA, CNDF, CDFs, Chin PDF hmuitinh bik cu: Mah tein khuakhan Lairelnak le Zalennak a hlei in aatel. Chinram le Chin Miphun Duhdimnun le Damnak tlamtlin aa thilh chih. Lucifer Satan hmanh nih Saya a ti ding mi, Khawchia hmanh nih Ka Bawipa le ka kawi le hna ati mi, Ralhrang MAH le Rallokap ansi.
Nannih nih CNA, CNDF, CDF soisel le thangchiat lawng lawng na rianh i naa timh mi hi; MAH nakin tihnung deuh nasi ko lo maw? Ralhrang pennak thlak awk ah Satan zong sawmh asi i, ti nawi le tithur zong kan hmang hna nak lakah, nangnih CNA, CNDF, CDF ah na tanh duhlo mi hi, ka dik ko na ti rih ko maw? Chinram dam tertu siloin, Chinram zawtnak Rungrul le rai chiathru, Chin Virus bak nasi ko. CNA, CNDF, CDF nak in cun, nai za khawh deuh men. Winston Churchill le Laldenga tlukcun; na fim lo hrim hrim. Credit: Joseph R. Thang