Min Aung Hlaing nih thimnak an tuah dingmi hi kan cohlang lai lo!

SAC Nih Thimnak An Tuah Dingmi Kan Cohlang Lai Lo – Malaysia!
========
SAC nih a ra laimi thimnak tuah an timhmi hi kan cohlang hrimhrim lai lo, tiah Malaysia ramdang minister Saifuddin Abdullah nih a chim. Thimnak he aa pehtlaimi upadi vialte SAC nih an remhmi hi hramhram in an remhmi a si i, mi zeihmanh nih an fehter lomi a si caah kan cohlang lai lo, tiah a chim.

“A luancia Myanmar thimnak kha cu a za longmi le a dikfelmi thimnak a si. Vawleipi nih a cohlanmi zong a si. SAC nih thimnak tuah an timhmi hi cu upadi he aa kalhmi a si caah kan cohlang lai lo, tiah online in thawngpang fianternak tuah lioah atu bantukin a chim.

A luancia thimnak lioah Democracy a dirpi hna nih teinak an hmuh ko nain Hluttaw tonpumhnak an ngeih hlan ah SAC nih nawlngeihnak an lak. Cucaah SAC nih thimnak tuah an timhmi hi Malaysia le ASEAN nih cohlan dingah a si kho lomi thil a si pinah tlukruannak a um lomi a si, tiah Malaysia minister Saifuddin Abdullah nih cun a chim.

Indonesia ram Bali tikulh ah tuah dingmi ram ngan 20 (G-20) lutlai upa hna tonhpumhnak ah a kai ve dingmi UN General Secretary António Guterres he zong online in Myanmar ram kong ceihmainak kan ngei, tiah Saifuddin Abdullah nih a langhter. Myanmar rammi har tongmi hna hi vawleicung ramkip nih bawmhchanh an i timh ko nain SAC nih an cohlan lonak kong zong Malaysia minister Saifuddin Abdullah nih thawnglatu pawl sinah a chim chih.

Myanmar Buainak Kong Kan Tlangtlak Kho Hna Lo – UN General Secretary. Myanmar buainak kong he pehtlai in vawleicung ramkip le UN nih remhdaih khawhnak dingah kan tlangtlak kho hna lo, tiah a luancia November 13, Cambodia ram ah tuahmi ASEAN lutlai upa tonpumhnak ah UN General Secretary Antonio Guterres nih a chim.

Myanmar rammi hna cu a fak bikmi harnak nih a den hnanak kong le SAC nih thong an thlakmi hna zong a rannak in chuah ding le hramhram in SAC nih thil an tuahmi ngol ding zong UN General Secretary Antonio nih a chim. A ra laimi ASEAN Chairman a ṭuan dingmi ram cu Indonesia an si lai i anmah nih Myanmar ram kong ah biatak thlak in thil an tuah lainak kong a zumhnak zong UN General Secretary Antonio nih a chim chih.

Myanmar ram kong tawlreltu UN palai le ASEAN ram kong tawlreltu Myanmar palai he i bawm in Myanmar ram Democracy co ṭhan khawhnak ding ah fak piin kan i zuam lai, tiah UN General Secretary Antonio nih cun a langhter. US President Joe Biden zong nih Myanmar ram Democracy hmuh ṭhan khawhnak ding ca ah fak piin kaa zuam lai i, ASEAN nih biahren an chiahmi phung hi SAC nih an zulh awk a si, tiah a forhfial hna.

ASEAN nih biahren an chiahmi 5 cu SAC nih kum khat le a cheu chungah pakhat hmanh a zulh lo caah SAC nih ASEAN biahren a zulh ṭhannak ding ah caan ri khiahpiak in ASEAN hruaitu hna nih bia an chah, tiah theih a si. SAC nih cun Myanmar ram kong ah ASEAN cu zeihmanh i thlak lo ding in cathanh an chuah.

Daw Suukyi nih ka Fapa kha Politics ah rak lut ter hlah uh ati. NLD kongah a holh cang. Avawi 40th-41st ASEAN Summit cu November 12-14,22 tiang Cambodia Khuapi PhnomPenah an tuahi UN Secretary General Antonio Guteres, US President Joe Biden, China President Xi pin ah Vawleicung hruaitu zeimawzet nih an rak tel pi dih ngawt. Cu pinah Euro’s, Japan, Australia, S. Korea le India in President le Vice President tiang in an rak i tel dih.

Tu ASEAN Meets dih in G-20 Meeting cu Indonesia ram Bali Tikulh ah an peh tha’n dih hnu’in APEC Submit Thailand Khuapi Bangkok ah an peh cawlh tha’n lai hi, hi APEC Meet ah cun US Vice President Kamala Harris nih a telpi ve lai. US President le Vice – President hi a rualin hmunkhat ah khualtlawn sianh an si lo.(acciendent hmunkhat ah an ton sual lai ti’ah khap an si). Cu dihin Malaysia ah Thimnak an tuah ve lai i, FM Saifuddin hi tling dawh asi ti lo. PM hlun Mahathira Party lei pawl tlin dawh ngai an si.(19 November 2022)

Tutan UN Secy-General Guterres nih SAC Min -AungHliang Ralkap Cozah cu Myanmar Mipi bia ngai’in Democracy pek tha’n dingin a nawl tha’n hna’in, biatak thlakin zeihmanh a chim duh loh. ASEAN hruaitu pawl nih zohthannak Review tuahmi ah Points-6,7,8 an chap tha’n i, 6-7;-ASEAN i 5′ PC’s cu a Caan chung bi’thliah nak tuah tha’n ding.

No. 8 ;- A herhning bantuk in ASEAN nih a ho Politics Pawl(Stakeholders) he a pehtlai mi poh chawnhkhawhnak an tuah kho.(Flexible timi biafang an hmang) (Mah hi NLD, CRPH, NUCC + NUG le a dang an ti duh nak). Mah hi a ra laimi ASEAN Chair a si dingmi Indonesia Foreign Minister Ms.Masudi(Suukyi hawi Nu) Envoy thar hruaimi Foreign Ministers pawl nih an ceih khan tha’n te lai. Cu le cangka’ in Ralkap SAC lei ‘in Foreign Ministry nih cun ASEAN Biachahnak cu kan co-hlang kho loh ti’ ah Statement an chuah ve colh. Amah bel te cu Myanmar SAC Ralkap Cozah cu ASEAN chung tel ah pawm rih an si an ti hoi.

Nyphydaw Ralbawi le Sihni(Lawyers) sinin bia theihmi ah Daw Aungsan Suukyi nih cun, Kei mah nawl lo’in a ho hmanhnih NLD kongah thil/ rian nan tuah kho lo. NLD i. EC le CEC nih bia -ceihnak an tuah hnu’ah Keimah ruahnak an rak lak hnu lawng lawngah NLD Party tuahmi asi lai ati i, SAC le Election Commission sinin Keimah nawl lo’in zei Caa-bia hmanh nan lak/put lai lo ti’in a chim. Cun, zangfahnak in ka Fapa dawt te ThinLin Aungsan( ThinLin min hi General Aung san hngakchia lio min asi).Ramleng lei’ah SAC Cozah dohnak duhlonak lamzawhnak ti bantuk ah rak tel ter hlah uh. Myanmar Politics ah luh ter ka siang lo. Keimah tu hi aherhning bantuk in ka thih tiang karak tuar ko lai ti’ah a chim chih.

A Tapa Aungsan Oo nih a hawi Nu sinin Caa a kuatmi chungah Myanmar Ralkap le an Ralbawi thinlung chungril tak tak a thei/fiang lo ti’ah a chimmi cu, ka theih ko. Amah bantuk Mi ralchia ka si lo. Cuca’ah ka Fapa dawt te hi Kei mah bantukin a tuar ve sual lai ti hi ka thinlung a Phang bikmi asi ti’ah bia a cah hna.

Daw Suu -kyi hi Nyphydaw Jail Thonginnpi ah Newspaper (Thawngzamh Caa) ” Myamah Allin” hi an pek i, a rel tawn ve ti’ah theih asi. Kum 2023 Thlathar thawkka hrawngah a Case’s vialte SAC nih dih ter an timh ti’ah min chim duh loh mi chunglei in thawngpang a thang fawn. Za rih seh.

UN le ASEAN hi ruah ning in, kawlram kong ah An um loh. Cun, Dr. Maha thir hi Malay sia ah cun, Amak ko. Malay sia Politician pawl hi, Lente Acelh pi khoh bak ko hna. Daw Suh hi Rohingya buaibai hnu cun, UN le Vawleicung pi nih an zohning a dang deuh ko rua ka ti ve.. Si Dr. Mahathira cu an rak tluk lo deuh ko rua hih..na theih tak tak!

DSSK 2023 ah a cases vial te dih ter an timh ti mi thawng cu zei ti lei dih ter dah si dawh asi? A cases an bunh piak mi thah piak maw si,a cases vial te a dih dongh nak in bia chah an timh bia deuh dah? An ceih cuahmah mi Cases pawl dih donghnak an timh i, cu hnu lawngah MAH nih Midang Dignify Personals pawl he hmuhtonhnak kan pek te lai an ti. Sina’in 2023 Election dih hnu lawng lawngah Thonginn cun a chuah te kan zumh cio ko hi teh.

US MID-TERM THIMNAK AH REPUBLICAN AN CAK. Chinmi Dr.Hremang zong atling ve. US Midterm thimnak cu Vote an rel dih deng mang cang i, Donald Trump lei Republican party lei nih Senate ah MP-49 le President lei Joe Biden Democratic Party nih MP-48 an lak ve i, Majority-50 dingin Republican nih MP-1 lawngte an duh cang.House Representatives ah Rep- 208 le Dem-188 an hmuh ve.majority dingah MP-218 asi. (a tu ka tial lio ah R-210, Dem-200).a tu hi Arizona le Nevada ah Vote an rel cuahmah liopi asi rih.

President Biden hruaimi Democratic Cozah hi Kum-2 an Cozah chungah Petrol Oil le Thil man (Inflation)vantawngin a kai pinah i kah/ i thah nawnnak tamtuk a chuak ca’ah US Mipi an hna bei a dawng ngai ca’ah 2024 Thimnak ah cun, an tlak zumh asi cang.

Cuca’ah Donald Trump a huat tak takmi House Speaker Nancy Pelosi cu thlak asi lai ti’ah Republican Minority leader Kevin Mc Carthy nih Mipi sinah a phuan i, amah hi House Speaker thar sidingah President Joe Biden Asia a tlawnnak in Phone he an i chawn cang. thaizing lei cun thawngpang fiang te’in theih khawh asi cang theu lai.Tutan ah hin US House Representative Seats- 435 , Senate Seat – 35 le Governor le State Secretary Seat-39 ah Thimnak an nei lai.

US Politics hi theih a hau ca’ah tlawmpal kan van chim lai. President hi direct in thim asi i, Republican le Democratic Party lei’in a teimi poh nih President Kum-4 an tuan kho. Amah belte House of Representatives(US Congress) hi Kum-5 chung MP term asi ca’ah le Senate zong State Pakhat le Pakhat karlak an thim caan a bang tawn lo ca’ah, US President an thim hnu Kum-2 da’nah a chuak ding le a thar Thim tha’nnak Midterm Election an tuahnak asi.

Hi ca’ah hin US ah President lawngnih nawl a neih thlu kho lonak dingin Constitution an siam nak a sullam bik cu asi. President nih hin amah nawl lawng te’in Poisa bawmhnak/hman nak nawl a ngei thlu kho lo i, US Congress i House Representative le Senate nih an pom piak hnu lawngah hmankhawhnak a ngei kho.

Tutan ah Republican nih US Congress pi kan Control khawh ah cun, President Biden nih Ukraine Ralthuam le Poisa a bomhnak pawl hi hlethlai nak kan tuah lai ti’ah Florida Governor le Mc Carthy nih an chim cang. Tutan US Midterm Thimnak ah Local Uknak/ Community Government thimnak ah kan Chin mi in Dr Rev. Hremang nih Indiana Polis,Perry Township Community School Board Member ah a cuh ve i, Mirang le Chinmi Vote nei mi nih an thim ve..kan lunglawmhpi tak tak.

Amah hi Falam mi asi i, Mandalay University ah a rak kai hnu 8888 buai hnu’in CNF/A ah bawi arak tuan hnu’ah Delhi ah CRC, CNC, CSU zongah hruaitu saupi a kan tuan piak pinah Grace Bible College Delhi in MTh a dih hnu, Scholarship in Indiana Polis University ah BA ( Pol.Science) a dih hnu’ Bible lei Doctorate Phd degree a lak tha’n mi asi i, Mitha, mifel Pathian ttihzah ngai mi Zuu adin ka thei bel bak lo mi asi. Credit: MC Biklian

Nutung Muidawh Zuamnak Ah Chin Nu Sarah Boih Nih Laksawng Phun Li A Co. Mandalay ah nutung muidawh zuamnak tuahmi, Mrs Grand International 2022 ah Chin nu Sarah Boih nih nizan November 14 zan ah laksawng phun li a co, tiah theih a si.

Sarah Boih nih laksawng a comi hna cu: (1) Mrs. Grand International Standard Winner, (2) Mrs. Friendship Award, (3) Mrs. Popularity Award, (4) Mrs. Best Talent Award hna an si.

Mrs Grand International 2022 zuamnak Winner laksawng cu Vietnam ram aiawh in aa zuammi nu nih a co i, nutung muidawh zuamnak ah ram 30 an i tel, tiah theih a si. Sarah Boih cu fanu pathum a ngeimi a si i a fanu pathum le a vapa he Yangon ah khua a sami an si.