SAC Nih Russia Bawmhnak He Satellite Thlah Ve Dingin Timhtuahnak A Ngei
==========
Myanmar nih amah tein Satellite a thlah khawh nakding ah Russia le SAC cu hnatlaknak an ngei cang, a rauh hlan ah thlah khawh a si cang lai, tiah SAC zung rianṭuantu pakhat nih BBC ah a chim.
Myanmar ram nih 2016 May thla lioah pehtlaihnak Satellite Myanmar Sat – 1 cu a rak thlah. 2019 kum ah a ṭha deuhmi Myanmar Sat-2 zong a rak thlah ṭhan, tiah SAC nih an rak langhter.
Myanmar Sat-2 ca ah International Telecommunications Satellite Organization nih an thlah hnga ding Intelsat 39, Myanmar Sat -2 cu dollar 155.7million in Myanmar nih a cheubang in a cawk, tiah Ministry of Communications nih an rak thanh.
Satellite cawknak kong ah SAC lei nih thawngthanhnak an tuahmi a um lo nain, 2022 kum i Min Aung Hlaing Russia a tlawn lio ah Satellite thlahnak hmun, Vostochny Cosmodrome cu a va zoh i Myanmar nih Satellite cawk a timhnak kong cu Russia nih an langhter. SAC nih Russia bawmhnak thawng in Nuclear sehzung zong sak dingin timhtuahnak a ngeih i cu kong cu khoika hmanh ah an chimphuang duh lo, tiah BBC nih a ṭial.
Pauk Peng, Yepya Khua Ah A Um Mi Gate Kahdohnak Ah Palek 1 A Thi, Meithal Zuun 1 An Lak Khawh. Magway ramṭhen, Pauk peng, Yepya khuate ah a um mi SAC ralkap gate an kah hna i palek 1 a thi, meithal zuun 1 an lak khawh tiah Anonymous Special Task Force nih thawng an thanh. August 22 zinglei ah Yepya khua ah a um mi SAC ralkap gate cu dothlennak phu pawl nih Naungyoe Operation min in, a naih tein an kah hna i palek 1 thi, G3 zuun 1, kuan 171 le kahdohnak thilri an lak khawh tiah theih a si.
Kahdohnak chung ah palek pawl an zaam i PDF chungtel pawl nih an dawi len hna nain kahdohnak a caan a rauh tuk cang ruang ah an kir ṭhan tiah theih a si. Kahdohnak chung ah ASFTF (Pauk), NPRF, Fire Revolution Group, Pakokku peng Guerrilla phu, Justic Fighter le adang phu tampi bawm in SAC ralkap gate an kah hi a si.
Pauk Peng, Yepya Khua Ah A Um Mi Gate Kahdohnak Ah Palek 1 A Thi, Meithal Zuun 1 An Lak Khawh. Magway ramṭhen, Pauk peng, Yepya khuate ah a um mi SAC ralkap gate an kah hna i palek 1 a thi, meithal zuun 1 an lak khawh tiah Anonymous Special Task Force nih thawng an thanh.
August 22 zinglei ah Yepya khua ah a um mi SAC ralkap gate cu dothlennak phu pawl nih Naungyoe Operation min in, a naih tein an kah hna i palek 1 thi, G3 zuun 1, kuan 171 le kahdohnak thilri an lak khawh tiah theih a si.
Kahdohnak chung ah palek pawl an zaam i PDF chungtel pawl nih an dawi len hna nain kahdohnak a caan a rauh tuk cang ruang ah an kir ṭhan tiah theih a si. Kahdohnak chung ah ASFTF (Pauk), NPRF, Fire Revolution Group, Pakokku peng Guerrilla phu, Justic Fighter le adang phu tampi bawm in SAC ralkap gate an kah hi a si.
Yesagyo Peng, Kyaukhleka khua Kahdohnak Ah SAC Ralkap 3 An Thi. Magway ramṭhen, Yesagyo peng, Kyaukhleka khua ah a um mi SAC ralkap gate an kah hna i SAC ralkap 3 an thi tiah Shwe Nyar Myae PDF nih thawng an thanh. August 18 zaan sml 9:45pm hrawng ah Yesagyo peng, Kyaukhleka khua ah a um mi SAC ralkap gate cu dothlennak phu pawl nih an kah hna hi a si.
PDF phu pawl nih gate cu a naih tein an kah hna hi a si i kahdohnak chung ah SAC ralkap 3 an thi tiah an thanh. Kahdohnak ah Shwe Nyar Myae PDF, Yesagyo Revolution Group (YRG), Southern YSO (PDF) le Daung Nyinaung hna an i bawm tiah theih a si.
Yange Khua Pura Tlang Ah A Um Mi SAC Ralkap Sakhaan PDF Nih An Kangh. Taninthary ramṭhen, Dawei pengkomh, Thayatchaung peng, Yange khua pura tlang ah hmunhma a khuar mi SAC ralkap nih an kaltak mi sakhaan cu PDF pawl nih an khangh tiah theih a si.
August 20 zaan sml 9:15pm hrawng ah cu pura tlang ah SAC ralkap 60 hrawng nih hmunhma an khuarnak kaltak in Sungsinpya khua meithat zung ah an i ṭhial caah cu an kaltak mi hmunhma cu PDF pawl nih an khangh hi a si. Sakhaan an khangh hnik lio ah 60MM lung 7, le Uniform pawl an lak khawh tiah theih a si.
Kawkareik Peng Le Kyainseikgyi Peng Kahdohnak Ah SAC Ralkap 10 An Thi. Karen ram, Kawkareik peng le Kyainseikgyi peng ah SAC ralkap le PDF hna karlak ah kahdohnak a chuak i SAC chungtel 10 an thi tiah NUG Ministry of Defense nih a thanh. A luancia August 15 ah Kyainseikgyi peng, Tankhundai khuate ah a um mi palek sakhaan cu PDF pawl nih an kah hna i SAC chungtel 4 an thi tiah a langhter.
Kahdohnak ah PDF, Naga Ni phu le KNLA hna an i bawm tiah theih a si. Cubantuk in August 16 ah Kawkareik peng, Yuathitkone le Kyaukpon khua ah SAC ralkap le PDF pawl an i kap i SAC ralkap lei 6 an thi 3 an i hliam tiah NUG MOD nih a langhter. August 16 zinglei sml 8:00am in 9:00am tiang sml 1 hrawng kahdohnak a chuah hi a si i PDF phufonh lei an him tiah an thanh.
Kawkareik Peng Kahdohnak Ah SAC Ralkap 6 An Thi. Karen ram, Kawkareik peng ah kahdohnak a chuak i SAC ralkap 6 an thi tiah NUG Ministry of Defense nih a thanh. August 16 zinglei sml 8:00am in 9:00am tiang Kawkareik peng, Yuathitkone le Kyaukpon khua karlak ah SAC ralkap le Kya Phyu Column hna karlak ah kahdohnak a chuah hi a si. Kahdohnak chung ah SAC lei 6 an thi i 3 an i hliam, Kya Phyu Column lei him tein an kir kho tiah an langhter.
Kani Peng Ni 3 Chung Kahdohnak Ah SAC Lei A Thi Mi An Tam. Sagaing ramṭhen, Kani peng ah a cang mi ni 3 chung kahdohnak ah SAC ralkap a thi mi an tam tiah Monywa Under Guerrilla Force (MUGF) Local PDF nih thawng an thanh. August 18 zaanlei sml 5:00pm hrawng thawk in Kani peng, Nwachankone khuate ah hmunhma a khuar mi SAC ralkap pawl le dothlennak phu pawl karlak ah kahdohnak a chuak i SAC nih thing phorh an duh caah Nwachankone khua ah hmunhma an khuarnak hi a si tiah theih a si.
Kahdohnak hi August 20 zaan sml 10:00pm hrawng ah a dai i SAC ralkap aa hliam mi an tam leng ah kahdohnak chung ah SAC ralkap nih Banbwe pyusawthi khua ah thazang chap ding in an kal lio ah dothlennak phu pawl nih an kah hna hi a si. Kahdohnak chung ah MUGF le a hawikom phu pawl bawm in SAC ralkap an kah hna hi a si i SAC ralkap ruak 1 le thilri cheukhat an lak khawh tiah theih a si. Credit: The Chinland Post