Min Aung Hlaing nih Namchanh in NCA a tuah ahcun, CDF, PDF le NUG a sawm bak hna lailo!

2022 Ramkhel Thlihran Ningcang Cuanh Chungnak:PG (81)
==========
MAH nih aa timh mi Politic Lamthluan tuin zoh dingah kansawm hna. Tutan Boruak ah Ramkhel fidi ah cohlan chung ko usih. 2022 cu Dindaihnak (PEACE) in kankal lai tiah MAH nih a thanh cang. NUG nih “2022 cu MAH le Rallokap kan thluk cikcek kum asi lai. MAH, Rallokap le Ralhrang Pennak, an cihmih kum asi lai” tiah an thanh ve. NUG nih EAOs he pumkhat si aa zuam.

Dr. Sa Sa chimhmi Federal Army belte, NUG kaa chungin a chuak bak ve lo. Salai. Bawi Lian Mang he Credit i cuh lai an phang caah asi khawh men. CDF, PDF zong timhcia le stand by an si cang. NUG nih CDF, PDF thlahlawh an pe cang lai; Hriam phuntling zong an bawmh cuahmah lio i; bawmh rih an i timh fawn. Ram dang um Samaria Miṭha Chin Unau rual nih, CDF cu an bawmh rih lai; mah le pengtlang cio in, CDF thazang ṭhawn ter chin asirih lai. MAH nih China, Russia, Ukraine le India ah hriamnam a cawk thluahmah rih lai.

Paucan Dothlennak hi phun (4) ah ṭhen asi. (1) Community Strike timi Mipi Dothlennak (Mipi Sandah piah, Ngunkhuai peklo, SAC Cozah he I pehtlai lo, SAC tender ṭuanlo); (2) CDM Dothlennak (Cozah zung kailo, SAC ah rian sawklo); (3) Leigitimacy Strike timi Cozah ah Cohlan Dothlennak (SAC Sipuazi phih dih cikcek tbk); (4) Armforces Strike timi Hriam Dothlennak.

Mipi, Cozah rianṭuan mi, GZ mino nih Kanrian kan lim cikcek cang. NUG hi cozah cohlan timi ah hlawh a tlin nain, SAC Sipuazi phihkarh le CDF, PDF Hriamnam bawmh ah, EAOs hmunkhat siter ah, CDF, PDF nih tempo aarual bak in voi voi khat ah namh in cawlcanghnak, tbk ah a hlawhtlin rihlo. MAH le Rallokap Cozah hi a lamkip in an sung dih ngawt cang. Cucaah lamdang in Mipi tei an kan zuam cang. Upadi in tlaihrem in thah; Ṭhatein mipi ukkhawh; Ṭhencheuh ter timi Tactics an hmang cang.

Cu vialte hlawhtlin tertu ah Anawratha Operation, Sinphiosin Operation, Alaungphaza Operation tiah min pekin, Mipi cu Ramdangmi hna btkin chuahhnawh le thahnawn in an kan hrem cang. Hmuhmi poah poah thah, tlaihrem, fir, meiduah, khua Ṭhial ter, tbk Tactics cu an hmang. Hriam phuntling, Motor tampi, Tanks, RPG, Launchers, Sniper, Jet Fighters, Helicopter, Tilawng tbk lawng in Mipi le Kan Ralkap cu kah kansi cang. AK47,M16, tbk meithal a hmang bak tilo.

MAH nih Dindaihnak in kakal lai ati mi hi amah pennak chansauter duh ah asi. Cambodia PM kawlram arat cu; Acan dihhlan ah amah Husen minthang, MAH ASEAN meeting kai ter ve, ASEAN Special Envoy thar he I kawp in PEACE TALK tuah, tbk hmuitinh he asibik. Mipi Democracy ah kirṭhan tinak asilo I, Federal Democracy le Annasin thlaknak caah asi hrim. Rallokap phung Democracy in Kawlram Daihnak kawlhawl kha HUSEN I hmuitinh asi.

DASSK, NUG, EAOs, Tlangcung Party, CDF, PDF tbk he PEACE TALK tuahnakin, Federal Democracy ah kalding mi planning aatel lo. Hlanchan NCA kha nunter aduh bia asi. NCA ah aatel lomi, AA, KIA, TNLA, MNDAA tbk caah Bilateral Agreement in kal aduh. NCA cu amah MAH pumpak nih a hrawk dih cikcek cang tiah, KNU Luber Pado Saw Mutuse nih ati. Cucaah NCA lamthluan in Dindaihnak kawl hi sikhawh dawh asilo. MAH nih Namchanh in NCA a tuah ahcun, CDF, PDF le NUG a sawm bak hna lailo. MAH he hnathlaknak sen a thuhmi NLD party pawl lawng asawm hna men lai.

NCA cu hramhram in tuah, cu hnu ah thimhnak tuah; USDP teiter; amah MAH nih Tamada asiloah State Chancellor a ṭuan lai i; kum 5 kawlram a uk lai, PR phung thimhnak an hmang ahcun, party pakhat nih teinak hmuh in cozah sikhawh lomi lamthluan le Dundan asilai. NLD cu a hrawklo zong ah a poi tilo. DASSK zong a thlah fawn lai. Achan cu: Party pakhat lawng nih cozah ser khawh lomi Dundan le Mumal kha PR phung ti asi.

Cuti asikhawh rihlo ahcun DASSK kha a sualnak an ngaihthiam lai I, thiam a co ter lai, NUG – CDF – PDF – EAOs kha a lemsoi ter hna lai. Dindeihnak caan a umbakin thimhnak a tuah lai. DASSK le NLD caah “အရင်တစ်ခါ နေလာခဲ့တဲ့ ဘဝကို ပြန်နေချင် သေးတယ်” timi an thlacamnak a tling lai nain; Tlangcungmi caah thihnak sivai chia asi te lai. EAOs, CDF, CNF, Tlangcungmi PDFs nih an duh lailo ti cu a fiang ko.

NUG, EAOs, CDF, PDF nih MAH I PEACE TALK PROCESS cu cohlan loin, Hriam dothlennak kan peh rih ahcun; MAH zong nih Raldohnak a pehzulh ve ahcun; Hriamnam Ṭha Ṭha le Hriam phungtling a cawk rih ahcun; NUG nih CDF, PDF cu MAH le Rallokap thluk khotu Hriamnam an bawmh khawh ve lo ahcun; Ahohmanh TEITU si ve ve loin; 2022 chung cu Raltuk kum, asi cang lai; Tulio btkin, thil a kal thluahmah lai caah; Dothlennak can hi a chan asau ngai ngai lai. Kan i ruahchan mi nithla nakin, Paucan Dothlennak a chan asau lai.

NUG le CDF, PDF, CNF/CNA le EAOs nih Ral Teitu si awk ah a herh bikbik vialte khawmsuat a herh btkin, a inntuar bik ding mi mipi zong nih Himnak, i dawrchungnak, Eidin Tirawl, Sii ai, hnipuan le adang kan herhbik ding vialte cu i zalh cia, khawmsuat cia ah a ṭha lai. A tlawmbik kumkhat nguh ding in, timhcia tein, atu bakin thawkin, khawsuat cia a herh hnga? Athihloh mi, rawlṭam tihal mi, zawtfah thihloh mi kan tlawm deuhnak hnga; a herh lo ah zatlak puicimhnak kan tawnlo nak hnga, mei inn le zinan rawnh cia in, timhcia tein, ralrin tein, kan um zungzal nak lai, a biapit ngai ngai.

Pathian a cawlcangh ve lo ahcun, Pathian nih Ral an kan tei piaklo ahcun; TEITU um ve ve lo hi, zatuak (%) in asikhawh bik mi asi. Cucaah Chin mi vialte kan thawchuah hi Pathian sin thlacamnak asi a herh i, rawlulh thlacam caan a tam a herh fawn (Pumpak, Chungkhar, krifabu, pengtlang bu, Vawleipi huap tbkin). Pathian Ralteinak tuin TEINAK hmuhco ding hi, kawlram Politic kaldan le thil sining cungah hngatin, tuak ahcun; alam atam bik asiko. Na ei khawh cu si hnga maw? Credit: Saya H. Rung Kaw