Min Aung Hlaing nih Chinram le Chin Miphun cu an kan zuang (chuah) hnawh cang!

Hriam Hmang Theng Loin Ralteinak Phun Hnih: PG79
==========
MEITHAL LE KUANFANG PUAK LEM LOIN KANRAL HNA ABUPI IN THAHNAWN DIH (TACTIC) NINGCANG PHUN HNIH ASI. 1nk cu Kanmah tuah ding asi. 2nk cu Cunglei in ara mi Pathian bawmhnak asi.

Kanral hi an thazang a ṭhawn saling lio ah namh ah cun tei lo an fawite. Hriamnam, fimnak, thilri ngeih zat le a minung ah thazang kan tluk hna lo ahcun, ral sungh a fawite. An thazang der ter in, an thazang dernak kawl in, namh ahcun, fawi tein tei an si tawn. Tcnk: Khuapi tlangval vialte nih kan kanh (Hruai) khawh lomi Saṭil (Kikawng) cu ramlak ah, thingkung ah kan hren tawn. Rawlṭam tihal in ni (3) le zan (3) kan chiah hmasat hna. Cu hnu ah, Hri ṭem in hruai hmanh a herh tilo. Ngakchia nih an hruai khawh cang. Hnu lei in zulh in a mah tein a kal cang.

Hriamtling, Hriam ṭhabik, Ralkap thazang ṭhabik, a sualbik ralbawi le ralkap (Tatma 99, 33, 77), (Kalay Chin Mino thattu hna), Zangfahnak le thlachiat ruahnak a ngeih bak lomi Rallokap phu le an ralbawi hna, Kawl Ralkap tuanbia ah a um ballo mi, ralkap thazang he, Ramdang Ram pakhat le Miphun dang hna va doh in Cihmih awk btkin MAH nih Chinram le Chin Miphun cu an kan zuang (chuah) hnawh cang. Thazang tlung tukin le Ṭhawntuk palia in, an kan pawnchuah lio asi caah, faktukin kan doh hna lo hi Pathian Planning asiko. Andoh lo ee, an kah lo ee, ti duh hlah usih.

Hi tlukin kan derhonh khawh lai hmanh ka zumh lo nain, Chin Pasal ciammam, an pasal bak ko. Lampi bak ah bomb puak hnawh in thahpet kha duh cio mi asi. Kan sining le kan thazang cuaithlai ah aritzang aadan tuk palia. CNA/ CDF silo, adang nih, an kap/ kah/ doh ngam lai ka zumh bak lo te aw? Pasal vialte lakah PASAL ansi bak ko. A Pachuak kip ngamhci silo dakaw!

Chinram/ Chin Khuapi hna/ Hakha tbk a lut ding vialte lut hmasat phawt thluahmah ko hna seh. Nimtlau tbkin, Lam tanṭim ah hnahnawh lurit le buaibai ter i, thahnawn pah ah aza rihko. Clearance le Territory Influence (Hmunhma hip) nak caah, Falam – Hakha zong i chawk rih ko hna seh. An i rello kar le ngaithlem in kap doh rih ko hna usih, a poi lem lo.

Chinram a lut ding mi, Rallokap an lut dih hnu ah, Supply chain phih in chah dih ding kha a biapi deuh. Tirawl, Eidin, kuanfang pekchannak lam vialte phih dih/ chah dih/ bomb puak dih tbkin ṭanlak ding asi. Timit hlei chat kha a tuan tuk deuh ka ti. Zeizong te kan phih khawh dih cang lai ti hnu ah, Vaar hlei, Mittha hlei le Timit hlei tbk hrawk ah a ṭha deuh hnga nain. Rallokap Supply Chain (Foods, Medicine, Weapons) kan phih dih hna ahcun an dih ko.

Mipi belte thla (6) caah tirawl, si ai, eidin i zalh cia ding. Khuapi/ Innlo chuaktak kan hmang caah, ramlak a himbawm nak ah, Tirawl le Eidin i khonh cia ding. Rallokap cu Tirawl pek hrim lo ding, kan chiahnak hmun zong theihter lo ding. Kawlrawn in arami Rallokap Tirawl vialte hrawh dih/ phih dih awk asi cang lai cu aw! Cozah kip nih rinh ballo mi, mah tein Eidin Tirawl aacawk mi Chinmi kan si caah, India lam a pit lo ahcun, kan i zalh khawh bak lai. Zenh ding pelte hmanh aum lo. YMA, YLA, MTP nih an kan supply khawh tuk lai, phang hrim hlah uh Unau hna!

Tehte(1nk): Napoleon nih Russia a tuk lio. Russia mi an khua an chuak tak dih. Tirawl le Eidin, Saṭil tiang in Khua ah an chiah lo. An I put khawh lomi an hrawk dih. France Ralkap cu rawl loin an thi dih. Napoleon ral a sungh cikcek ve. An tlaih I St. Helena Island ah nunchung thong an thlak. Love King asi tertu a nupi Josphane nih a zulh duh lo i Pasal dang a ngeih diam. Russia tuk ah a kal lio, Poland SPH nupi a chut mi, Mary Lewiski le afapa tu nih St. Helena Tikulh an zulh. Napoleon nih a thih lai ah a Lungthin cu a chuah ter hna i, Josphane a kuat ter hna ti asi.

Tehte (2nk): WWII lio ah Hitler nih Russia tuk lio. Japan nih Siberia lei in, Germany nih Nithlak lei in (Poland) tiah Russia cu an namh. Russian mipi nih, An tirawl, Saṭil Arva, si ai, thlawnthil tiang inh ramlak ah an i kalpi dih. Khuapi ah ahohmanh an um lo. Sui Thantlang boruak ko khi asi ko. Russia ralkap nih raltuknak ngai ngai umlo in Sniper tu in anṭhuat hna.

Mi pakhat nih 100 leng cio an thah hna. Sniper in ralthah bik tu Russia anti phah hna. Hitler Ral sungh hram aa thawk ve. Africa le thetse ral lawng atang cang. USA le Ralbawi ngan Mongo Mari hohak nakin DDay an thanh 1 946 June 6. Cuticun Adolf Roymel hruaimi Hitler ralkap cu ral an sungh cikcek ve. Russia ah Tirawl loin tamtuk anthih caah Germany ralkap thazang der hram aathawk.

Samaria khualipi cu Syria ralkap nih thap 7 in kum 7 an kulh. Pathian nih thinghmui hma ngeih mi (4) hmang in ral an tei. Median (Kurdish Kingdom), Ralkap tampi cu anmah le mah that terin Pathian nih Israel ral cu a tei piak hna. Facang cilh liomi, Ralkap Tidan kai bal lomi, Gideon hruaimi Israeli Ralkap cu (300) lawng an si. Hriam ai ah Leibel, Farfim le Tuki Muko lawng an ngei. Gideon ralkap hi Pachup lawngte an si. Uico bang tidin pawl tiah Bainbol nih ati.

Hriam hmang loin Ral Teinak 2nk hi cu Pathian sin in ara mi asi. Chin mi nih 13th Oct 2021 rawl ulh thlacamnak in ral kan doh ni tbk kha asi. Chin mi vialte nih vawlei kili in thlacamnak he, sual ngaichih in le lungkuai in Pathian kan auh i, kan sawm i, Bawipa kan naihniam nakin, Ral Teinak lianpi a tlung lai. Atlung cang fawn. Thinghmui hma nei (4) le Gideon Ral Teinak btkin Pathian nih ral an kan tei piak rih lai fawh. Lungdongh loin le thachia loin, kamlo chuncha bang, Naichailo, Chinmi, fek tein dirh ko hna usih. Bawipa he raltuk rih ko usih. Teinak cu Kanhmai teah. Credit: Saya Rung Kaw