Pale Khuapi Palik Sakhan Ni 3 Chung Pehtlai In Kahdoh A Tong
=========
Sagaing ramṭhen, Pale khuapi palik sakhan cu hriamngan le hriamhme he ni 3 chung pehtlai in kahdoh a si, tiah mipi ralkap Black Tiger in ṭuanvo ngeitu pakhat nih a chim. June 6 chun suimilam 11:30 tluk in zanlei suimilam 4:15 tiang voi khat, June 5 zan suimilam 8:00 in 12:00 tiang voi khat, June 4 chun suimilam 1:45 tluk ah voi khat tiin voi 3 tiang SAC ralhrang le palik nih umhmun an khuarnak Pale khuapi um palik sakhan cu 60MM lung 30, 80MM lung 50, 120MM lung 7 hna in kahdoh a sinak cu a cunglei upa nih a chim.
https://www.facebook.com/photo/?fbid=269698905576686&set=a.177136168166294&__cft__[0]=AZWMXWwRh1kwubhAewqOrY3lFazFV08BCJuRPGT2SZ_PiW0tjg2wLg4LrtBLJyb8qWLJSvz1ggR0JDDjL064XfshXnudHJpjyz8S1hSkoCIKJJxOzqt9wuWXZQPD01ow6-N0vZIyBwuEo63jBT2GBsFLQoT9Vn43BQwzI4d4jKQqsmWTrwmcUSrvyfPKuCmGZ3I&__tn__=EH-R
“SAC ralhrang 30 hrawng an umnak hmun a si i, hriamhme in Pale khua um mit lei thlopbulnak sii-inn tiang luhhnawh in an kah hna. SAC ralhrang zong nih hriamngan he hriamhme he an kah ve hna pin ah thal bomb (Rocket) zong an hman chih. Atu kahdohnak ah ralhrang lei a thimi le hliamhma a pumi kong ah thawngfiang kan thei kho rih lo, mipi ralkap kanmah lei cu kan him” tiah Black Tiger in ṭuanvo ngeitu pakhat nih a chim chap.
Cu pin ah Pakokku in Myaing peng lei ah rallam a sialmi SAC ralhrang pawl zong Myaing peng Pan-taing-taw (ပန်းတိုင်းတော) khua pawng ah mipi ralkap Black Tiger, Pakokku pengkomh No.15 Battalion Ṭet-khuai 3 le ṭangṭi phufonh hna nih bomb in an puahhnawh hna hu ah hriamngan le hriamhme he an kahdoh hna, tiah Khit Thit nih a langhter.
India-Myanmar ramri a si mi Mizoram Champhai District chungah Myanmar ram ah kalpi ding Saphu kep a phur tu hna cu Assam ralkap nih an tlaih hna tiah kan theih. June 3 ah Mizoram Aizawl in Myanmar ram lei kalpi dingin Mizoram mi minung 2 cu Champhai District Melbuk le Zokhawthar khua kar ah Assam ralkap nih an tlaih hna hi a si. Phung ning lo in Myanmar ram lei ah kalpi an timh mi Saphu kep hi 44 kg tluk a rit i India tangka Rupee sing 44 man tluk a si. Saphu cu ramsa lak ah man ngei a si bantuk in a ci tlau lo nak ding in humhak mi ramsa phun khat zong a si tiah kan theih.
Chin ramkulh chung ah Mocha thlichia ruang ah harnak a tongmi mipi hna bawmhchanh ding ah tiin SAC ralhrang nih helicopter pakhat in Hakha khuapi ah bawmhnak a kuat, tiah theih a si. A luancia June 3 ah Kalaymyo khuapi vanlawng bual ah SAC ralhrang nih facang tun 320 a kuat i, a cheu cu cunglei in Hakha khuapi ah a kuat cang. A cheu cu motor in kuat a timh, tiah June 5 ah Zalen nih a langhter.
Mocha thlichia ruang ah Rakhine ramchung hmun kip ah din ti hna 400 nak tlawm lo an rawk tiah NUDP Myanmar nih June 2 ah a langh ter. Aluan cia May 14 ah a rak cang mi thlichia ruangah Rakhine ram chung a rawkral mi kongkau he pehtlai in UNDP nih report pakhat a chuah mi ah a tu bantuk in a langh ter hi a si. Hi thlichia ruangah Rakhine ramchung cu rili ti le cerhcet nih din ti hna cu khuh in a hrawh caah mipi caah dinti thiang a dang hman ding a um hlei lo, cu a thiang lo mi ti cu an din ei mi a si tiah UNDP nih cun a langh ter chih.