Min Aung Hlaing naule nih Chuncung khuami thilri sing 780 man hrawng fir, inn chung thilri hrawh

Min Aung Hlaing naule nih Chuncung khuami thilri sing 780 man hrawng fir, inn chung thilri hrawh
========
October 19 le 20 lio Hakha in a ra mi Min Aung Hlaing naule nih Chuncung khuami thilri tangka in sing 780 man hrawng an fir, tiah kan theih.

Thilri an lak mi lak ah computer 1(desktop), laptop 2, camera 2, printer 1, FZ motorcycle 1, TV 5 le bike 1 an firpiak hna tiah kan theih.

โ€œThilri le tangka an fir mi hi aman kan tuak i sing 780 man hrawng a si. Cu hmanh cu thil manngei deuh pawl lawng kan tuak mi a si,โ€ tiah khuami pakhat nih The Hakha Times ah a chim.

Chuncung khua ah hin inn 30 leng an bauh i thilri an lehthal dih. Tangka an fir i thilri zong an fir, tiah kan theih.

Nizanah Thantlang khua dawr ngan pipi ralhrang nih an bauh le motor in an firmi thil an phurh hna an ti. Thantlang um Ralhrang kha tuan lio ah cun leng an chuak ngam lo nain naite ah helicopter in hriamnam an hun chanh hna hnuah hiti an lornak hi si an ti.

Nizan Thantlang Chun nitlak an chek mi hi zeizat remruam dek si ve hnga a poi ko e. Lung a fak tuk ee. Minung le Saแนญil thah, inn duah bauh le thilri fir dih sual an kemh dih. An tuah mi sualnak hi an sunghnak ah cang hram ko seh..Ka khuaruah har tuk ee. Mah ban tuk phun hi pei mirang holh in tial uh law UN hmuh nih hmuh dih awk in that tuk lai cu ka ti cu kei cu.

๐—”๐—ฆ๐—˜๐—”๐—ก ๐—น๐—ฒ ๐—ž๐—ฎ๐˜„๐—น ๐—ฟ๐—ฎ๐—น๐—ธ๐—ฎ๐—ฝ ๐—ธ๐—ฎ๐—ฟ๐—น๐—ฎ๐—ธ ๐—ฏ๐˜‚๐—ฎ๐—ถ๐—ป๐—ฎ๐—ธ ๐˜€๐—ฎ๐—ป ๐—ฐ๐—ต๐—ถ๐—ป ๐˜ƒ๐—ถ๐—บ๐—ฎ ๐—ฑ๐—ฎ๐˜„๐—ต: ๐—ก๐—จ๐—š ๐—ฐ๐—ฎ๐—ฎ๐—ต ๐—ฐ๐—ฎ๐—ฎ๐—ป๐˜๐—ต๐—ฎ ๐—ฎ ๐˜‚๐—บ ๐—น๐—ฎ๐—ถ ๐—บ๐—ฎ๐˜„? ASEAN Summit (meeting) cu tuchun thawk ding a si cang. Hi Summit kai ding sawmnak ca cu Kawl ralkap sin a phan cang. Nain, kan hnu zarh ka tial cia bang Min Aung Hlaing kai ding in sawm a si lo. Kawl ralkap nih a control mi Foreign Ministry tang i Director General Chan Aye minbunh in [non-political representatives] an kan sawm, tiah Zaw Min Tun nih a fianter.

Zahan ah Kawl ralkap nih โ€œKan bawizik (Min Aung Hlaing) a kai khawh lo hmanh ah Minister level tal a kai awk a si” tiah cathanh in lehnak an tuah. Nuar dawh an si. Director General an sawmmi zong hi Kawl ralkap nih kaiter thai lo dawh a si. BBC Burmese nih cun Kawlram ca thutnak a lawng lai, a ti.

Cu lio (Nizan) ah Dr. Cynthia Maung [NUG lei tang] cu ASEAN meeting kai ding in an sawm tiah thawngpang a chuak. Dr. Cynthia Maung cu media nih an hei pehtlaih i, “an ka sawm lo” a ti hna. Thawng deu a si tinak. Nain, Kawl ralkap lei nih Director General tal an thlah lo ahcun NUG lei caah [hmai lei] Kawlram aiawhtu minung thlahnak hi caantha a si kho te hnga maw tiah ruahding a hun um.

NUG nih โ€œASEAN Summit ah kanmah rak kan kaiter uh tiin halnak ca ASEAN sinah a kan kuatโ€ tiah Malaysia Foreign Minister nih a chim bal. ASEAN kal ningkel in hun cuanh ahcun Kawl ralkap hmanh hnon lio ah NUG tu hun kaiter ding cu thil harsa ngai a si.

Nain, ASEAN nih non-political representation tu cu โ€œKawlram caahโ€ innka kan on (reserve) lai an ti. Tikah, Kawl ralkap nih aho hmanh a thlah lo ahcun NUG lei caah caantha a si kho hnga maw tiah hun ruah chukcho ding khi chim duhmi a si. Ruahchannak a um tinak cu a si lo.

Kawl ralkap nih aiawhtu mizei hmanh a thlah thai lo belte ahcun ASEAN Five-point Consensus tuanchuah nakding ah harsatnak a hun um chin vima kho. Anmah (Kawl ralkap) meeting an kai ve lio i, an rak chah cia mi hmanh zulh an i harh tuk. Atutan anmah tel lo i biaceih mi le biachahmi hun zulh piak ding cu ruahchan awk a har chinchin.

Amahbelte, ASEAN nawl an zulh lo deuhdeuh ahcun ASEAN chungtel pawl nih hnu an chit deuhdeuh ve hna lai. An karlak buainak cu san chin vima dawhdang in a um lio a si. Khat lei in, Malaysia Foreign Minister nih “nan i duada tuk ahcun NUG lei kan pehtlaih mei hna lai” tiah Kawl ralkap a rak tlerhkhonh bal cang fawn hna.

Cucaah Kawl ralkap an nuar deuhdeuh ahcun NUG caah hmunhma a um te kho. Amahbelte, NUG nih hmunhma an lak ahcun a buaitlak (complicated) ngai te lai. Five-point consensus zong kha san a tlai te lai lo i lamdang tu kawl a hau te lai; hihi ASEAN nih an phan mi ah aa tel tiah BBC nih cun an ti.

Cu dirhmun a phanh sual ahcun China, US le India hrawng nih khin ASEAN le Kawlram karlak ah lamkaltu (mediator role) si phun khi hun i cuh a hau hnga. Buainak cu a tlaptlap in ai thuah te ko hnga. Zei va si khom ah, Kawl ralkap nih ramleng hawi a ngeih lo kha zapi kan duhmi a si ko caah a buai paoh kha Kawl ralkap caah sungh a si ko. Credit: June Nilian Sang