Min Aung Hlaing Hi Zei Ruahnak Dah A Ngei Hnga?

Min Aung Hlaing Hi Zei Ruahnak Dah A Ngei Hnga? QUAD Phu Pawl Ralchan In Thil Tuah A Timh Ve Ko Rua
===================
QUAD He ral bantuk a simi Myanmar Ralkap Phu Zong Bangladesh Oceania chungah Tintan An Tuah Ve Lai, tiin nihin ah The Irrawaddy media thawngzamh phu nih an thanh. Quadrilateral Security Dialogue (QUAD) tiin atu lio min a lar ngaimi ramrum le ram thawng ram (5) nih hawikomnak an ngeih hlei ah ralkap lei tintan tuahti dingin plan an rak ngeihmi cu atu tan ah Tintan an tuah cuahmah tiah thawng theih a si. Hi tintan tuahti phu kong he pehtlai in Democracy ram (5) hna cu; American, Japan, Australia, India le France ram telh in Bangladesh Oceania cungah ralkap lei thiam hlei an cawng cuahmah tiah an chim.

Myanmar ralhrang phu Min Aung Hlaing a hruaimi hna zong April 4 – 11, 2021 ni tiang Bangladesh Oceania cungah ralkap thiam hlei cawngnak tuah dingin timhhlamhnak an ngeih ve tiah thawng theih a si. Hi Myanmar ralhrang phu nih cawng dingin timhtuahnak an ngeihmi cu ralkap lei thiamsang cawnnak, vawlei lei ral dohning, ti chung in ral doh ning ti bantuk pawl an cawng lai, tiah thawng theih a si.

Min Aung Hlaing a hruaimi ralhrang phu nih cun mah tintan tuahnak ding hmunhma kong he pehtlai in Bangladesh Oceania lei si loin, kan nih cun Myanmar ramri rili cungah a si lai, tiah an chim. Ram nga komh in an tuahnak rili cung he cu a hlat tuk mi a si, an ti. Hi tintan chungah ralkap chung thazang chuah deuhnak le thancho ternak ding caah abik in timhhlamhnak kan ngeihmi a si, tiah an chim. Myanmar ramchung cu thla khat chung kah daihnak kan tuah lai, aho he hmanh kan i kap lai lo, tiah thawng an thanhmi cu hi bantuk tintan kai le cawng an duh caah a si ko. Zei paoh hi ready in an um tikah tlangcung hriamtlaih phu hi an kan doh than lai i, an kan thah dih than ko lai. Tlangcung hriamtlaih phu nih caan hngalk loin a ran khawh chungin an doh ve hrimhrim a herh tuk lio a si.