Min Aung Hlaing alau tuk cang le a thin lawng tur ko cang!

Min Aung Hlaing A Lau Tuk Cang, Timi Thawngpang Theih Cu!
=========
MIN AUNG HLAIN A LAU TUK CANG; Min Aung Hlaing alau tuk cang le a thin lawng tur ko cang, PDF nih maw, Tlangcung hriamtlai nih maw, A kut tang lila nih maw, ICJ nih maw pakhatkhat poh nih an ka thah ko lai ati ii chunzan in lungre thei in a um ko cang hih.

Mee ning cang lo in an thlak ter hna timi ruang ah NLD Upa a tleih dih hna cheukhat a thah hna, an zung le hmunhma a rawh piak dih hna a lung re theih tuk caah U TIN OO sin ah zeitin dah khua kan khan lai tiah ruahnak a va hal U TIN OO nih na tuah mi hi nangmah lila nih na zun te lai khuakhan pi awk na tlak lo a ti ii a khirh.

Tlang cung Hrian tlai le PDF,a tei ti hna loh.a ral kap tam tuk an thi, an tlizam cu caah a lung rawk tuk a ttih tuk cang hna caak U KHIN NYUNT sin ah Bawmh a va hal than,Tlang Cung hriam tlai he remnak kahdaihnak ser dimg in ka bawm ko a va ti. U KHIN NYUNT nih a duh loh. A ruang cu a duh ii a bomh asi ah cun ICJ nih tiza a cuai mi hna lak ah ai tel ve lai ii hlan lio a thil tuah mi vial te ruang ah thah asi ve lai caah asi, cu cu KHIN NYUNT nih fiang tuk in a hngalh caah a duh lo.

MAH cu a lung tur a zual tuk cang caah Combawdia lei ah ai mer Zrei ti si zong ah ASEAN meeting ah tel khawhnak ka tuah piak law ngaihthiam nak tel ka chim ko lai a ti, Combawdia nih OK kan zuam piak lai a van ti vial ah US nih Combawdia cu MAH na dir pi mu a van ti ii zeimaw zat a vun phih colh tik aah van sang au in a um caah MAH. Bia cu a chimngam than ve ti loh.

Daw Aungsan Suhkyi le U WinMyint sin ah lam kal a thlah than hna, CRPH, NUG le hi chimhring hna uh bia chim hma uh law dohnak hi ngol hna seh..Cabuaicung ah kan ni tong than hna lai kan ram sernak ding caah kan tlai rih loh, Khua khan ti ah a tha ko lai tiah a hei ti hna.

DSSA le U WIN MYINT nih CRPH le NUG. Zong kan hngalh bal mi asi tung lo PDF. zong cu zei hme an si? tiah an rak ti deih ko ai. Mah bia a theih chinchin cun a lungtur le a lau zual tuk cang kaw Chun zan it lo le rawl ei chung pil lo in inn chak inn thlang a hel ko cang.

MAH cu van sang chimpit in a um lio pi asi. Van a zoh ah sang Vawlei a zoh ah pit. Zamnak ding lam a hmu kho ti lo.
Kan ralkap CDF CNA hi mawh hiat le soisel hi hngol cang hna usih law a lam kip in kan cawl cio ah cun kan tei hrimhrim ko lai ti cu miphun kip zong nih an fiang ko cang hih. Amah bel te kum thum li zong rau ai kun lungdong in um hna hlah u sih. Credit: Johnf Thawng

Nay Pyi Taw ah ralhraang pawl bomb puah an tong i 12 an thi. Nay Pyi Taw Pyinmana peng chung ah ralhraang motor pahnih cu bomb an puah hna i ralhraang 12 an thi tiah Nay Pyi Taw PDF nih an thanh.

December 20, zing suimilaam 11:00 hrawng ah Nay Pyi Taw Pyinmana peng, Pyihtaungko khuate komh le Lathpattaung khua pawng ah Nay Pyi Taw PDF nih phu hnih ah i then in kan bawh hna i ralhraang motor pahnih cu bomb paruk in kan puah hna ca ah ralhraang 12 an thi tiah an chim.

Cu bomb puahnak ah cun, ralhraang 12 nih an i cit mi motor pakhat cu cheng ah a tla i aa cit mi an zapi in an thi. Motor pakhat ah minung 5 hma pu an um. Nay Pyi Taw PDF lei hliam tuar um lo tein hnu kan pil kho than tiah an thanh chih.

Monekoe kahdohnak ah ralhraang lei a thi mi le hliam tuar 100 hrawng an um i hriamnam zong tampi an lak. Shan ramkulh, Monekoe um MNDAA sakhaan hna cu ralhraang nih hriamngan le raltuknak vanlawng hmang in atu le atu a kah tiah The Kokang thawngzamh nih a tial.

Cu ti thazaang tampi hmang in kahdohnak a tuah nain a hmun taktak ahcun ralhraang lei a thi mi le hliam tuar 100 hrawng an um. Hriamnam zong tampi an lak tiah The Kokang thawngzamh nih a thanh.

KNLA le Ralhrang kar nizaan ah kahdohnak voi 2 a chuak, ralhrang lei in minung 9 an thi. KNU brigade 5 hmunhma Phapun, Mutaw pengkulh chungah nizaan December 20 ah ralhrang phu hna le KNLA kar kahdohnak voi 2 a chuak, cu kahdohnak ah cun ralhrang phu lei in minung 9 an thi i minung 4 nih hliamhma an tuar tiah Mutaw thawngzamhnak nih cathanh a chuah.

Nizaan zinglei suimilam 9:40 ah Thibaaye khua ah kahdohnak voi 1 a chuak i, cu kahdohnak ah cun ralhrang minung 3 an thi minung 2 nih hliamhma an tuar. Cun zinglei suimilam 10:10 ah Tamiloe khua ah kahdohnak voi 1 a chuak than. Cu kahdohnak ah cun ralhrang phu minung 6 an thi i minung 2 nih hliamhma an tuar. Ralhrang phu le KNLA kar kahdohnak ah KNLA lei a thi le hliamtuar um lo in hnu an tolh kho tiah theih a si.

A tu lio Kayin ramkulh chungah ralhrang phu hna le KNLA, PDF phufonh kar kahdohnak a fak kho a si caah mizapi nih ralrinnak ngeihcio ding in KNU Mutraw thawngzamhnak nih a langhter.

Kalaymyo ah PDF le ralhrang kar kahdohnak a chuak, ralhrang lei minung 5 an thi. Sagaing ramthen Kalay peng nitlak chaklei ah Kalay-PDF battalion 5 le ralhrang phu kar December 20 ah kahdohnak a chuak, ralhrang phu lei in minung 5 an thi tiah khuachung thawngzamhnak nih a langhter.

Cu kahdohnak cu Kalay-PDF battalion 5 cun battalion 6 nih an bawmh hna i battalion 6 in minung pakhat a nunnak a liam. Ralhrang phu hna nih Kalay-Gangaw, Kalay-Tedim tlanghrawn ah rallam sial ding in timhtuahnak an ngei tiah theih a si. Cun nihin December 21, ni ah Sisan khua cu ralhrang phu hna nih luhhnawh in khuachung ning ti ngawt in mei khangh in an hrawh tiah khuachung mizapi hna nih an chim. Credit: The Hakha Post, The Chin Post, Khit Thit Media