Min Aung Hlaing aa chuah sual!

Min Aung Hlaing aa chuah sual! Five-2 uprising a kalning zoh tikah a lampi a hman tuk. Cenghnia rual nih pawpi taar an dummi bantuk in an dum cang. CDM hi Min Aung Hliang caah chungtlik si a si. Tuhi thlak khat/ one month te lawng a kal rih nain a der tuk manh cang. Ram chung lei thil sining zoh tikah, tuletu in washroom ah a tlimi bantuk in, a police le Ralkap an zam sual tiah thinphang in zan a it thiam ti lo.

Min Aung Hlaing a nun khawhnak, a chung ril a simi, Cozah riantuan vialte, CDM ah nan itel ko ahcun, zeitindah a celh lai? CDM ah aa tel rih lomi vialte hna, rak itel zawk cang u! Chin miphun hi Pathian nih a kan dawt. Pathian nih a thimmi miphun kan si timi hi a fiang chin lengmang. MYANMAR ram chung, miphun dang lakah Chin miphun si hmai a hngal tuk an ti. A dik. Atu Five-2 uprising a von chuak tikah, Myanmar ram save dingin, Chin miphun luangcung ah a ummi kho ti a lo cang. Dr. Sasa in, Chin leaders vialte an ifun fawn cang.

1949 ah Insein ral lio ah Mirang nih an rak dirh tami, โ€œChin battalionโ€™ nih Myanmar an rak khamh/ Save bal cang. 2021 ahhin Chin miphun nih Myanmar kan Save lai. Chin miphun nih kan duhmi Federal tling zong kan hmuh chih lai tiah 100 ah bak in ka zumh cang. Cucaah, Chin miphun kan pale vialte, ram chung ah a cawlcangmi Generation Z vialte, Pathian nih Myanmar ram khamhnak caah an hman cuahmah hna. Min Aung Hlaing cu aa chuahsual cang!