Min Aung Hlaing a hnabei a dongh termi GZ Hriamtlai phu hi, Daw Aung San Suu Kyi aum tilo hnu ah!

DASSK HI ACAN ADIH CANG MAW DEMOCRACY DOTHLENNAK : PG (85)
===========
Kawlram Democracy Innkillung (ICON/Pillars) asimi DASSK cu Kawlram Democracy Dothlennak ah kum (30) leng hruaitu asi. Kawlram Politician pakhat si awk ah အမျိုးဘာသာ သာသနာ ထိမ်သိန်း ကာကွယ် စောင့်ရှောက်သော သူဖြစ်ရမယ်။ Kawl Biaknak, Kawl Nunphung, Kawl Caholh a kilven i a khumzual tu lawng nih, Kawlte Politician sikhawh asi. Kawl Uktu Luban kip nih an zulh mi phunglam asi. Uk Sang, U Nu le Ralhrang Rallokap Luban kip nih an zulh dih fawn.

Cucaah Buda Bada cu Kawlram Rampumpi biaknak ah an tuahnak cu asi. Democracy le Rule Of Law ah, Biannak le Pastorte an I thlak tuk ahcun lam a pial tawn. Cucaah USA nih RC President si an duh tawnlo nak achan cu asi. Kawlram cu Budhism ah ngat in Upadi le Law tuah asi caah Democracy in lam a pial tawn. Cucu Kawlte nih Sithman daw Democracy an timk cu asi.

Ralhrang Rallokap nih Budhism dundan cung ah Ralkap teltumnak an betchap i adikmi Democracy an ti ve. Hlutdaw in Ralkap 25% an um tilo zongah, Budhism le Kawl Nunphung ah hngat in Upadi tuah tho tho ding asi. Kawlram hecun Democracy in kan i ukhruai zonh ah a luat hlei lomi Tlangcung miphun kansi. Kawlram Democracy caah siseh, Federal caah siseh, hlingso le virus asimi MAH le Ralhrang Rallokap an Cihmih lo ahcun, Tlangcung mi caah (Hopeless) ruahchan awk aum baklo.

DASSK nih Kawlram Democracy cu lam an kan hruai tikah, Democracy pillars timi Innkil lung aathlen. Kawl Biaknak, Kawl Nunphung le Kawl Caholh pathum ah aa hngat tawnmi, Kawlram Politic cu DASSK (Amay Suh) ah aa hngat cang. DASSK umti locun Kawlram Democracy lawng athih siloin, Kawlram Politic athih bak cang tikhawh asi. Ralhrang Rallokap he nunchung Hellram ah khuasa mi kan hluan cang lai.

Tehte: Mipi thimhmi cozah chan kum (5) Kawlram Politician kip nih mah tein tuah thiam mi le tuah khawhmi ngeih loin, fir lawng lawng an thiam i mi firkhut ah an I chuahsiam dihnak cu DASSK cung lawng ah an I hngat caah asi. DASSK aum tilo ahcun NLD cu a tlum al khawh ti lailo i a vaivuan kho men. Kawlram Politic zong pakpalawng asi cang lai. Cite tello asiko lai.

MAH nih cucu a hngalh tuk palia caah, cawlkhawh loin a tuah colh. Thiamlo coter in, Cases (Ahmuh) a phun phun tuahin taza a cuai colh. Ahmuh 17 in thiamlo coter lio asi. Kum 100 -120 tiang thong thlak khawh mi a hmuh in, DASSK cu, MAH nih thiamlo acoter lio asi. Kawlram Politic ah DASSK um ve lo kha an saduhthah asi. Kum 76 asi cang mi DASSK cu, vawlei nunnak nih a phahzawhlo tiang in, MAH nih, hremh aatimh cang. Budhism zumhnak ahcun, thihhnu thlarau khi thongthlak khawh asi. Mithi khua in, minung in, mikirmi sinak in, kir ve khawh hlah she timi MAH Saduhthah asi. Mithi khua tiangin DASSK hremh an timh khi asiko.

Noble Peace Prize timi Dindaihnak Laksawng cotu hna an rian nganbik mi pakhat cu: Hremh cuahmah lio mi le thahnawn cuahmah mi, mipi hna khumzual kha asi. An ai awh in, hmai ah dir in, an caah thihngam in chimhrel kha asi. Thahnawn mi mipi le hremh mi hna an luat nak hnga, thih tiang in chimrel le aukhuang buin thih tiang in riantuan kha asi. Cu vialte cu MAH nih ṭuannak nawl apek tilo.

Cucaah Kawlram Democracy Dothlennak ah Pi Suh can hi adih ruangmang lai maw tiohahnak cu asi. Bia holh le cabia in asi khawh tilo ahcun, Dothlennak adotdot ah Amah DASSK nih hruai kha a rian cu asi. Zeitintiah Nobel Peace Awarder le Kawlram Democracy Pillars le Democracy Icon asi caah asiko. Paucan Dothlennak dot 4 hi kanpi DASSK nih hruai khawhlo ding in MAH nih a tuah.

Paucan Dothlennak Dot (4) ah Community Strike cu mipi nih kan tlamtlim. Government Strike ah CDMers nih anbhlawhtlin cikcek ve. Weapons Strikers ah GZ mino nih an tlinter cikcek. Law Strikes & Legitimacy Strike cu CRPH le NUG nih an kanhruai. Hi vialte hi DASSK hruainak aatelo bak lomi lawngte an si. NUG cu GUN lamthluan ah, 2021 September 14, DDAY ah aathlen caah, Nobel Peace Prize cotu, DASSK he aa ralchanh cang. NUG nih Rohingya min an cohlan i, Tlangcung miphun pakhat ah Rohingya cu NUG nihba cohlan caah, 2021 June ah NUG le NLD cu lam aathen cang tikhawh asi.

Federal Democracy in NUG nih a kal ṭhan caah, NLD CEC he aakalh bak caah, NUG le NLD kawp a ngah tilo. DASSK Kawlram Politic ah aum ti lailo caah siseh, 2023 Election ah DASSK aatel khawh lailo caah siseh, NLD Luban le Vuanzi cheukhat nih MAH he Agreement an tuah caah siseh, NUG le NLD Lamthluan aadan tuk caah siseh, Zaw Me Lung nih NLD Party cu phung ning in anung rihko atinak cu asi. 2023 Thimhnak ah aatel dingmi hi Pu Zo Bawi, Pu Zo Peng, Pu Thang Hei, Pu Sui Thio, Salai Lunthlitum te pawl hi ansi te kho.

MAH le Ralhrang Rallokap nih DASSK aumlo ahcun Kawlram Politic kan hip bak cang anti mi cu an palh diam ai. Achan cu: DASSK um loin, CRPH, NUG cu Special derhkhah asi. DASSK Ṭhithruai loin GZ mino nih MAH andoh khawh caah asi. GZ hruaitu NUG le CDF, PDF cu Ralhrang tiah MAH nih ati ve.

2023 August thimhnak ah NUG le CDF, PDF kasawm hna lailo ati cang. NCA phu le Bilater phu cu PEACE TALK tuah ding in an sawm hna. CDF, PDF an sawm bak ve loh. DASSK ai awh inna dirh khawhtu ding GZ mino kha an cihmih aduh caah asi. NCA ning in nan kal ahcun, Herod sinah a kirṭhan mi, Mifim pathum.btk nansi ko lai. DASSK nih hihnu kum 20 ah Singpapore ka lawnh lai atimi cu: GZ mino nih ram an hruai tikah asilai, ati duhnak tu asi deuh.

MAH a hnabei a dongh termi GZ Hriamtlai phu hi, DASSK aum tilo hnu ah, Dotlami ramhruaitu ansi te lai. Cuccah mipi nih kan thiphang tuk ding asilo. Amay Suh umlo kha thlavai kian tuk ding asi tilo. GZ he I pumkhat loin, CDF, CNA a soiseltu si belte hi Ramhruaitu Pasal ṭha hna ziaza le lungput cu asi ve lo. MAH le Rallokap Cihmih aduh mi vialte nih CDF bawmhchanh hna usih, kan ngeihchia chawva vialte bungh hnawhbcang usih.

Tuan ah Teitu si aduh mi vialte nih MAH a thluk khawh tu ding hriamnam cu CDF Bawmh cang hna usih. Maranatha. Bawipa rung Ṭum cang. Ral kan teinpiak cang tiah thlacam cio usih. Chawva le ngeihchia in ati khawhlo mi vialte nih Moses bang in, hnu lei in, van ah kuthnih zau buin thlacam cio hna usih. Teitu cu Pathian asi I Teinak zong AMAH asi. Asin in ara lai. Credit: Saya H Rung Kaw