Mi kut in ralkap do lo in kan mah kut do a cu cang

Mi kut in ralkap do lo in kan mah kut do a cu cang
==============
Ralkap hi Kut lawng le thilri he sandahpiah lawng a ngah ti lo. Ralkap nih mipi kahnak nawl an pek hna a sau pah cang. A ho hmanh Raltuk kan duh cio lo. Mipi zong harnak an ton lai ti cu chim cio a si. Harnak ton cu a tlawm le tam a si ko lai. Raltuk tung loah cun hriamtlaih zong aherh hnga lo. Kan ral nih an kan thah,tuk,hren ii an hriamnam in thih peng nak cun kan ngeih chunh mi hriamnam in kah ve a hau.

A tu lio buainak hi hlan lio bantuk asi ti lo. kawlram pumpi buainak a si. Vawlei cung zong nih an zoh peng ve. Ralkap nih kahnak nawl an pek ko hna nain a tlawm khawh chung in mipi harnak ton lo ding an nih zuam ve. Mipi hrem,tuk le khua meiduah tiang cu an tuah rih lo. Rangon le Mandalay hna inn an khangh ti lawng a si. A ho dah a tuah ti mi bel fiang in theih cio a si lo.

Rampi sandahpiah Feb 12 in March 13 tiang ah myone 250 lengah nifatin sandah an piah . A thih mi le an tlai mi hna an tam ngai cang. A tu cu sandahpiah mi Myone tuak ah cun Myone 50 hmanh an si ti lai lo in ruah a si cang. Ralkap nih thla 2 hnu cun sandahpiah mi an tlawm te lai ti hi an nih ruah cang mi a si. Chin ram zongah sandah an piah ti lo.

Ralkap nih an chim mi le an tuah mi a khat bal lo. NCA an buar, 2008 phunghram an buar,Ram chung ah hriamnam ngan he kah angah lo mi an buar,Sualnak ngei lo mipi an kan thah. NCA fakpi rian kan tuan lai an ti rih. Ralkap nih Voihnih kah nak kan ngol lai tiah an ti cang. Lu taw thei lo in rian an tuan peng.

Ralkap an ci kan hmih hna lai kan tei hna lai ti a si lo. MAH le hawi anaa- thlah ii Federal democracy ram ser ding phunghram kan duh. Ralkap nih Deomcracy lawng an duh caah an rumnak le an thut nak kal tak an duh lo caah anaa- a ting mi an si ko.

Kawl miphun nih ralkap uk nak an duh lo nak kan thin lung kan do hna thih zong kan tih lo an ti. Tlangcung miphun nih hriamnam in ralkap kah ve hna seh ti an duh ve. Mah ti kan tuah hna si cun Ralkapnih an celh lai lo ii an naa- an thlah lai an ti.

Lairawn Laimi nih ralkap Lai meithal in an kah hna ii ralkap motor an rak ra nak lam an kham hna ii an ral tha ning upat nak pek phu an si. Kayin ram le Kachin ram cu an mi nung harnak an pek mi hna hmanh an duh lo an kah colh hna. Upat nak pek phu an si ve.

Kan doh mi ralkap hi Lai meithal lawng in a tei hna lo. A tu lio te ah cun ralkap an thaazaag a der lio a si. CNF/ A Laitlang khua kip ah mipi he fonh ii ralkap an rak ra nak lam kham kah ve hna an hau cang. Mipi kan him ti lo. MAH nih anaa a hruh pi cang ii fawi ah anaa a thlah lai lo a fiang cang. UN le UNSC meetingah Tukluk, Russia le Veitnam nih an drih khamh peng ko lai. Hriamnam an nih bochan ii hriamnam kah ve an hau cang. Ralkap he a kah cu kan duh mi a si lo nain Ralkap nih an nih thim mi a si ii i tinh ve a cu ve cang. Credit: Robert Ling