Ka lung tha lo ngaingai!
=======
Kan company ah sushi dawr an ngei i an tuan. An pa hi kum 60 cung a si cang. An pa nih dawr tha deuh a tuan. An nu nih tuan hme deuh a tuan. An pa tuannak dawr managers te nig an pa cu rawllei he a pehtlai in zulh phung a zul lo e tiah complaint an tuah lengmang.
Kan hnu zarhah khan ka va kal. Training ka va pek than, dawr managers te lei in an in complain a tam tuk cang. Tha tein rawllei zulhphung na zulh le na ralrin taktak a hau. Dawr nan sungh ding kan in duh piak hna lo tiah siaherhnak he ka chimh. A lawm tuk, ka ralring cang ko lai tiah a ka ti.
Nizan ah ka va veh than, a tuan ning a rak tha deuh, deli manager zong aa lawm tuk. Kan hnu zarh na rat hnu khan a riantuan a tha ngaingai cang e tiah tha nuam ngai in a ka chimh. Dawr ngeipa cu bia tha tein ka ruah hnu le ka siaherh bia ka chimh hnu in ka tin tak.
Ruah lo piin ka boss pa nih mah kha dawr kha store lei in complaints a um than, mah pawl, mah pawl cu a zul lo, a voi a tam tuk cang caah mah dawr i nan tuan ter ti lo kan duh tiah thawng an kan thanh kong a ka chimh.
Dawr ah cun ka va kal than, mit hmai chia nawn pi le i phuhrung nawn pi khin a rak um. Mah ti a si caah kan in bawm kho ti lo, nan dawr pa 2 ning in laak ding kan si nain nan zawn kan in ruah hna caah nan nu i a tuannak dawr cu nan tuan rih ko lai. Mah ka dawr bel hi cu na tuan kho ti lai lo tiah ka chimh. Pasal pi le patar mi a tap bak ko. Ka ngaih a chiatuk nain zei ti awk tha hlah.
Inventory kan rel lio ah an nu a ra phan ve. Zei dah a cang, zei dah nan tuah tiah a ka hal in ka chimh. A kio i a tap thluamah ko, an pa cu a min faak in a auh, zei ruangah dah zei hmanh na ka chimh bal lo le tha tein rian na tuan lo. Zei tiin dah kan fa le kan cawm hna lai le Sianginn kan kaiter hna lai ti a chimh bu in a ik thluahmah i sau pi a that. Thih lawlaw ka duh deuh, nun ka zuam ti lo tiah a tah bu cun a nolh lengmang. Ka zoh ah ka ngaih a chia tuk.
Ka si khawh tawk in thazang ka pek i ka hlemh, Pathian sin ah thla ka cam lai i a tlamtlin ah cun Pathian ka zum lai, ka biaknak khrihfa ah ka thial lai e a ka ti. Detroit ah hin Chin khrihfa Biakinn a um lo mei kha tiah a ka hal i a um ko e ka ti. Inn nan tin tik zong ah uncle he va i si hlah u, a cung zong ah na thin va hung ti hlah, dawr dang nan caah a tha mi a lawn tik ah nan zawn kan in ruah hrimhrim hna lai e ka ti i an tin. An kong ka ruah ah ka lung a tha lo tuk!
Note: An dawr cu a ka chawnmi chungin tuzan ah mi pek kan timh cang hna. Share in a ka bawm mi nan zapi cungah ka lawm tuk. Credit: Za Tin Maung
Hi bantuk caan ah riantuantu si hi a har ngai tawn. Business cu hi bantuk tete um pah tawn ko lai. Tha tein chimh cia a si bu ah cunglei in order pekmi cu zeiti tha, Bawipa nih dawr dang a pek te ko hna lai. Chungkhar khuasaknak caah dawr tha sungh cu an lungthin nuam khk hrim lai lo an mawh lo, nain thatuk in. thazaang na pek ko hna le a sinpi thante ko lai.