March 25 zinglei sang ah Hakha Peng CNLD Mino Lutlai Salai Ngun Uk Thang ralkap nih an tlaih

March 25 zinglei sang ah Hakha Peng CNLD Mino Lutlai Salai Ngun Uk Thang ralkap nih an tlaih
===================
2021 March 25 zinglei suimilaam 1:00AM hrawng ah Hakha Khuathar khuasa Hakha Peng CNLD mino Lutlai ah aa telmi Salai Ngun Uk Thang cu ralkap nih an luhhnawh i an tlaih tiah theih a si. Hi kong he pehtlai in minung pakhat nih, “Nizaan hi Khuathar lei cu ralkap le palek an tam. Kouhkun in BOC tiang khi an dir. Mi innkip an kingh. Atu Salai Ngun Uk Thang zong hi a inn an kingh i an hon duh hna lo ca ah an boh. An boh dih hnu ah an luhhnawh i atu bantuk in an tlaihnak hi a si,” tiah a chim.

2021 March 24 zaan Hakha i an tlaih mi a tlawm bik minung 10 an si. Cun, lamkam i an chiah mi motorcycle pawl zong an hrawh mi a um. Cun, khairiat kuan hmang in mizapi an kah hna i minung pakhat fak ngai in hliam a tuar tiah theih a si.

စစ်တပ်မှ သေနတ်ဖောက်ကာ လူငယ်များဖမ်းဆီးစဥ် အိမ်ပေါ်ကနေ video ရိုက်တယ်ဆိုပြီး ဟားခါး CNLD လူငယ်ခေါင်းဆောင် ဆလိုင်းငွန်အုပ်ထန်ကို မတ်လ(၂၄)ည ၁:၀၀ နာရီ ဝန်းကျင်တွင် စစ်တပ်မှ အိမ်ဖောက်ထွင်းဖမ်းဆီး။

Hakha Dawrthar Pu Novel Ralkap nih an tlaih. Tuzaan (March 24) zaan 10:00 hrawng ah Hakha Dawrthar sang, Hakha Town Coffee dawr hmai Pu No Val cu Ralkap nih an tlaih i an kalpi. Hi kong hi pawngkam a hmutu nu pakhat nih “Atunai suimilaam 10:00 hrawng ah khan an inn hmai ah meithal zuun thum hrawng an puah. An tlaih i an kalpi kan hmuh i zeiruang ah dah a si hnga,” tiah The Hakha Times ah a chim.

Tuzan ah midang zong zeimaw zat an tlaih hna tiah kan theih. Ralrin a herhnak kong he pehtlai in upa pakhat nih “A bik in kan fale hruaitu le rungvengtu deuh hna kha i ralrin le lamzawhnak ah hman mi hriamnam phun poh cu fel tein thuhnawh an hau, tlaitawn ah chiah bak lo ding a si,” tiah a chim. Credit: Tha Hakha Post, The Hakha Times