Manipur Buainak In Meitei 1000 Naak Tlawmlo An Thi Cang
=========
Manipur buainak ah an CM Biren Singh le BJP hna an cawlcangh ning a chia ngai ti ah theih asi. Zumhnak leng (Mizo) miphun Kuki nih hin an mah a doh tu Meitei Arambai tenggol hi 1000 naak tlawmlo an thah cang hna ti ah an chim.
Saikul hmunhma ah hin minung 300 tluk an thi ti ah an chim i, asinain Manipur cozah nih minung 9 an thi ti ah an chim ve.
June 19, ah khan hi hmunhmaah ruak 70 naak tlawmlo an hmuh ṭhan ruak hi din lo in hmun ṭhan peng a si ca ah mi ruak kawl zong hi an thazaang nih a phan ti lo ti ah an chim. Nunnak liam mi, milu zat hi CM nih thup hmenhsehlaw mipi lei nih an theih khawh ṭhiam ca ah mipi lei an lungtling lo ngai ti ah theih asi.
A hmasa ah cun an CM nih hin Arambai Tenggol hna hi venghim in thazaang a rak pek tawn hnaa sinain, a tu ahcun amah nunnam hmeh a fenghimkho lo ti ah an ruah cang. Thil khua ruah har a si mi cu an mah lei pakhat hmenh thi lo in khua veng tu 35 lak ah minung tampi an thah khawh mi hna a si.
June 19,2023 ah Mizoram CM Pu Zoramthanga cu Manipur minister Pu Biren Singh nih phone in a rak chonh ti ah theih asi. Hi kong he pehtlaiin, Manipur CM nih Mizoram CM a chonhnak a ruang cu Manipur buainak a dih khawhnak ding le mipi harsaknak an ton ti lonak lai chonh biaknak an ngeih hi asi.
Mizoram Cozah nih thawng an thanh ning cun, Manipur CM nih buainak an ton cuahmah mi kong he pehtlaiin, Mizoram cozah he buainak sersiam le ṭuanṭi ding in a nawl hna. Mizoram cozah zong nih nawlnak a tuah mi cu a ṭha ti ah an hnatlak pi. Hi pin ah Manipur CM nih Mizoram cozah sin ah tu ni tiang in Mizoram ah khuasa in a um mi Meitei hna harsatnak zeihmenh an ton lo mi cung ah lunglomhnak bia a chim chih.
CM Pu Zoramthanga nih Mizoram ummi Meitei hna ca ah cun harsatnak zeihmenh a umlonak kong chim in, Manipur buainak a deih khawhnak lai kan ṭuanṭi hna lai ti ah lehnak zong a tuah.