Major Ngun Vung Meitei Damiah Pawl Nih An Kan Thah Piakmi Cu A Poi Tuk Hringhran Ko E!

Major Ngun Vung Meitei Damiah Pawl Nih An Kan Thah Piakmi Cu A Poi Tuk Hringhran Ko E!
==========
CNA ralbawi Major Ngun Vung nih tuchun ahkhan ram le miphun caah martyr in a nunnak a kan pek piak! Tonzang peng Senam khua ah Meitei damiah pawl hi Kawl ralhrang he i tuai in an um tawn i, hi Meitei tapung pawl hi bing cin in ai cawm mi an si tawn.

CNA nih thawldawi hrimhrim a herh cang caah an tuknak ah kan i bochan tukmi Major Ngun Vung nih ram le miphun caah mual a kan liamtak. Major Ngun Vung hi hngakchiat lio tein keimah he zong ai kengkawi lengmang mi kan si i, nizaan tihni tiang zong ai chawn pengmi kan si ve tikah tubantuk thawngpang ka vun theih ahhin cun a fak ka tituk ve hringhran.

Khampat nih CNA ah ralbawi kan i ngeihchun mi paraltha pakhat te nih parbang in ruah lo tukin a kan liamtak mi hi Khampat ca zongah sunghnak faktuk asi i, a fak kan ti tuk hringhran! Tantakmi chungkhar Bawipa nih in hnem hna sehlaw miphun caah Kawi Vung na saduhthahnak hi tlinter hram ko seh mu! Na hawikom, khuami le na miphun nih upatnak saangbik kan in pek!

Nan miphun caah khampat kan pangpar na ttial ruang mang ne mu. Kan thinlung nih a celh ruam lo ee,Natan tak mi nakhuami nih lei kil 4 deng in na zun kan tuar ee. Ka tuar thiam lo e, a faktuk lawmmam e na zun tuar in kan chungten kan ai hram e. Zarhkhat te lawng kan i hmuh lo si ko tung. kan in i na zan riah ei hnuhnung bik le kan i hmuh hnuhnung bik ding na theih le maw na rak rat ta kha si ne. Major Ngun Vung, Salute.

Ka lung a ka suk hringhran Kan ralbawi Ngun Vung; Nai thawhlai zing(Monday) zongah pei Pu Mon Solomon ThangDing coka hram ah meiphu horh pahin capo phunza kan sai hna i dang lengmang in kan nih hna kha. Capo saih na thiam ngai ee na ka ti le naa lawmhnak mithmai ka hmuh caah kai lunghmuih ngai i ka thiamtawk in ka hei in seihpi len hna kha.

Cutin cuni lila ah nannih chaklei kannih nichuahlei ah khuallam kan ithen hna. Kan nih le kan kheh thawng le kan meiphu te hmanh kha a ciam rih tung lailo hme. Na thawng hun theih cu zumh awk a tha lo ee. Mitthlam ah na cuang tuk rih tung ne lai. Zeikhom siseh, siaherh lo tein na Pathian sinah vaa idin kun law miphun sernak rian na chunmang cu na hawile nih kan hun pehzulh ko kun lai.

Vung2 aw na thawng theih cu tuar har tuk e na tan tak na chung khar vial te bawi pa tu ni hnem ko hna seh. Tantakmi chungkhar dihlai Bawipa tu nih intuar khawh nak thazang in pe ko hna seh. Sian aum lo tuk ee. Ka hawitha Major Ngun Vung na thawngpaang ka theih cu kai zumh kho bak lo e.

Ziah Uniform tha mi te na ka cah kha kan kuat manh rih tung lo unau pa, Miphun le ram caah na nunnak dihlak na pek, upatnak sang bik kan pek. Rest In Peace my dear brother. Vung Vung CNA a kalnak in nihin ni tiang a thawng thei ka duh ngaimi a si nain ngaichiatnak thawng lawng in ka thei ee. Nun hlun kha mitthlam ah a cuan khun ko. A thi kho lo bang ka rak ruah mu.

Note: Thawngpang hi tial rih lo dingin an ti caah casnsaupi tial loin ka um, mi tampi nih an vun post cio caah ka vun post chim ve mi asi.