Mah Nu Te Hi A Nusal Bak Ko

Mah Nu Te Hi A Nusal Bak Ko, A u pa nih Bawmhhalnak A Tuahmi
===================
Keimah ka unu cu ningcang loin an tlaih hlei ah, taza cuai a tong caah Speak out tuahpiak dingin mi zapi nawl ka duh hna. Ka unu hi lam zawh a kalnak ah Khant Nyar Hein or Lin Yaozong, kum 18 an kahmi a um i, a pawng teah Basin a tlaih i zawnruahnak le dawtnak lungthin he a va kal hnawh i bawmh a timhmi a si.

Cun, Palik le ralhrang phu nih meithal in an kah hna caah Basin a pheh i, ralkap le palik a pawng an phan tikah cun a sam in an tlaih i, uico bantuk in an hruai. A lu ah an tuk buin an tlaih i, an kalpi hi a si. Nungak pakhat a si caah, pa thazang in an hnuhchih tikah a celh ve ti lo. Cu hnu ah sakhaan pahnih ah an thial hnu ah, ralkap thonginn lei ah an thial than hnu ah amah pumpak hlaithlainak an tuah tiah theih a si.

Nizan ah Insein Thonginn ah an kuat hnu ah zei hmanh tetteh um loin Pohmah 505 in taza cuai dingin in ni 14 caan an lak. Nu pakhat a si ko nain raltha tein minung pakhat khamh dingah a kal hnawh ngammi hi ka unu hi ka upat tuk i, ka thangthat ngaingai tiah a langhter. A nunnak a liam mi kan nau Khant Nyar Hein or Lin Yaozong caah kan chungkhar in kan ngaihchiatpi hna. Ka unu an tukvelhnak video file zong tha tein ka chiah dih ko.

Mipi tampi nih nan kan zuanhnawh lai ding hi kan i ruahchan ko. Ka unu an tlaihnak le an tuhnak video pawl an hmuh tikah ka unu cungah an thangthat ngaingai. Ka unu hi anmah ralhrang phu sinah a um tikah phungning tein pohmah an chiahpiak hlan le ka unu caah a him sual lai lo tiah ka ruah caah video vialte cu only me ah ka chiah dih caah theihthiam piak dingin mipi zaangfah kan nawl hna tiah a langhter.