Ma Thet Thet Yatana Thein Caah Bawmh Halnak A Vun Tuah, Lungretheih Ngaiin An Um?

Nihin niMarch 2-3, 2021 Tamwe sandahpiah nak ah an tlaihmi hna Insein sandahpiah nak ah an tlaih mi hna siangngakchia pawl tlaih a tonmi hna chungah minung 700 leng an luat cang tiah thawng theih a si. Asinain, Ma Thet Thet Yatana Thein telh in a dang siangngakchia pawl an luat rih lo. Siangngakchia minung 40 hrawng Tazacuai an ton hlei ah thaizing ah zung ah chuak pi an si lai, tiah thawng theih a si. Hi kongah hringtu nule pa lungretheih ngai in an um caah mipi nih speak out tuahpiak ding nawlnak an tuah hi a si.

Ma Thet Thet hi March 3, 2021 ni Tamwe sandahpiah nak ah an tlaih mi a si i, Insein thong chungah ni zeimaw caan chung an hrem cangmi a si. Sayasayamah pawl le Sihni pawl he a si khawh chungin an zuam piak i, pehzulh tein zuam piak ding zongah zaangfah kan in nawl hna, tiah chungkhar lei nih an langhter. Chungkhar lei nih Nawl kan in duhmi hna cu Speak out kan tuahpiak ve hram uh. Atang rih mi Siangngakchia minung 40 pawl telh in le mi dang an tlaihmi hna zong a ran khawh chungin an chuak khawh nakhnga zaangfah nawl kan in duh ko hna. Nan umnak hmunhma cio in rak kan bawmh hram uh tiah fakpi in nawlnak an tuah.

Nizan ah khan Insein thonginn chungin siangngakchia minung 700 leng an chuak cang hna tiah thawng theih a si. Nain, cheukhat siangngakchia pawl cu an chuak rih hna lo leng ah tazacuai ding an si tiah theih a si. Hi kongah siangngakchia nulepa lungretheih ngaiin an um cio hna ti theih a si.