Lunglawmhnak Mitthli a luang!
Lunglawmhnak Mitthli a luang!
======
Ral ruangah kan biakinn pi zam takin kan khrihfabu kan i țhek dih. Kan biakinn le kan umnak quarter zong December 4 ah a kang dih. Cun chaklei kan quarter zong Dec. 17 ah a kang dih hoi.
Hramtu le hnemtu tampi lakah Bual Section kan pale hruainak in Bual Section chung um khrihfabu nih an kan hram i Section kan pale Rev. Za Cung Thang, Pastor John Dawt Cung le Pastor Thawng Zel hna cu Thantlang UPC pastorte (Rev. Biak Mawng, Pastor Van Leng Mang, Pastor Thian Hnem Tial) kan umnak cio an rak phan.
“Ral ruangah nan zam, nan biakinn le nan umnak inn a kang dih. Lahkhah nan ei ti lo caah kan in tuarpinak hna kan vun langhter an ti i an muihmai langh tiang lawng si loin phaisa sing 5 cio in an kan hramnak an langhter chih. Bawipa nih Bual Section chung khrihfabu vialte le Section kan pale cungah thluachuah pe chin ko hna seh.
Bual Section riantuantu vialte le khrihfabu nan cungah kan i lawm tuk hringhran. Bawipa nih thluachuah in pe ko hna seh. BualSection riantuan tu le A chung um mi vialte Pathian nih thlachuah nak tu in pe ko hna si. A sunglawi tuk hringhran, kan Bawipa Jesuh nih aram kaunak ca hmang chin ko hna seh.
Habakkuk Nun Kan Cawng Lio; Phungthlukbia 28:12 “Miṭhalo nih uknak an lak tikah mi cu an i thup dih” a ti bantukin kan i thup caan hi a sau ko cang. Thup timi cu siarem tein um khawhnak hmun asi bal lo; a muinak, a kuarnak le hmun kikiang ah i tenh chih buin um asi tawn.
Kan i thupnak hmun in Habakkuk nun kan cawn lio asi. Kan i kenmi hnihchun te a vun dih ziahmah i har ciocio hmanhah tar le ngakchia ngei caah a har deuh khun. Sihmanhsehlaw Bawipa ah cun kaa lawm ṭhiamṭhiam ko lai i A ka khamhtu Pathian cu ka lawmh ṭhiamṭhiam ko lai. “Bawipa Pathian cu ka ṭhawnnak hram a si, Ka ke cu sazuk ke bantukin a khul a ranter hna i tlang sang cungah khan a ka hruai.” Habakkuk 3:18-19.
Pathian khua khan theih khawh a har A fa le ca ah thil tha lo khua a khang bal lo mi Pathian kan ngei in khawh nak rha zang a kan pe tu zong a mah a si mu. Zan mangchia khi hei siseh law cu kan va duh dah. Zeihmanh nih a hrawk khawh lo mi Pathian Thlarau biakinn kan si nak kha a tak in hmankhawh cio i zuam ko hna usih law.Kan in ngaituk hna. Credit: Rev. Biak Mawng