Lu Loin Kan I Phumh Ni, Chin holh in cun kan thih ni kan ti lo!

Lu Loin Kan I Phumh Ni
=========
Nihin December 10 cu: (1) Kawlrampi Silence Strike Day asi. Ralhrang MAH le Kawl Rallokap Kan doh hna Ni asi. (2) World Human Rights Day. Vawleipi Nuhrin Covo Ni asi. (3) Chin Mi nih Lu Loin kan i phum Ni asi. Kan tuanbia ah a umbal lomi Rapthlak Tuksapur thlan tlak Ni asi. Ram le Miphun caah Tisen sung a pe mi kan fapa CDF Ttl (3) thlan ah thlah ni asi.

Chin holh in cun kan thih ni kan ti lo. Vawlei ah Lu phum Ni kan ti deuh. Nain Lu Phum Ni asi ti lo ai. Kan fapa le (3) Lu a bau ruang mang i lung i sak khawh asi hrim lo. Ngaichiat lungkuai nak azip ah kan um. MAH le Kawl Rallokap nih an kan tuahto ning hi cu afak hrinhran ko. Ngaithiam khawh asi ti lo. Kan Chiatha sa zong i canh dih a hau cang ko.

Nuhrin Covo Ni an ti ko nain, Covo piasen hmanh kan caah a tang ti rua lo (Ttl fanau caah ti awkin). Thih cio cio ah ngawngcung umloin kan i phum ko, a fak khun ko. Mi cu pum tlamtlin te talin an i phumh khawh. အသံတိတ်သပိတ် an ti ko naa tein, Sui Ttl caah cun Nun chung Silence Strike asi. Mi khualipi cu Ni khat te lawng Silence Strike an tuah. Ttl Khualipi cu Nifatin အသံတိတ်သပိတ် asi. A dai bal lailo Vawlei dongh tiang in.

Va chimh awk le va ripawt awk cozah luban le Hruaitu Upa zong an um khawh hrim tilo. Phuhlamtu le Teirul cham piak tu ding zong, hi vawlei ram ah hmuh dawh kan si tilo. Thangchiat zolangh tu le Thanhca chuah hnawh tu belte an tam ngamsam ko. Cung Pathian tu nih Kan caah Lairel hram seh!

Heros Of Thantlang Youngmen; Hauhruang Special in kulh mi Jerusalem hmanh kha Judah mino nih an veng khawh lo can a tampi. AD 70 ah a ciam i Israeli miphun kum 1877 an tlau ve. Nihin tiang Israel khuapi asi dih rih lo. Holy Land Then (4) ah then (1) lawng hi Israel covo asi.

Sui Thantlang Khualipi cu Kawl Ralkap nih an khangh dih ngawt cang Zilpici nel btk in a thiang cang. Bualrawn btk asimi i pheh awk thil a um lo nak ah, Ral va namh hi vawleipi ah a ngamh mi an um lo. David nih Uriah kha naih awk asilomi hi btk ah, a naih ter i a thah khah!

Kanram le Miphun zalennak, Kan Sui Khualipi khumzual awk ah Dotlami Tuu fano bang nunnak sung Biaktheng ah Pekchan tu hna nan si. Kan fapa le 3 hi AG an si lai ka zumh lo. Nain AG Biakinn an khangh lo nak hnga an thisen tu an pek chan. Mi Pical Lungput le Pasal tha sinak tehte asi.

Thantlang AG Biakinn min kha kan fapa le (3) min in thlen ding asi ko hnga! Thantlang Khuami kan tli mi hi kan palh ko lo maw ka ti phah cang. Mi ralchia kan si va ti ah, asi hoi lo. A poi tak khi asi ko. Mi raltha le Pasal tha rual CDF kan fa le rual lawng hi an si ko. Adang kong cu chim duh hlah ning! Credit: Joseph R. Thang