Laimi Hruaitu (Fake pawl)!
========
2019, December 31 ah Laimi ralzam donghter dingin UNHCR’ representative Richard Towle (mihrut zawnruat lopa) nih order a chuah. Cu lecangka in, Laimi hruaitu rinhchanh upa (CHRO, CNF) upa tiangin Malaysia ah nan rak phan hmasa.
Laimi Ralzam pawl le dornak kawl liomi pawl cu, CCF Pudu biakinn ah kawlram tlung ko uh tiah nan rak kan fial. Aho hmanh nih lung kan rak in tlinpi hna lo. Matupi pa lebang nihcun, Matupi bawlungchuih zuamnak lio i ka upa kha CNA nih nan kahmi si tiah a aw peile pei loin a rak hal hna. Aho dah a kaptu si mah cu lawng hal kan duh hna, ka let uh a ti hna nain an let ngam thai lo, bia dih.
UN card chuh ding cu rak si viar cu kan si hna 2018, Dec 31 ah. A tawinak in miphun ca si loin, paw ca fimthiam pawl Dr. sa nan ti maw, Abraham fa cu a si lai loh nain a min ah Isack nan timaw Tidim pa kha, cun Malaysia community mihrakhrol, pa Khanh ti si rua, cun Rangon NGO pawpuarpa te kha a min chim hrim ka fih.
Tlung uh, inn hmun kan in pek hna lai an hei ti ve cuh. Zumh awk dawh nan tthat lo tuk luamman cuh, NGO phaisa kawl riantuan nan itimh chel, politics hruaitu si nan itimh chel, Dogtor pipi.
CDM/CDF nan ti, kawlhrut nan ttanpi hoi hna… Kan khua, kan ram an/nan khanghter viar hna, thi lo nung loin rianhmi inn vialte, kan fanau le nunnak vialte ralhrang hriam in an thi dih, an thi rih lai.
Nanmah pawl cu ramthumnak, ramlengin nan aukhuang, nan paw caah bawmhnak fund nan kawl, media tlangau chiahru tete tiangin $millions tampi an thawh zawnruat hna nih, Khrihfabu pastor pipi tiang nih nan ibuaipi rih. Zawnruat unau hna nih Kan ralkap hna caah zianriah rawl caah caw/vok an ti, raldo pawl kan fanau hna nih an ei lo, pawpuar pawl nih nan ei.
Ok, ka zai khe, ka tuar celh lo… Laimi ttanrual a ttha tuk, nunnak pek tiangin. Nain, Laimi harton le zatlak lio caan ah Pawpuar NGOs, hlan le kinglang bang zawng thlen thiam Politics pawl le phaisa mih-au Biaknak hruaitu kan in herh bak hna lo lawlaw. Mah hna pawl chungah hin ralram ah raltu, nunnak pemi an tufa, unau an um ve hna dik maw?
Kawl ram ahcun BA aung, Taxi mawng ti si… NGO rian tlukin phaisa hmuhnak tha um lo cu mu. Zumh awk hrih an tha lo, Malay nan rak rat lioah khancun nangmah le Viktor kha kan rinhchanhmi hna cu nan rik si hrim. UN nih hramhram in min an kan thutter viar cang. NGOs ka timi pawl kha cu an rak i ready ve, an paw caah. Biatak thuh hi ttihnung bik si ko, sopawt lungthawhnak in, mah kutput hriam meithal le ral pawl i an hriam zoh/theih ve ta phung a si. Credit: Salai Eric Cenhrang
Mah Ti Kan Si Caah Dahkaw Mah Ti Hin Kan Si Peng Cu. “Kannih Chinmi/Laimi cu khua, pengtlang hoih tein kan rak i hruai, kan rak i uk peng i kan khua pengtlang kaltak awk kan țha lo,” timi hi kan dohthlennak a dawnkhantu lakah a ngan bikmi ah aa tel ve tiah ka ruah.
Mah hi cu a luan cia kum 100 asilole kum 200 lio ah khan kan pupa hna nih an rak hman cangmi a si. Mah kha dahkaw atu tiang ah kan nunter peng i kan thlah khawh rih lo cu! Kan pupa hna kha ram-uk-bawi uknak in anmah te cio lawng in an rak um, ram ser an rak i timh lo ruang ah atu tiang miphun dang sal ah kan taan pengmi hi philh lo ding.
Mah kan lungput, khuaruahning (mindset) hi kan thlen khawh lo ahcun zeitluk in ral doh kan i timh i kan doh zong ah hlawhtlinnak le luatnak taktak kan hmu kho lai lo tiah ka zumh. Kan chunglei in kanmah pumpak cio i thlennak kan i tuah khawh lawng ah lenglei ral hi kan tei khawh lai i kan thlen khawh ve lai tiah ka ruah. Kan sining hlun kaltak loin kan kal peng ahcun kan sining hlun kha kan si peng ko lai.