Lai meithal nan ap ahcun khua in kan chuak lai tiah Council ralkap nih khuami an leem hna

Lai meithal nan ap ahcun khua in kan chuak lai tiah Council ralkap nih khuami an leem hna
********************************
Lai meithal 150 hrawng nan ap ahcun khua in kan chuak lai tiah Council ralkap pawl nih Sagaing ramthen, Yinmarpin peng, Kapaing khuami pawl nihin ah an leem hna tiah kan theih. “Drone in video an thlak mi ah Lai meithal 300 hrawng an hmuh i 150 ap ding ah phungki sin in an kan chimh. Kannih nih cun ap lo ding in bia kan khiah. Kan ap ahcun thawng fianhnak ah, rammi kanmah lei ah an tang ti in vawleipi an hlen lai i an kedan tang in kan luat ti lai lo,” tiah Kapaing khuami pakhat nih a chim.

Ralkap cu Kapaing khua pawng ah hmun an khuarnak ni thum hrawng a si cang. Kum 18 in 50 kar pa pawl cu ralkap nih khua chung luh an sianh hna lo ca ah inn zuat satil pawl rawlpek an i harh. Council ralkap pawl an i helhum ca ah kiangkap khua a si mi Yinpaungtaing, Sinswe, Mohloh, Ahtet Nganan, Oh Nganan khuate pawl tel in khua tam deuh cu an zaam tiah khuami hna sin in theih a si. (Ref: RFA)

Cakei hring ṭhawn saling ah caku cakei nih dang hleice phunphun in..Cakei hring (minung a seh kho taktakmi cakei nung) le caku cakei (thli le dang lawng in ral seh ai tiimmi cakei) kong cu riatriat ti tawnmi 1988 Kawlram buainak nih a rak hrin. Tupi pakhat cu cakei hring (nung) pakhat nih ruhraang ngai in a uk hna. Cu cakei a pen khawhnak tiva ral pet in a ram ukmi saram pawl an rak chuak.

Tiva ral pet pawl nihcun an ram chung i cakei hring dohtu dingah ti in cakei deu an rak ser. Caku in an rak ser caah a min ah “caku cakei” an rak ti phah. Mirang cun, “paper tiger” an rak ti. Kawl cun, “စက္ကူ ကျား” ti khi a rak si.

Paper Tiger lutlai cu Dr Sein Win timi Pi Suu cousin pa khi a rak si. Ramleng Kawl cozah Prime Minister a rak si.
Khi pa thawng khin, Tlangmi ramleng cawlcanghnak vialte nih thluachuah an rak hmu. Chin ho kanmah unau pawl zong, ipheh lo tein an ichim ko ahcun, cucu a rak si, an ti.

Paper Tiger phu kha an lahkhah eimi a rak tam pah rua, Kawlram mi ca tuak cun. Cuti cun, an inuam. An ei bal lo an ei, an phanh bal lo an phan. An din bal lo an ding kho. Tikah, Catlap Cakei pi cu a tha thu tuk cang i ramchung Cakei Hring doh nemnam a huam ti lo.

Ram pical pawl bawmhnak ah ai zaa i a rii, ai nuam khim, a rak itinhmi le a miphun a philh an ti. Anmah Kawl lila bak nih fak taktak in an rak phomh hna. Cu a rak phomhtu pawl cu Khin Nyunt zuatmi zong an rak si lo. Than Shwe uico zong an rak si lo. Anmah he cii khat “Kawlram thlennak caah” ti in a rak zaampi hawi lila an rak si ko. Kawlram cu an rak thleng kho nemmam loh. Yenanchaung i Pe Kan Kaung timi pa cafung tawpherh hnawhnak men ah an rak ichuah.

Tutan hi “Paper Tiger” ti si loin, “Facebook Tiger” phun cu a von dir. Caku cakei cu si ti men hnga lo. A olnak cun online cakei ti ko usih. Online ti tik zong cun Facebook deuh hman cio si i Facebook Cakei si ko hnga cu….
A biapimi cu…

What the heck can this Facebook Tiger do? Do we need to hear their voices of interviews again and again for the transformation of our country? Do they think themselves the Myanmar experts or international politics or relation experts whatever?

Zaran he ikhahnak zawn…We all altogether hate the military government and their dictatorship in our country.
We all hate the brutality of uncivilized actions by the mil gov in our country.

Kan ikhah lonak….Some people (the opportunists) see political turmoil in our country as a chance to fill their pockets with gold. But the true people sacrifice their lives even without honoring their names.

An doh kho lai maw? “An ral nak hmanh in a lung aa rual lomi, mi nautat hmang pawl nih dahkaw, a lung aa rual i a hram a fek cangmi phu cu doh an timh cu” ti usi law, zeitin na leh lai? Miphun tribe chung hmanhah an duh lonak chim a duh lomi pawl nih khuazei maw tlang khawng kho lai bang cun an awn i an khuang. An tei lai maw, tuak ko. An ral tawpherh car hmanh an ziat kho lai ka zum hna lo e. Credit: Salai C Alexander