Kyarinn Khua Ah USDP A Tanh Ngaimi Khua Upa Pakhat Nih CDM A Tuahmi Pawl Thih Phaih Hna

Kyarinn CDM a tuah mi cheukhat pawl thih phaih an tawng an ti!
======================
Mah thawng kan theih mi hi a hman tak tak mi a si hnga maw? Mah phun a rak si tak tak ah cun a poi tuk tung lai.
Thawng hi a hman mi a si ah cun Khua mi dih lak nih CDM a tuah mi hna an him nak ding ah kan si kho tawk in tuan vo kan lak a hau ve cang lai.

Kyarinn khua ah USDP a tanh ngaimi khua upa pakhat nih atu cu ralkap (USDP) nih kan in tei cang hna caah khuabawi ka tuan than cang lai a ti hna. Cun, CDM tuah lo dingin a ti hna i a tuahmi kha report kan tuah hna lai tiin a thih phaih hna. Kyarinn khua hna ah Dalet an um ve cu a poi taktak. Hi bantuk minung hi cu khuami le abik in khua mino bu nih a kong an ceih i an tawlrel ding a si.

Kyarinn khua hi Kalaymyo Township, Sagaing ramthen chung um ah a ummi khua pakhat a si. Kyarinn khua hi kanmah Chin miphun nih tlakmi khua pakhat zong a si tiah theih a si. Kanmah Chin miphun umnak le khua tlaknak ah hi bantuk thawngpang theih cu khuaruahhar ngaingai a si ko. Abik in USDP tanhtu le member paohpaoh cu Chin ramkulh chung le Chin miphun umnak hmunhma ahcun um hrimhrim ti hlah sehlaw, lung di a riam tuk lai.