KIA Hriamtlai Phu Nih Yuzana Company An Hrawk Ruangah Ralkap Nih Warning An Pek Hna, Nain KIA Nih An Leh Colh Hna Uar An Um Tuk

KIA Hriamtlai Phu Nih Yuzana Company An Hrawk Ruangah Ralkap Nih Warning An Pek Hna, Nain KIA Nih An Leh Colh Hna Uar An Um Tuk
==============
KIA Hriamtlai phu nih Ralhrang phu cu challenge an tuah cang hna. Kawl ralhrang nih Kachin ramkulh chung khuate cheukhat cu vanlawng in bomh an thlah hnawh hna caah khuami tampi cu Kachin Independence Army (KIA) Headquarter a simi Laiza ah an zamh cio hna i, an i dor cio. Cucu KIA hriamtlai phu le mipi i bawmh in Yuzana Pilowpinas Company cu an khuai tiah thawng theih a si.

Hi Yuzana company khuainak kong he pehtlai in Ralhrang phu nih Laiza khuapi cu Bomh thlak hnawh dingin ralrin a pek nain, KIA hriamtlai phu nih Laiza khuapi ah bomh nan thlah ahcun Tuluk Gas Pipeline pi cu kan puah ve lai, tiah ralrin an pek ve hna. KIA hriamtlai phu hi cu uar an um tuk hringhran, Laiza khuapi chungah Ralhrang phu nih bomh an thlah sual ahcun KIA zong Tuluk Gas Pipeline an khuai ve lai i, ramchung civil war cu a fak chinchin ko lai, tiah zumh cio a si.

KIA nih Shan ram chaklei Pipeline pawngkam ummi nan himnak ding hmun ah zam uh a ti cang hna. Tuluk nih KIA cu Ralhrang ralkap he kahdaihnak tuah uh tiah a fial peng hna nain an duh lo caah Nan Sakhan nganbik umnak LAIZA LE MAIJAYANG khua hna cu kawl ralkap ralhnrang hna nih vanlawng hmang in bomh an thlak dih lai tiah an ti caah, KIA nih cathanh a tuah mi cu lung a hmui in Ttih zong a nung ngai ko.

Shan ram chak lei Tuluk Gas Pipeline pawngkam khuasa mipi hna aran nak in nan himnak ding hmun ah zaam dih uh tiah thawngthanh nak ca cu nizan ah KIA nih an chuah. Caanrau lo teah hrawk kho dih hna sehlaw tha tuk hnga. Tuluk Gas pipeline pi hi mipi nih an auh peng ko nain an hrawk ngam taktak cio lomi le hrawk duh tuk cio mi a si fawn. KIA nih an hrawk sual ahcun Kawl mipi an lung a hmui tuk cio lai.