Ralhrang nih Chinram chungah zeidah tuah aa timh Chinram ah ralhrang nih tinhmi (plan) a ngei tiah kan theih, Chinram dih lak/pengkip dih lak hi, an kee in ttol le pal dih an i tim,A tu Thantlang lei an kal hmasa bik . A ruang cu Hakha le Thantlang lei hi ralhrang dohtu ah a tthawng deuhmi le (CNA) umnak a si caah hmasa bik an kalnak a si. Thantlang an hrawhmi sersiam an itim tiah kan rak theih cio mi sinain Thantlang sersiam lawng kha an rak itinh mi asi lo.
Chinram pengkip le khuate vialte hna zong, i ralrin cia ah a sual lo tiah a chunglei ummi sin in kan theihchap. Tu kan hun taarmi an plan hi, ralhrang nih an thleng te hnga dek maw,tutiang kan theih ningah cun a cunglei kan taarmi hi an plan sermi a si ko .
Ralhrang an hriamnam tthat ruang lawngah hmai an nor khawh silo,one command an si caah hmai an nor khawhnak asi caah Chinram hriamtlaiphu hna le cunglei nawlngeitu hna ,nan i fianter duh lo mi nih hin,Chinram zeimawzat a khangh te lai i,tuzong ah kaangh hram aa thok pah ko cang. One command kan umlo chung cu,a bik in ral kan sungh tawn tikah,khat le khat phu, mawhnak le tlamtlin lo kan i puh peng lai. Credit: Salai William
Relchap: Shwebo Kahdohnak Ah SAC Ralkap 5 An Thi, Pyusawhtee 20 Hrawng An Tlaih Hna Sagaing ramṭhen, Shwebo peng, Hanlin khuahlun ah hmunhma a khuar mi SAC ralkap pawl an kah hna i 5 an thi, Pyusawhtee 20 hrawng an i hliam i a nung in tlaih mi zong an um tiah Generation Z Power (Mandalay) nih thawng an thanh. July 17 zinglei sml 5:00am hrawng ah SAC ralkap,
pyusawhtee 60 leng nih hmunhma an khuarnak Hanlin khuahlun SAC ralkap sakhaan cu PDF phufonh nih an kah hna caah SAC ralkap 5 an thi, pyusawhtee 20 hrawng an i hliam i a nung in tlaih mi pyusawhtee pawl zong pengkomh PDF sin ah an kuat hna tiah theih a si.
“Pyusawhtee 20 hrawng kan tlaih hna, hliam a tuar mi an zapi ngawt in kan tlaih hna. Sakhaan lak ding tiang cun kan kuan nih an kan zat lo. Mi 35 nih khuate chung ah a kah len” tiah Generation Z Power (Mandalay) rianngeitu nih Khit Thit ah a chim.
Cubantuk in July 5 zong ah Ayardaw peng, Ngwedwin khuate ah a um mi pyusawhtee sakhaan an luh hnawh hna i SAC ralkap 2 le pyusawhtee 17 tiah an zapi 19 kan thah hna tiah Generation Z Power phu sin in thawng theih a si.
