July 30 zanah Hakha khuathar ah ralhrang le ranglek pawl an vaak i, civil mi pakhat saikel in a kal lio mi cu an kah i, a ttih tuk caah a saikel cu a leek tak i, ralhrang nih a saikel cu an i laak. Hakha ah ralhrang le ranglek an sual chin lengmang caah umkal o ralrin a biapi tuk. Credit: Sailai William
Relchap: Nyaunglebin peng Kahnak Ah SAC Miakpi Battalion Captain Tet Aung Soe A Thi Bago ramthen, Nyaunglebin pengchung kahnak ah SAC miakpi battalion in Captain Tet Aung Soe a thi tiah naihniam chungkhar nih Yangon Khet Thit News ah a chim. July 12 ni Babo ramthen, Nyaunglebin peng kahnak ah Captain Tet Aung Soe cu hliamtuar in a zualhma ngai caah July 29 ah a thi. Captain pa nih nupi fapawi lio mi a tantak tiah theih a si.
“Captain Tet Aung Soe hi cimtlak battalion ah a rak um hmasa hnu in Taungngu battalion ah a rak i `hial. A thi lio ah a nupi cu fa no pawi ka te a si. Hliamtuarnak in a tu siizung ah a thi” tiah naihniam chungkhar nih an chim. Captain Tet Aung Soe cu DSA (51th intake) in a dih mi a si i dohtlennak a tuahmi mipi ralkap cu Facebook in soiselnak kong a tial ton mi a si. Credit: The Chinland Post
Relchap: Yangon ah Police Sakhan Hmu Police Captain Lin Lin Tun, A kuttang nih Meithal in a kah Yangon North Okkalapa Sakhan Hmu Police Captain Lin Lin Tun cu a kuttang Police senngei lo Ar Khar Soe nih meithal in a kah. Siizung ah zualhma ngai in a um hnu, July 27 zan ah a thi tiah theih a si.
July 18 zan 8:30 pm ah North Okkalapa Myomya police sakhan ah Sakhanhmu Police Captain bawi Lin Lin Tun nih a kuttang police pawl cu zan duty dingin nawl a pek hna lio ah Police Ar Kar Soe nih zankhat chungah voi 2 duty tuan a sinak kongah an pahnih karlak bia-elnak a um. Cu hnu ah Police Ar Kar Soe nihcun, police bawi Lin Lin Tun cu M -16 meithal in voi 1 kahnak in Lin Lin Tun cu hliamtuar in a zualhma ngai i North Okkalapa sii zungah an kalpi hmasa.
A hma a zualngai caah Yangon siizung pi ah an thial`han hnu, an thlop kho ti lo caah July 27 zan ah a thi. Meithal a kap tu police Ai Kar Soe cu North Okkalapa Myomya police thonginn ah hrem a si tiah theih a si. Police Captain Lin Lin Tun cu July 29 ni ah a ruak vui a si lai tiah sakhan um police nih Khet Tit media ah a chim. Credit: The Chinland Post
